تعالوا نبداء (اليومآيه ) ؟

بسم الله الرحمن الرحيم

الحمد لله الذي هدانا لهذا وماكنا لنهتدي لولم يهدنا الله
الحمد لله وكفي وسلاماعلي نبيه الذي اصطفي

تحيه طيبه وبعد

[size=24]حبيت تكون اول مشاركاتي الحقيقيه المشروع الجميل ده ( اليومآيه) الاسم مش غريب ولا حاجه وبالتاكيد كتير من حضرتكم سمعتم عنه وممكن فيه منكم اللي اشترك فيه قبل كده الفكره دي صاحبها جزاه كل خير مسبش للمسلمين اي حجه خالص
علشان مطولش عليكم الفكر دي انا سمعتها من فتر طويله وكان نفسي اطبقها وقلت اقترحها عليكم ونشجع ونعاون بعض عليها
شكلي كده طولت...............................
الفكره ببساطه هي اننا نحفظ كل يوم ايه من كتاب الله الكريم علشان كده اسمه اليومآيه وصاحب الفكره الاصلي حفظ القرآن كله في 18 سنه ومسبلناش اي عذر
انا نقلتكم الفكره ولو عجبتكم شوفو نبداء ازاي ومن امتي[/size]
وفي الختام سلام

عدد الرسائل : 371 الرتب : تاريخ التسجيل : 30/09/2008

ربنا يجزى حضرتك خير
احنا فعلا كنا بنفكر فى كده
وقلنا هانبدأ بجزء عم بس كنا مستنين بس نعمل قسم للقرآن الكريم علشان نبدأ الموضوع فيه

وانا طلبت من باشمهندس احمد انه يعمل القسم وان شاء الله يتعمل قريب

بس طبعا انا اول واحدة مع حضرتك
وشوف حضرتك ممكن نبدأ ازاى
ربنا يعزك يارب

علي فكره فكرته رائعه جدااا وهي ليها اسم تاني زمان كانوا بيقولوه وهو الورد للحفظ مش للقراءه
بس ان شاء الله ربنا يقدرنا وتتنفذ الفكرة ونقدر نعملها
وجزاك الله خيرااا

وممكن برده نسميها روح شباب الرحمة

مش برده القرآن الكريم روح انزل الينا

شكرا جزيلا علي سرعه استجابتكم
ومستني منكم اقتراحتكم ازي هنبداء الحفظ انشاء الله ؟
ومن امتي نبداء ؟
وازي نسمع ونراجع ؟

عدد الرسائل : 371 الرتب : تاريخ التسجيل : 30/09/2008

ربنا يكرم حضرتك
هو اقتراحى بما ان أغلبنا حافظ جزء عم الم يكن كلنا فاحنا نبدأ نحفظ من البقرة مع مراجعة جزء عم يعنى ازاى

انا اعتقد ان آيه واحدة قليلة شوية ممكن نخليهم 3 آيات كل يوم
ده لو حفظنا آيه بعد كل صلاة هايبقى لسه فى صلاتين
و5 آيات نراجعهم من جزء عم لان الايات فى جزء عم قصيرة

والتسميع ان شاء الله هايكون كل يوم كل واحد فينا يدخل ويسمع ال3 آيات فى الصفحة دى بالكتابة مش هاياخدوا وقت مننا
وكذلك الخمس آيات فى جزء عم تمام
وطبعا لازم كل يوم علشان اللى هايتأخر فى يوم هايسمع الايات بتاع اليومين مثلا اللى غاب فيهم

وبعد كده لما نخلص حفظ ربع حزب مثلا فى البقرة نبدأ نعمل امتحان
يعنى حضرتك مثلا او اى حدنكلفه بالمهمة يدخل يكتب آيه من اى مكان فى الربع ويبقى مثلا السؤال هات الايه اللى قبلها او اللى بعدها
او مثلا ابدأ بكلمة كذا
وهكذا

وممكن نبدأ ان شاء الله على الاسبوع الجاى لما الناس كلها تشوف الموضوع ونشوف مين اللى معانا

