يوميات شنطة رمضان

السلام عليكم ورحمة الله وبركاته

طبعا رمضان على الابواب كل سنة وانتم طيبين فبدأنا نحضر لشنطة رمضان

بدأنا بعمل اجتماع لاعضاء الجمعية علشان نشوف ازاى هانجهز لشنطة رمضان

ولقينا ان تكلفة الشنطة ان شاء الله هاتكون فى حدود 40 جنية

وبدأنا نفكر ازاى هانعمل دعاية علشان نجمع تبرعات سواء مادية أو عينية

واتفقنا ان احنا نقسم نفسنا مجموعات كل مجموعة تنزل تعمل دعاية فى مكان معين

والحمد لله بدأنا بالفعل ونزلنا نلف على المحلات علشان نجمع تبرعات وكان معانا الاعلان وشنط علشان اللى يحب يتبرع بحاجة عينيةفى أول يوم:

كان يعنى صعب شوية فى البداية وبقينا نعزم على بعض مين اللى هايدخل الاول علشان يتكلم Very Happy

وأول ايصال تبرع كان من نصيبى انا انى اكتبه وكان شكلى يكسف كنت خايفة شوية pale

بس ايه بعد كده بقيت بريمو الحمد لله

فى اليومين اللى احنا نزلناهم قابلنا ناس كتير منهم اللى نفسه يعمل حاجة ويفيد الناس ومنهم طبعا اللى.............

بس الحمد لله لسه فى خير فى الناس برده وقدرنا نجمع مبلغ معقول وتبرعات عينية كمان

أنا طولت عليكم مش كده

هاسيب الكلام لباقى المجموعة يحكوا لنا عن خواطرهم فى اليومين دول Smile

السلام عليكم ورحمة الله وبركاته
النهاردة كان ثانى اجتماع بخصوص شنطة رمضان والحمد لله لما جمعنا التبرعات لقيناها حوالى 1000 وشويه مش عارفة المبلغ بالضبط بس الحمد لله المبلغ ده فى اقل من اسبوع ده غير التبرعات العينية

والناس فعلا اتصلوا بينا وقالوا انهم جهزوا الشنطة ربنا يكرمهم جميعا

وان شاء الله هانبدأ الدعاية فى البتانون من يوم الاثنين 18/8 هانتجمع ان شاء الله فى دار الايتام الساعة 10 صباحا

وان شاء الله هانبدأ دعاية فى المحلات وفى المساجد

ربنا يرزقنا جميعا الاخلاص فى القول والعمل
وبرده مستنيه خواطركم

بما ان محدش دخل المنتدى الا انا لان تقريبا اعضاء الجمعية كلهم النت فاصل عندهم

هاتكلم انا برده عن اجتماع النهاردة

الحمد لله نزلنا النهاردة دعاية فى البتانون وعرفنا الناس على شنطة رمضان وعرفناهم كمان

على دار الرحمة لرعاية الايتام ذوى الاحتياجات الخاصة اللى موجودة فى البتانون

بصراحة ماشاء الله مع اننا ماخدناش وقت كبير فى الدعاية علشان بدأنا متأخر شوية بس

الحمد لله جمعنا مبلغ ممتـــــــــــــــــــــــــــــــــــــــــــــــــــــــــــــــاز بفضل الله

ومحلات الجزارة كمان اتفقوا معانا انهم يتبرعوا للدار باللحوم كل شهر

وكمان محل خبز اتبرع معانا

بفضل الله كان يوم مثمر

ربنا يرزقنا جميعا الاخلاص فى القول والعمل

عدد الرسائل : 73 الرتب : تاريخ التسجيل : 27/08/2008

شوشو الجميله
من منطلق قول النبى من لا يشكر الناس لا يشكر الله فجزاك الله كل الخير على العمل لجمع تبرعات شنطه رمضان وأشكر كل المجموعه التى ساهمت فى هذا المشروع والعمل الخيرى وأترك جزاء وثواب هؤلاء إلى الله تعالى وهو الكريم أذكر كل المسلمين فقط بثواب تفطير الصائم فى رمضان فأنت أخى وأختى لكما نفس الثواب وأيضا إدخال السرور على المسلمين وتفريج كربت مسلم وخاصه مع غلاء الأسعار أدعوا الجميع ليشاركنا الثواب والسعادة التى تغمر القلوب عند تعبئه أو توزيع الشنط على الأسر وكم هو رائع وجميل وأنت تسمع دعوات الأخرين لك ودعوات الكبار من الرجال والنساء وكل يهنئ بمناسبه الشهر الكريم وذلك فى جمعيه الرحمه الخيريه
البتانون فوق سنترال غلاب 0482371822
شبين الكوم مجمع الكليات كافتيريا KM فوق سنترال رحمة
ت : 0482327828[b]
فأهلا بك معنا

