جمعية الرحمة الخيرية بالمنوفية


 
الرئيسيةالبوابه الجديدهالتسجيلدخول

شاطر | 
 

 ابداعات شباب الرحمة ادخل واتعرف علينا!!!!!!!

اذهب الى الأسفل 
كاتب الموضوعرسالة
shimaa

avatar

انثى عدد الرسائل : 371
الرتب :
تاريخ التسجيل : 30/09/2008

مُساهمةموضوع: ابداعات شباب الرحمة ادخل واتعرف علينا!!!!!!!   الثلاثاء أكتوبر 14, 2008 9:49 pm



slam



بناء على رغبة الجماهير أعضاء منتدانا الكرام تم تجميع ابداعات شباب الرحمة فى هذه الصفحة



وهانبدأ طبعا بإبداع لشاعرنا المخضرم باشمهندس محمد




ربنا مستنـــــيك
ربنا سمى نفسة عشانا عزيز غفار
مش عايز حدفينا يكون مصيره النار
واحنا بنجرى ونسعى ونسبق فعمل الذنوب
ناسيين انه مبيغفلش وكل شىء مكتوب
ليه تستنى تموت وانت فمعصية
مين ضامن فينا عمره لاانت ولا انا
ربنا مستنيك بالتوبة بشوق وبلهفة
مع ان التوبة ليك وعنده مش فارقة
قال عنا فقرآنه فكتابة الكريم
إنا خلقنا الإنسان فى أحسن تقويم
وسخرلنا سمواته
وادانه من صفاته
عشان بيحبنا


وقال لو جتلى مالى
الكون دا كله معاصى
وطلبت رحمتى
هرضى عنك واتوب
واغفر ليك الذنوب
وهتدخل جنتى

لسة الأمل ادامنا بس احنا نكون عيزين
نتغير من جوانا مش بس كلام كتير
بينا عالتوبة من دلوقتى قبل الميعاد ميفوت
خلينا أحلى نعيش حياتنا وكل شىء مظبوط
جربنا المعاصى غرقنا فالذنوب
مش أن الأوان نرجع بقى ونتوب
والله احنا لو نعرف فالجنة عشانا ايه
لتهون الدنيا علينا وهنعرف تسوى ايه

دا الملك فالجنة
اطلب واتمنى
وكل شىء مجاب
تكريم من الكريم
لعباده الصالحين
الأجر والثواب

يلا نخليها بداية ونصالح نفسنا
محنا اتخلقنا عشان نعبد ربنا









اللهم ارزقنـــــــا حسن الخاتمة

eng m7md_________________





شباب الرحمة


شباب صدقوا مع الله فعلم صدقهم

أخلصوا نياتهم وغيروا بأنفسهم مع حياتهم

عملوا بجد وسعوا الى طريق فلاحهم

إجتمعوا لله دوما يقولون ما يرضى ربهم

يغدون ويجمعون ويتحملون الكثير من أجل غيرهم

فرحين بما أتاهم الله عسى أن يغفر ذنبهم

صاروا رجالا يرجون رفعة دينهم..........

ظلوا اليه يمشون فهرول المولى اليهم فرحا بهم

فالله القدير غفر وقدر ما بهم.......................

فنعم الإسلام حقا ونعم الغفور ربهم................

فاللهم ثبتهم واجمعنا فى طريق الجنة دوما بهم


rehan




فكر شوية




فكر شوية
فكر شوية هتلاقى حاجات كتير نقصاك
نقصك تفرح طفل يتيم
نقصك دعوة من الفقير
يمكن تكون سر الحياة
وتلقى بيها هداية الله
ويمكن تكون فيوم الحشر هيا دى طوق النجاة
الدين مش بس صلاة وصيام وحج بيت الله
الدين معاملة وإيد تساعد كل خلق الله
ربنا مش عايزك واحد عايش ليك وبس
عايزك سباق للخير وبكل ضعيف تحس
مين فالجنة عايز
يكون أول فايز
بمكان جمب النبى
إسمع كلامة عشان
تكسب حسن الختام
والرحمة من القوى
ربك قادر كبير
جعلك سبب للخير
ودى نعمة من عنده
كفر عن سيئاتك
إلحق كتير قوى فاتك
ثواب وإياك يضيع
خلى بالك منه
فاللحظة إلى احنا فيها دى
فى ناس كتير قوى تعبانة
مش لاقية إيد تتمد ليهم
مش لاقية عين تبص عليهم
مع إننا عايزينهم ومحتاجين ليهم
محتاج تفرح طفل يتيم
محتاج دعوة من الفقير
يمكن تكون سر الحياة
وتلقى بيها هداية الله
ويمكن تكون فيوم الحشر هيا دى طوق النجاة







اللهم ارزقنــــــــــــــــــــا حسن الخاتمة

eng m7md





رسالة الى متكبر

يا أيها المتكبر


علام تتكبر؟

هل أصبحت اليوم معافا والناس مرضى
هل أصبحت اليوم غنيا والناس فقرا
هل أصبحت جميلا وسيما
هل أصبحت قويا سليما

ولكن....