وطبعا ده اقتراح وقابل للتغير

جزاك الله خيرا

وده جدول لحفظ القرآن
لو آيه هايحفظه فى 17 سنة و7 شهور و9 ايام
وهكذا

مقدار الحفظ	مدة حفظ القرآن كاملاَ
اليومي	سنة	شهر	يوم
آية واحدة	17	7	9
آيتان	8	9	18
ثلاث آيات	5	10	13
أربع آيات	4	4	24
خمس آيات	3	6	7
ست آيات	2	11	4
سبع آيات	2	6	3
ثمان آيات	2	2	12
تسع آيات	1	11	12
عشر آيات	1	9	2
11 آية	1	7	6
12 آية	1	5	15
13 آية	1	4	6
14 آية	1	3
15 آية	1	2	1
16 آية	1	1	6
17 آية	1		10
18 آية		11	19
19 آية		11	1
نصف وجه	3	4	24
وجه واحد	1	8	12
وجهان		10	6

[size=18]شكرا ياشيماء الرد الجميل ده واقتراحك الرائع شكر خاص جدا علي العمليه الحسابيه الجميله دي وكان لي كلمه صغيره ان اي واحد ميبصش لعدد السنين اللي هتمر عليه لحد ميحفظ القرآن الكريم ان هو استمر المشروعه ده لنهايه واحنا- ان شاء الله -معه وييئس ويقول دول كتير قويييييييييييييييييييييييييي
المهم يسئل نفسه ان الاحسن ايه؟؟؟؟؟؟؟؟ بعد عشرين سنه من دالوقتي لوكان في العمر عشرين سنه تانين هيكون حفظ اد ايه من القران ولا هيكون لسه بيقول نفسي احفظ وتجري الايام ولامنه حفظ ولا عنده حجه لعدم الحفظ ولا ايه؟؟؟؟؟؟؟؟؟؟؟؟؟؟؟؟؟؟؟؟؟
فياجماعه قبل منبداء نبص لنص الكوبايه المليان ان كل يوم باذان الله هيمر علينا احنا دراجتنا ومنزلتنا في الجنه ان شاء الله هتعلي درجه او اتنين او تلاته حسب منتفق هنبداء ازي[/size]
[size=24]من حديث عبد الله بن عمرو عن النبي صلى الله عليه وسلم قال : " يقال لصاحب القرآن اقرأ وارتق ورتل كما كنت ترتل في الدنيا ، فإن منزلتك عند آخر آية تقرأ بها " . رواه أبو داود[/size]
واخيرا انا معك في اقتراحك سواء عدد الايات او طريقه التسميع وبرده نستني لاخرالاسبوع لحد ما كل الناس تعرف واللي عايز يشترك يسجل حضوره معنا هنا ويقول اقنراحته فبفيد و يستفيد
وفي الختام سلام

ما شاء الله عليكم ياجماعة

بجد ربنا يكرمكم

أحنا كنا مش متخيلين ان الموضوع هيجى بسرعة أوى كده
احنا فكرنا فيه أنا وشيماء من فترة

أنا موافقة على ثلاثة أيات
لأن قليل أوى أيه
يعنى اللى هيخلينى احفظ أية ان شاء الله هيخلينى أحفظ التلاته

بس الأهم هو رأى الناس اللى بيدرسوا
عشان بس ميحسوش ان الحاجات كترت عليهم ويبقى زياده عن اللزوم

والمده دى مش مهمه خالص ....... المهم اننا نبدأ ونشجع بعض

وكما قال ابن مسعود: ما ندمت على شىء كندمى على يوم زاد فيه عمرى ولم يزد فيه عملى

يعنى ان شاء الله يكون لينا كل يوم حاجة نعملها علها تكون حجتنا أمام الله وسبيلنا للجنه

بس المهم دلوقتى نجدد النية .....