معلش يا شوشو اتأخرت شوية فى الرد

أصل ياجماعة أنا وشيماء اتفسحنا كتيييييييييييير أوى فى حملة الدعاية للشنطة

احنا فعلا كنا مبسوطين بجد هو كان الجو حر شوية بس كان بيهون كل شىء مع دعوة بنسمعها
أو حد يقول ربنا يكرمكم وغيرة من الناس الطيبة دول

وكمان كنت بحس ان احنا بنعمل حاجة لله حاجة لبلدنا لينا قيمة

وكنا بنفرح أوى لما حد يدينى تبرع أو يقول انه هيجهز شنطة ويديهلنا

فعلا احساس جميل جدا انك تعيش لغيرك وتفكر فيه وتعمل خير لله

وزى ما كان بيقول الأستاذ عمرو خالد/

كن رجلا بألف رجل ,فان لم تستطع فكن رجلا

كفاية كدة دلوقت
أنا كمان زى شيماء مستنيه أسمع منكو

يارب حد يتكلم

كله شوشو شوشو مفيش اى حاجة للعبد لله يساتر يساتر
بس بصراحة يشيماء رعشة اديكى كانت تحفة بجد
ههههههههههه

لا ازاى ياباشمهندس انتم الخير والبركة

بصراحة ربنا يكرمكم جميعا احنا طبعا مانقدرش نوفيكم حقكم
ربنا يجزيكم خير
بجد شغل جامد ربنا يجعله فى ميزان حسناتكم

يجماعة شيماء هيا الركاز الأساسى فالموضوع
مش عارف من غيرك كنا هنعمل ايه بس

كلام بينى وبينكوا شيماء مش كريمة خالص0000000000000000000000

كده .................ماشى انا مش هاتكلم

no comment

النهاردة كان عندنا اجتماع فى الجمعية بخصوص الشنطة وباذن الله الاحد هانوزع الشنط فى البتانون وهانتجمع فى الدار الساعة 9.5 شكله كده هايبقى يوم جامد اوى ربنا يستر
ويوم الاثنين ان شاء الله هانبدأ نعبى الشنط علشان الاسر فى شبين ربنا يعنيا يارب ادعوا لنا بقى

النهاردة ياجماعة كان يوم جامد جدا

متتخيلوش كمية الناس كانت أد اية

بس الحمد لله كنا أدها وأدود وأنجزنا المهمه

أصل البشمهندس محمد كان فرحان فينا أوى ان احنا مدبسين لوحدنا.........

أيوة أنا عذراه أصل لسة مش عارف امكانيتنا دى بنات الرحمة دول جامدين جدا

بس فعلا ياجماعة كان يوم جميل جدا

هو أنا كنت زعلانة شوية عشان الناس انتظرت فترات طويلة بس عصب عننا وفى الأخر الحمد لله كل الناس ارتضت

وكمان فى أخر اليوم مقولكوش دعوات اية لينا بس يارب تقبلها
واجعل هذا العمل خالصا لوجهك الكريم

اللهم اجعلنا هدفا لنصرة الإسلام واقبلنا وتقبلنا

هو فعلا كان يوم صعب قوى والناس ماشاء الله كانوا كتيييييييييييييييير اوى من كل محافظة المنوفية

هما بصراحة تعبوا ووقفوا كتير بس والله كنا بنحاول نريحهم على قد مانقدر
بس بصراحة الشنطة كانت تستهال الوقفة دى
ربنا يتقبل يارب ويرزقهم جميعا
واهم حاجة زى ما قالت ريهان دعواتهم لينا لما كان حد فينا بيساعدهم دى فعلا مكسبنا حتى لو كنا تعبنا شوية بتلاقى ثمرة تعبك بالدعوة دى

امبارح بقى بدأنا نعبى الشنط عندنا فى الجمعية

بدأنا فى شبين وانا كنت ماسكة مكيال الارز وكنا بنعبى انا ومها وهى كانت الصبى بتاعى ربنا يكرمها
بصراحة الكل اشتغل شغل جامد
وبعدين خلصنا شبين طلعنا على البتانون علشان نعبى هناك والحمد لله أنجزنا
كان فى كمية اعضاء ماشاء الله علشان كده خلصنا بسرعة بفضل الله
بصراحة احسن حاجة بحبها فى شنطة رمضان هى التعبئة بحس فعلا انى عملت حاجة والواحد بيشوف ثمرة مجهوده ربنا يتقبل منكم جميعا ويجعله فى ميزان حسناتكم يارب

النهاردة بقى كان التوزيع فى البتانون وفى شبين

الوضع فى شبين الحمد لله كان مستقر لكن البتانون مش عايزة أقولكو

حاجة صعبة

عارفين كل ما كنت بشوف الناس وعددهم المستمر اللى بيزيد وتحملهم أى شىء عشان الشنطة دى يحسسنى أد ايه فعلا فى ناس كتيييييييييير محتاجة محتاجين لينا كلنا وده هيخليك تشتغل أكتر وتتعب أكتر عشان تقدر تساعد الناس دول

وكمان هنحس أد اية احنا فى نعمة...

