نظرتك عاملة ازاى؟؟؟

النهاردة كان السادس من أكتوبر
كل سنة وأنتم طيبين

هل فكرت فى هذا اليوم ... أم أنه مر عليك مرور الكرام؟؟؟

يوم أجازة وبنرتاح فيه من الكلية والشغل ووجع القلب ده...

يعنى ياجماعة اليوم ده بيمثلك اية ؟؟؟
وخلافة من الأعياد الوطنية دى ولو ان ده أكتر حاجة بحس بيها
وكمان لما بتسمع أغنية وطنية شعورك بيكون ازاى....

شكرا يا انسه ريهان على الموضوع ده لأن بجد مش لازم اليوم يعدي علينا مرور الكرام لازم كلنا نقف ادامه كتير اوي اوي ونشوف ايه الي حصل في اليوم ده ونقره التاريخ بتاعه وعلى فكره انا قدامي كتاب يوميات 6 اكتوبر جميل جدا انا لقيته في الجمعيه هجيبهولكم ولازم تقروه ياجماعه بجد الدموع هتنهمر مدراره الله يرحم كل الشهداء بتعنا
ويارب يارب السنه الي جايه نكون بنحتفل بالتحرير الكبير تحرير فلسطين قولو أآآآآآآآآآآآآآآآآمين

اللهم أمين....

بنا يكرمك يابشمهندس

الفكرة كلها ان الواحد يحس بالانتماء لبلده وان يكون ليه هوية

يعنى هل احنا حاسين ان بلدنا ليها حق علينا

يعنى قبل كده واحده كانت بتسمع أغنية فى اليوم ده اللى هى

متقولش اية ايدتنا مصر ... لقتها بترد : ايديتنا غسيل وطبيخ ومسح
يعنى هتدينا ايه.....
بلا وجع دماغ ....
ياترى المفروض الواحد لما يسمع ألأغنية زى دى يقول كده والا المفروض تحرك احساسة وتديله دفعة
للأمام ويقول أنا لازم أعمل حاجة حتى لو كانت بسيطه.......

عدد الرسائل : 371 الرتب : تاريخ التسجيل : 30/09/2008

أنا دلوقتى كنت بسمع برنامج 90 دقيقة وكان جايب جيهان السادات وبتتكلم عليه بقى كلام اد ايه هو كان انسان عظيم وضحى كتير علشان بلده وضحى بحياته من اجل مصر وحبه ليها
وحاول كتير انه يعم السلام على البلاد العربية كلها وكمان ايام كامب ديفيد والعرض على فلسطين الدخول فى المعاهدة لكن للاسف رفضوا ساعتها ياه لو كان حصل ودخلوا معاهم ماكنش ده كله حصل لفلسطين واهلها

بس طبعا فى الاخر دى أقدار

يارب يرحم شهداءنا جميعا
ونحسبهم على خير ويكونوا يارب أحياء عند ربهم يرزقون

ياه على النصر فرمضان
بين عظمة انسان
فلاح وملوش غير رب
وسلاحه كان القرآن

عدد الرسائل : 30 الرتب : تاريخ التسجيل : 07/09/2008

بسم الله الرحن الرحيم
واعتصموا بحبل الله جميعا ولا تفرقوا

صدق الله العظيم
والله ياجماعه اليوم له عندى مكانه لا توصف
الواحد فينا سعتها بيحس بعز بالبركه اللى كانت موجوده فى الايام السابقه
فعلا رجال صدقوا ما عاهدوا الله عليه
وربنا يستر الايام دى اكثر الشباب ميعرفوش حاجه عن التاريخ اصلا
وربنا يسترها علينا جميعا وعلى شبابنا
قولوا امين

ربنا يكرمك يابشمهندس

الفكرة ان احنا نبص فى التاريخ وناخد منه عظه وعبرة
واكيد لما بنصمم على حاجة بعون الله هنوصلها

ربنا مدينا قدراااااااااااااات عالية أوى بس احنا نحاول نطلعها ونستعين بالله

ناس كتيييييير حاسة ان البلد ى السبب فى الظروف اللى هيه فيها
أنا معاكو ان حال البلد ميرضيش حد بس الحمد لله انا حاسة ان فية تغير وفيه صحوة دلوقت بين الشباب
وكتير منهم اتغير
وبعدين لما نقعد نقول البلد بيظه بعد كده هيحصل اية؟؟؟
ياترى البلد دى هتتصلح لوحدها كده... طبعا لأ
احنا اللى لازم نغير وعشان نغير لازم نكون بنحبها عشان نشتغل بجد
فحب الوطن من الايمان.........