كل واحد يقول نيته أيه؟؟؟؟؟؟؟؟؟

عدد الرسائل : 371 الرتب : تاريخ التسجيل : 30/09/2008

خلاص ياريهان ان شاء الله انا هاعمل موضوع اسمه لماذا نحفظ القرآن ودى هاتكون النوايا ان شاء الله

عدد الرسائل : 371 الرتب : تاريخ التسجيل : 30/09/2008

ايه ياجماعة فين باقى الناس مش معانا ولا ايه

دول هما على بعض 8 آيات فى اليوم 3 من البقرة و5 من جزء عم
يعنى مش كتير اوى كده

يالا ياجماعة شدوا حيلكم شوية
ده احنا هدفنا ربنا والجنة ونصرة النبى

اللى معانا دلوقتى

دكتور صلاح
باشمهندس امجد
باشمهندس محمود
ريهان
شيماء

يالا مين هايقول انا معاكم

هل من مشمر الى الجنة؟؟؟؟؟؟؟؟؟؟؟؟؟؟؟؟؟؟؟؟؟؟

أنا معاكم طبعا حد يفوت حاجه زى دى
ربنا يكرمكم ويخليكوا دايما سباقين لعمل الخير

جزاكم الله خيرا جميعا
طبعا دي من اجمل الافكار
لان دايما لما بنضغط على نفسنا بنقع
لكن لو خليناها بسيطة واسهل هتكون مجدية اكتر
وخير الاعمال ادومها وان قل
وطبعا انا معاكوا
وياريت نبدأ على طول

عدد الرسائل : 371 الرتب : تاريخ التسجيل : 30/09/2008

اللى معانا دلوقتى

دكتور صلاح
باشمهندس امجد
باشمهندس محمود
ريهان
شيماء
باشمهندس احمد(صقر الاسلام
بتول(رشا

يالا مين معانا تانى علشان هنبدأ من بكرة ان شاء الله

عدد الرسائل : 371 الرتب : تاريخ التسجيل : 30/09/2008

عايزين ياجماعة قبل ما نبدأ نحفظ سورة البقرة لازم نعرف فضل هذه السورة العظيمة

قال رسول الله صلى الله عليه وسلم

اقرؤوا القرآن. فإنه يأتي يوم القيامة شفيعا لأصحابه. اقرؤوا الزهراوين : البقرة وسورة آل عمران. فإنهما تأتيان يوم القيامة كأنهما غمامتان. أو كأنهما غيايتان. أو كأنهما فرقان من طير صواف. تحاجان عن أصحابهما. اقرؤوا سورة البقرة. فإن أخذها بركة. وتركها حسرة. ولا يستطيعها البطلة". قال معاوية : بلغني أن البطلة السحرة. وفي رواية : مثله. غير أنه قال "وكأنهما" في كليهما. ولم يذكر قول معاوية : بلغني. صحيح مسلم المسند الصحيح 804

عن ابن عباس؛ قال : بينما جبريل قاعد عند النبي صلى الله عليه وسلم. سمع نقيضا من فوقه. فرفع رأسه. فقال : هذا باب من السماء فتح اليوم. لم يفتح قط إلا اليوم. فنزل منه ملك. فقال : هذا ملك نزل إلى الأرض. لم ينزل قط إلا اليوم. فسلم وقال : أبشر بنورين أوتيتهما لم يؤتهما نبي قبلك. فاتحة الكتاب وخواتيم سورة البقرة. لن تقرأ بحرف منهما إلا أعطيته. صحيح مسلم المسند الصحيح 806

يؤتى بالقرآن يوم القيامة وأهله الذين كانوا يعملون به. تقدمه سورة البقرة وآل عمران" وضرب لهما رسول الله صلى الله عليه وسلم ثلاثة أمثال. ما نسيتهن بعد. قال "كأنهما غمامتان أو ظلتان سوداوان. بينهما شرق. أو كأنهما حزقان من طير صواف. تحاجان عن صاحبهما". صحيح مسلم المسند الصحيح 805

"لا تجعلوا بيوتكم مقابر. إن الشيطان ينفر من البيت الذي تقرأ فيه سورة البقرة". صحيح مسلم المسند الصحيح 780