يارب ساعدنا ان احنا نقدر نعملهم حاجة وتقبل منا يارب

على فكرة فى توزيع بكرة ان شاء الله كمان فى البتانون ياريت تكونو معانا

أكيد هتنبسطو جدا

زائر

معلش يجماعة ع التأخير غصب عنى
طبعا مش هعلق على موضوع فرحان فيكوا ده لأنه فعلا كان بجد

بهزر والله انا بجد كنت هموت واجى فاليوم ده انتو عارفين انا اد ايه بحب اشترك فالنشاطات دى

أما بقى بالنسبة لبنات الرحمة فهما فالشغل معندهومش رحمة بنات من حديد فالخير طبعا بس
اما بقى بالنسبة لسيدات البتانون فدول اهدى ناس وارق واطيب ناس على وجة البسيطة

بجد يااه عالرقة ايه ده يجماعة بسكويت وطبعا انا اتنرفزت اوفر عالعادة يعنى بس معلش يجماعة انا اسف كلكوا امهاتى واخواتى وجداتى والله بحبكوا بجد

يباشا الف مليون شكرا على التوضيح

صدق الى قال استاذة والله

جزالك الله كل خير

rehan كتب:: النهاردة بقى كان التوزيع فى البتانون وفى شبين

الوضع فى شبين الحمد لله كان مستقر لكن البتانون مش عايزة أقولكو

حاجة صعبة

عارفين كل ما كنت بشوف الناس وعددهم المستمر اللى بيزيد وتحملهم أى شىء عشان الشنطة دى يحسسنى أد ايه فعلا فى ناس كتيييييييييير محتاجة محتاجين لينا كلنا وده هيخليك تشتغل أكتر وتتعب أكتر عشان تقدر تساعد الناس دول

وكمان هنحس أد اية احنا فى نعمة...

يارب ساعدنا ان احنا نقدر نعملهم حاجة وتقبل منا يارب

على فكرة فى توزيع بكرة ان شاء الله كمان فى البتانون ياريت تكونو معانا

أكيد هتنبسطو جدا

اشكركم واحييكم على جهودكم

واطلب من الله ان يجعلة فى ميزان حسناتكم

سررت جدا لما قمتم بة

واكررشكرى وتقديرى لجهودكم

ولقد ساهمنا بالقليل معكم

(الدال على الخير كفاعلة)

http://batanon.in-goo.com/portal.htm

شنطــــــة رمضـــــان

http://batanon.in-goo.com/montada-f39/topic-t1401.htmhttp://batanon.in-goo.com/montada-f39/topic-t1401.htm

https://ra7ma.alafdal.net/montada-f10/topic-t28.htm

https://ra7ma.alafdal.net/montada-f10/topic-t29.htm

ادعو لكم بالتوفيق

بص ياباشمهندس هتلاقى فوق خالص فى الصفحة الرئيسية كلمة مكتبى ادخل عليها
وبعدين ادخل على (صورة شخصية
هتلاقى بعد كده كلمة
browse
اضغط عليها هايظهر الجهاز عندك اختار الصورة من الجهاز واضغط عليها هاتترفع وتبقى صورتك الرمزية
ياريت اكون قدرت اوضح الطريقة

النهاردة كان عندنا اجتماع وبدأنا نتكلم شوية فى الايمانيات وكل واحد عنده معلومة جديدة او حلقة سمعها بدأ يقولها للباقى والحمد لله

بعد كده بدأنا فلى الشغل وان شاء الله هانبدأ فى شنطة المدرسة علشان نجمع لها تبرعات مادية وعينية

وكمان هايبقى عندنا معرض للملابس عايزين كمان نجمع تبرعات ملابس علشان المعرض

وان شاء الله هانبتدى شغل يوم الاثنين ربنا يقدرنا يارب

عدد الرسائل : 73 الرتب : تاريخ التسجيل : 27/08/2008

اللهم انا نسألك التوفيق والسداد

اللهم اجعلنا هدفا لنصرة الإسلام

الحمد لله تم الانتهاء من تعبئة الشنطة خلاص من كام يوم
وباذن الله يوم السبت الناس نازلين العراقية علشان يوزعوا الشنط على الاسر هناك
ربنا معاكم يارب ويقدركم ويجعله فى ميزان حسناتكم

كلمة العراقية دى مش لطيفة جدا

حاسس انى بنادى على اوطة

ههههههههههه