أنا عايزة أشئلكو ... ياترى انت حاسس بالانتماء لبلدك ؟؟؟؟؟
حاسس انك بتحبها وعليك مسئولية تجاها؟؟؟
والا عادى انا هخلص واسافر وخلاص أصل مفيش أمل فى البلد؟؟؟
ياريت حد يرد عليه

[b][i]

انا بحس فى اليوم دة بفرحة النصر وبفتخر كل مشوف مشهد العبور وبحس واللة بالانتماء لبلدى
اكيد بحب بلدى وبحس انى واجب علية خدمة أهل بلدى وعلى فكرة انا رفضة فكرة السفر

منورة المنتدى كلة يادكتورة

بس ياترى الرد رااااااااح فين

النور قطع والا اية؟؟؟؟

ربنا يبارك فيك يارشا

والحمد لله لقيت حد زى رافض السفر

على فكرة أنا برفض حكاية السفر دى الا فى حاجة واحده
ان أكون مسافرة للعلم عشان أتعلم وأدرس وفى الأخر بردو
هرجع وأفيد بلدى وأهلى والمسلمين أجمعين

أصل أنا مسافرة أصلا عشان كده

الحقيقة أنا لما باسمع حكايات أكتوبر الدموع بتجرى فى عينى لأنى باحس و باتحسر أد إيه كنا رجالة و عندنا كرامة لكن دلوقتى إحنا ...؟؟؟؟؟ بس بالرغم من كده أنا مش يائسة و لا خايفة و لا بافقد الأمل لأن الحبيب (ص) وعد إن النصر جاى .. يبقى جاى ..

بس يا ترى مين إللى يا بخته هيكون له دور فى النصرو مين إللى يا خيبته مش هيساعد و يندم فى الأخر و يقول

"
يا ريتنى كنت معاهم
"

اللهم لا تجعلنى جسرا يمرا عليه الناس إلى الجنة ثم أهوى إلى النار.

الإنتماء ؟؟؟؟؟؟؟؟؟؟

ده سؤال كبير أوى يا ريهان ...

الناس إللى بتقول بلدنا إدتنا إيه ؟؟؟؟ !!! عارفين ... بلدنا يعنى الوطن ..
عارفين يعنى إيه كلمة وطن ؟؟؟؟؟؟؟؟؟؟

الوطن هو الأرض و البيت و الأهل والجيران و الصحاب و المدرسة و الجامعة و الشغل و الجامع اللى بتصلى فيه و تاريخك و ماضيك ... يعنى أحزانك و أفراحك .. يعنى من الآخر أنت من غير وطن أنت ولا حاجة .
و اوعى تقول ادتنى إيه ؟؟؟ الحبيب (ص) لما أخرجوه من مكة بكى وهو بيودعها و قال والله لولا أخرجنى أهلك منها ما خرجت و كانت أحب بقاع الأرض ليه . رغم ان أهلها عذبوهم وجوعوهم وعطشوهم و طردوهم لكن ..... مكة كانت الوطن .. كان بيحبها من غير ما يقول إدتنى إيه.

إوعوا تخلوا أحزانكم و يأسكم و مشاكلكم تخليكم عايزين تسيبوها ...
طب لو سيبناها كلنا مين هيعمرها و يحل مشاكلها و يحارب عشان تبقى أحسن ... مين هيساعد المحتاجين ؟؟؟؟ هنسيبها ياكل فيها الفقر و الجهل و المرض ؟؟؟؟؟ ممكن تسافر تشتغل أو تدرس بس إوعى تهجرها أو تتمنى إنك تفضل عمرك بعيد ...

باتمنى أعيش لحد ما أشوف بلدنا أحلى بلد ... مش بعيد !!!!!
على فكرة حب الوطن عبادة و هتاخد عليه ثواب ... اوعى تعيش لنفسك .. عيش هموم بلدك لأن من أصبح لا يهتم بأمور المسلمين فليس منهم.

معلش طولت عليكم .. اتحملونى ...

ومين ما يحبش مصر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اللهم لا تجعلنى جسرا يمر عليه الناس إلى الجنة ثم أهوى إلى النار.

سألوني يوما من انت ؟؟؟؟؟
فقلت انا مصري
ومصر بلادي ام الدنيا
فذهبت الى الكون أسائله
عن مصر بلادي ام الدنيا
ففتح الكون زراعيه وقال
مصر هي الدنيا
مصر عطاء الكون
مصر كنانه رب الكون
خلقت يوم اراد الخالق خلق الأرض

ربنا يكرمك يادكتورة .....

