الافطار الجماعى للأيتام

ان شاء الله يوم الجمعة القادم 26/9/2008 هيكون الأفطار الجماعى

مع 150 طفل من أطفال أسر الجمعية

هيكون فى نادى نقابة العمال بشبين الكوم والأطفال هتتجمع ان شاء الله من الساعة الثالثة

عشان هيبقى فية برنامج خفيف كدة قبل الفطار

والحمد لله الوجبات جت لينا تبرع وكمان الفاكهة ربنا يكرمهم المتبرعين

وطبعا أنا بوجه رساله شكر وتقدير لأختنا مروى

بصراحة بذلت مجهود راااااااااااائع وغير عادى ربنا يكرمها ويجزيها كل خير

وياريت أنتو كمان تشاركو معانا فى اليوم دة ونتجمع كلنا عشان نفرح الأطفال ونسعدهم

وطبعا نفطر احنا كمان Smile

معلش أصل الأكل بيفرق فى الجمعية دى

أكيد هتنبسطو

انا عايز اعرف لو سمحتى

السطر قبل الأخير دا لمين بالظبط؟؟؟؟؟؟؟؟؟؟؟

وبعدين الأكل بتاعنا يجماعة احنا يعنى الأعضاء بفلوسنا ومن جيوبنا الشخصية مش من عند اى حد وكلامى واضح على فكرة مش من عند اى حد

اه صحيح انتى شكرتى مروى وحنا معانا 200مروة اكتبى الأسم ثلاثى لو سمحتى

ان شاء الله ياريهان هايبقى يوم جميل ويارب يقدرنا نسعد الاطفال ونفطرهم كويس

وطبعا لازم بجد نشكر مروى ربنا يكرمها يارب ويجعله فى ميزان حسناتها هى فعلا تعبت اوى
وهى مروى اللى كانت معانا فى الاجتماع النهاردة ياباشمهندس

أكيد طبعا مش ليكو يابشمهندس
بس حد زى مين يعنى.......

وبعدين أنا أعرف ان اسمها ......... مروى عصام ربنا يحفظها يارب

وكمان أنا فكرت ان أروح مع رشا وهى بتجيب وجبات الأعضاء عشان ناخد ثواب افطار صائم

أهو الواحد يشارك ولو بحاجة بسيطة......

اه فكرة حلوة ياريهان ياريت فعلا نروح معاها علشان ناخد ثواب ان شاء الله

ازيكم ياجماعة
ها ايه اخبار اليوم النهاردة كان حلو ولا؟؟
احلى حاجة فى الاول ان احنا فعلا نفذنا فكرة ريهان وروحنا مع رشا علشان نجيب اكل الاعضاء
الحمد لله يارب ربنا يتقبل يارب ونكون أخدنا ثواب على النوايا

انا حسيت ان الاطفال انبسطوا الحمد لله
يارب فعلا نكون ادخلنا السرور عليهم ولو شئ بسيط

يالا مستنية خواطركم عن اليوم بس ياريت اليوم ينتهى بمجرد خروجنا من القاعة يعنى بلاش حتة المعرض دى علشان اكيد هاتزعل

الحمد لله اليوم عدى وصوتي كمان عدى ومبقتش عارف اتكلم خالص محدش شاف صوتي ؟؟؟؟
وقريبا هنرفع الصور بتاعت اليوم بس بيني وبينكم انا زعلت في اخر اليوم لما رحنا المعرض واظن كلكم عرفين مين السبب
وعقبال السنه الي جايه انشاء الله

فعلا اليوم كان جميل

وأنا كماان كنت مبسوطة أوى خصوصا لما قعدت بين الأطفال
وحسيت فعلا بفرحتهم

كمان حاجة بتسعدنى أوى
طبعا ياشوشو ان احنا بنكون مع بغض

يااااااااااه احساس حلو أوى ان نكون احنا السبب فى هذه الفرحة

ياربى لك الحمد

هى بس اللى عايزة أفكركم بيه ان دة من فضل المنعم علينا
سمح لينا أن نكون احنا الموجودين
الحمد لله الذى هدانا لهذا وما كنا لنهتدى لولا أن هدانا الله

وفعلا ربنا يكرمك يابشمهندس حضرتك تعبت أوى فى اليوم ده
يارب يجزيك كل خير ويجعله فى ميزان حسناتك يارب