لا تجعلوا بيوتكم مقابر، إن الشيطان ينفر من البيت الذي يقرأ فيه سورة البقرة ......صحيح البغوي شرح السنة 3/18

لما أسري برسول الله صلى الله عليه وسلم انتهي به إلى سدرة المنتهى، وهي في السماء السادسة، إليها ينتهي ما يعرج به من الأرض، فيقبض منها، وإليها ينتهي ما يهبط به من فوقها، فيقبض منها، قال : { إذ يغشى السدرة ما يغشى } قال: فراش من ذهب، قال: فأعطي رسول الله صلى الله عليه وسلم ثلاثا: أعطي الصلوات الخمس، وأعطي خواتم سورة البقرة، وغفر لمن لا يشرك بالله من أمته شيئا المقحمات................. صحيح البغوي شرح السنة 7/102

اقرأ الآيتين من آخر سورة البقرة فإني أعطيتهما من تحت العرش....... إسناده حسن ابن كثير تفسير القرآن 1/506

جزاك الله الف خير يا شيماء
بس ياريت تجيبي الاول فضا الفاتحة
بما اننا هنبدأ من اول القران
اللهم اجعلنا حافظين لكتابك عاملين به
امين

عدد الرسائل : 371 الرتب : تاريخ التسجيل : 30/09/2008

جزانا واياكى يارشا
حاضر انتى تؤمرى والله

فضل سورة الفاتحة

قال رسول الله صلى الله عليه وسلم :
( ما أنزلت في التوراة، ولا في الإنجيل، ولا في الزبور، ولا في الفرقان مثلها. وإنها سبع من المثاني، والقرآن العظيم الذي أعطيته .. متفق عليه ..

3) قال رسول الله صلى الله عليه وسلم :
( قال الله تعالى : قسمت الصلاة بيني وبين عبدي نصفين ، ولعبدي ما سأل ، فإذا قال العبد : {الحمد لله رب العالمين} ، قال الله : حمدني عبدي . فإذا قال : {الرحمن الرحيم} ، قال : اثنى علي عبدي . فإذا قال : {مالك يوم الدين} ، قال مجدني عبدي.وإذا قال:{إياك نعبد وإياك نستعين} ، قال : هذا بيني وبين عبدي ، ولعبدي ما سأل . فإذا قال : {اهدنا الصراط المستقيم . صراط الذين أنعمت عليهم غير المغضوب عليهم ولا الضالين} ، قال : هذا لعبدي . ولعبدي ما سأل ) .. [ رواه مسلم وصححه الألباني في صحيح الترغيب والترهيب / 1455 ] ..

ما شاء الله عليكي يا شيماء
انا كده هبتدي افكر في حاجات اكبر
ايه السرعة دي
جد شوية
ربنا يكرمك ويجعله في ميزان حسناتك
امين

عدد الرسائل : 371 الرتب : تاريخ التسجيل : 30/09/2008

فكرى بس واحنا علينا التنفيذ
ربنا يعزك يارب

جزاء الله شيماء علي مجهودها الرائع كل خير
ومش معقول المشروع الجميل ده 8 بس مشتركين فيه من اصل
48
فين الهمه ياشباب

عدد الرسائل : 371 الرتب : تاريخ التسجيل : 30/09/2008

ربنا يكرمك يادكتور
انا مش بعمل حاجة ربنا بس يتقبل ويرزقنا الاخلاص فى القول والعمل

اصل ال48 دول مش كلهم بيدخلو على المنتدى على طول

بس فين بقى باقى الناس اللى بيدخلو؟؟

وان شاء الله نعرض الفكرة لباقى الناس فى الاجتماع بكرة وان شاء الله هايكون فى استجابة منهم انا متأكده بإذن الله
احنا عندنا ثقة كبيرة فى شباب الرحمة ان شاء الله

وياريت ان شاء الله نبدأ من بكرة

والتسميع هايكون هنا فى الصفحة دى
وفى اى وقت على مدار اليوم ان شاء الله

انا بس عايزة اعرف هنبدا امتى

هذا المنتدى موقوف ويمنع التعامل معه