بجد ما شاء الله عليك
دى بالضبط اللى كنت مستنياة ونفسى حد يقوله

نفسى فعلا نحب بلدنا بجد ونحس بيها ونحمل همها
ونفكر فيها وفى مستقبلها زى مبنفكر فى نفسنا وفى مستقبلنا

هو الفرق بينا مش كبير لأن احنا تقريبا واحد
أنا يعنى مصر ... أنا اللى بمثل بلدى
يعنى هفكر فى نفسى وهخطط لمستقبلى بس مش لنفسى بس
لأ دى علشان بلدى عشان أصلح فيها وأنهض بحالها وأساعد أهلها وفى الأخر كله لله

وبعدين أنا كده مبعملش حاجه دى حقها علينا وواجبنا تجاها

يارب يكون حد معانا فى الكلام اللى بنقوله.........

ياريت ياجماعة تتكلموا وتقلو أنتو كمان رأيكم ايه......

اوعى تقول مصر هى امى امك نايمة جوة

اية رايك ياسيدى
عاوز اقول ان لو انت حاسس ان مصر هى امل طيب عملت اية لمك ولا ايى حاجة هذا ليس تهميش لدور المواطن المصرى الطحون فى كل شى الاكل التعليم الموصلات العلاج حت الفسحة مشقادر عليها يعن ياسيدى كل شى اصبح معاناة باين امى وامك مصر غضبانة علينا

سؤال
الكلام الكبير دة الوطن الارض
انا اسل نفسى سوال ازاى تكون مصر هى امى وماذافعلت لامى
وكيف يكون النصر لمصر

علشان كنا رجالة ووقفنا وقفة رجال فيلم الارض ولا اللى يحب النبى يزق

كنا رجالة عشان كنا بنعرف نقول لأ .... عشان دورنا على حقنا و أخدناه بالقوة....

لكن دلوقتى بيتاخد منا حاجات كتير هويتنا , و أخلاقنا ,و عزتنا و كرامتنا ده حتى أملاكنا ... و كتير منا مش بس ما بيقولش لأ .. ده يا إما مطنش أو بيسقف ...

النصر مش بالحرب و السلاح بس , النصر بالنهضة .

هى فعلا عيشة صعبة على كل الناس ...

بس مش مصر إللى غضبانة علينا ... وبعدين يا سيدى محدش طلب إن تهدوا الدنيا عشان مصر..

كل واحد يعمل على قده .. ولو حتى ساعد انسان واحد .. فمن أحياها كمن أحيا الناس جميعا..

و برده مصر هى أمى ....

لو قدرت تغير امك الى قعدة فالبيت

غير امك الى شيلاك على ارضها

ياترى دى دعوة للتفاؤل والامل والا.........؟؟؟؟؟؟؟؟؟؟

أنت ممكن تعمل حاجة تأثر فى أمك أوى وممكن فعلا تغير فيها بسبب الحاجة دى

وتفضل تذكرك بيها طول عمرها يعنى أنت عندها مميز أوى فى الحته دى

وبالتالى بقى تقدر تغير أمك اللى شيلاك على أرضها

أصل الأم دى عبارة عن مين ؟؟؟
يعنى أنا وأنت واخواتنا واسرتنا وهكذا
على الأقل أغير من نفسى أنا بس
ودى بس كفاية وهى الأساس
لأنك وقتها هتكون قادر عاى تغير العالم مش أمك بس

.والحكمة بتقول.......................

احكم نفسك يكن بامكانك أن تحكم العالم

أبدأ بنفسك فاغزوها فان انتصرت عليها كنت على غيرها أقدر...
وان انهزمت عليها كنت عن غيرها أعجز...........

على فكرة احنا مش مسئولين عن النتايج ..... يعنى لو حاولنا و فشلنا مش مهم المهم اننا حاولنا و النتايج دى على ربنا .... مش مهم اعمل ايه أو أد إيه؟؟؟ المهم إنى مهتم أصلا .

انا عن نفسى مش باحس بمعنى للحياة طول ما أنا عايشة لنفسى و أسرتى و أولادى و ِشغلى و بس, السعادة الحقيقية إللى بتدوم هى إنك تسعد غيرك .. أى سعادة تانية بتبقى فانية و مجرد ما تحقق الحاجة اللى بتسعدك تلاقى طعم سعادتها بيروح .

انا اول من يبادر

انا موافق واشهد الله على ان ابذل قصارى جهدى فى ذلك العمل والله المستعان

مين تانى جاى؟؟؟؟؟؟؟؟؟

ياترى جاى فين؟؟؟؟؟؟؟؟؟؟؟؟؟؟؟؟

متقولش ادتنا ايه مصر......

قول هندي ايه لمصر......

عمر ما كان البلاء الللي احنا فيه من الحكومة ولا من اي حد

كل ده مننا احنا

واي حجاة تاني عبارة عن شماعة بنعلق عليها كل حاجة

ربنا يهدينا كلنا إلى ما يحب ويرضى