انتم فراحنين باليوم وانا فرحان بيكم فراحان ان فية ناس لسة بتعمل الخير من اقوال الرسول سيظل الخير فى امتى حتى تقوم الساعة
شوف يابشمهندسانت تعبت كتير وانا باشكرك من كل قلبى ومش عابزحاجة تزعالك ولكن غالبا بيكون فية اخطاءفى العمل الجماعى فلاتحزن وكن صاحب نظرة ايجابية
انا عايز اقول لك اسف لانى رفضت اعطاءالاطفال الملابس ولكن دة غصب عنىلان دة مششغلى وانا شفت مواقف غريبة جدا من اسر الأطفال

عدد الرسائل : 73 الرتب : تاريخ التسجيل : 27/08/2008

اليوم بجد كان جميل بس الأهم إن ربنا يتقبل اللهم تقبل منا أجمعين اليوم بجد يا جماعه بغض النظر عن السلبيات اللى حصلت كان جميل يكفى إفطار صائم يتم وكمان إدخال سور على قلبه ومحاوله كساءة الموضوع بجد جميل وكله خير وكفايه إنك جمعت شباب على عمل خير يخدموا بيه المسلمين والمجتمع اللى هما فيه ويسعدوا الأطفال ويشجعوا غيرهم ويحمسوا بعض ويتنفسوا فى الخير اليوم يا جماعه بغض النظر عن أى شئ جميل

اليوم كان جامد جدا جدا جدا ممكن اقول جامد دى من هنا للسنة الجاية

حلو بالأطفال وبينا وبالمواقف البايخة قبل الواقف الحلوة

والله العظيم انا عشت يوم من احلى ايام حياتى

احنا كنا بنسعد 150طفل يتيم والرسول بيقول الى يمسح على رأس طفل يتيم ياخد بعدد شعر رأسة حسنات

متخيلين احنا راجعين بكمية حسنات اد ايه

ومن حب ربنا لينا خلى الموضوع ده يوم 26يعنى تقريبا ليلة القدر وعلى مااعتقد احنا مكناش مرتبين انها تبقى كدة
وساعة الصلاة على قد مبقيت زعلان جدا بس فنفس الوقت انا فكرت وقلت اكيد ربنا مسامحنا ومدينى عذرنا
كان فى ملايين بتصلى فالوقت الى 15 عشرين واحد بيعملو الى احنا عملناه ده

محدش يقول كان فى حاجة وحشة اليوم كان حلو بنسبة 100فالمية

صلو عالنبى بقى

كلامك صح 100 فى 100
انا اؤيد هذا الكلام

عليه الصلاة والسلام

السلام عليكم ورحمة الله وبركاته
طبعا اليوم كان كويس الحمد لله
بــــــــــــــــــــــــس
لازم ياجماعه نكون اول ناش نشوف عيوبنا عشان نسعى لتصحيحها ان شاء الله
وده اللى هيحصل اول ايام العيد ان شاء الله
انا عارف ان ولا واحد هيشوف الكلام ده الا بعد ما نرجع وانا كنت عامله مفاجأه اصلا
يعنى عشان ان شاء الله نحول نتلاشى الاخطاء دى التجمع اللى جاى

اليو م كان يفرح القلب بس يخسارة عدى بسرعة اوىىىىى ومالحقتش اقعد مع الاطفال
كفاية اوى ان كل واحد فينا شارك ولو بابتسامة رسمها على وش طفل يتيم
انا بجد مبسوطة من الروح الحلوة بين المتطوعين وانسجامهم مع الاطفال
شكر خاص لمروى على مجهوداتها جزاها اللة كل خير

مروى تعيش تعيش تعيش

مروى عملت شغل جامد أوى فى حفل إفطار الأيتام. و إللى عملته يدل على أن فيه أمل إن ناس كتير تساعدنا رغم انهم فى البداية شكلهم كانو مستحيل يساعدونا .

150 وجبة غداء و كمان 300 ثمرة فاكهة ... ما شاء الله عليها .. ربنا يجعله فى ميزان حسناتها.

أما رشا تخصص لحمة لدار الأيتام ,, ربنا يكرمها و يجازيها خير عن إطعام الأيتام.

الهمة يا شباب ... الخير لسة موجود .. بس إحنا ندور عليه..

اللهم لا تجعلنى جسرا يمر عليه الناس إلى الجنة ثم أهوى فى النار.