هل أصبحت فى هذا الحال بقدرتك؟
أم بقدرة المولى عز وجل؟؟

أخبرنى..............

مهما تكبرت

إلم تصل؟؟
هل تخرق الأرض؟؟
هل تبلغ الجبال طولا؟؟

إنك لن تخرق الأرض ولن تبلغ الجبال طولا

ما أنت إلا قطعة من طين
ما أنت إلا نطفة من ماء مهين

إذن !علام تتكبر!!
وأنت تنتنك عرقة
وتقتلك شرقة

انتبه............


قبل أن ينقلب الحال
ولا يبقى غير السؤال



لا يدخل الجنة من كان فى قلبه مثال ذرة من كبر


shimaa






حب الخير

على حب الخير اتجمعنا
على حب الله اتلمينا
وحلفنا محاجة هتبعدنا
وفنفس السكة نخلينا
يمكن صدفة قربتنا من بعضنا
وهى فرصة بقينا عيلة فحب ربنا
إخوات بنقوى بعض وبنعلى بنفسنا
عايزين فالجنة هناك نتقابل كلنا
مين سمع امبارح حديث وجاى يقولنا
وإلى عنده دعاء جميل بندعيه كلنا
بنحاول نشيل من بعض الغلط إلى فينا
وعيوبنا بإذن الله بنقدر عليها
بنصلح نفسنا وبنعمل حاجة تفيد الناس
مرايتنا فيها فقرا ويتمى مش إحنا وخلاص
حددنا لحياتنا هدف عايزين نوصل ليه
والفكرة بسيطة جدا انت عايش ليـــــــــــــــــــــــــــــــــــــــــــــــــه؟





eng m7md






وقـــــــــــــــــــــــفـــة


سنون عليك تمر وهل لك من حال يسر؟!

يسألك حينها ما فعلت فيها؟ فهل لك من مفر؟؟؟

أين عملك؟أين زادك ؟ أين شاهدك على كل ما مر؟؟؟

فالكل يجرى ويهرب ويصرخ من هول المطلع...........

فهل لك أن تذكرت واعتبرت وتبصرت.................

الى أن شاهدت.... وتدبرت فى كل ما فعلت!!!!!!!

ألا يستحق الموقف أن تجلس وتتفكر؟؟؟؟!!!!!!

ألا تستغفر !! ألا تخضع للعلى الذى لا يغفل!!!

فقد مرت من عمرك سنون فهل كنت أنت المنون؟؟؟؟؟؟؟؟؟؟

rehan





فرحتنا النهاردة
فرحتنا النهاردة
فرحتنا النهاردة ملهاش حدود
وكفاية انك بترسم بسمة عالخدود
دا طفل بيفرح من حاجة كانت نقصاه وجاتلو
ودى أم فعلا محتاجة والى اداها دعاتلو
شوف احساسك وانت بتعمل وعملك كله خير
مش مستنى غير الفرحة تشوفها فعيون كتير
شوف بقى اجرك عند الله اكيد ثواب عظيم
وانك تقدر تسعد طفل هو دا أعظم تكريم
لو كل واحد فينا نوى والنية خير
أكيد بإذن الله الخير هيبقى كتير
دى وصية من ربنا ومن عند الرسول
إلى بيكفل طفل يتيم الجنة له علطول
يلا إدينا فإدين بعض هنصنع الحياة
وشعارنا هو كل شىء دايما بأمر الله



اللهم ارزقنا حسن الخاتــــــــمة

eng m7md






عذرا رسول الله

عذرا رسول الله

لقد آذوك يارسول الله

وأنت من أنت!!!

لم يعلموا قدرك ومقامك
لم يعلموا........
أنك أنت البشير النذير
أنك أنت الصادق الأمين
أنك أنت صاحب لواء الحمد
أول من يقرع باب الجنة

عذرا رسول الله

أخرجت البشرية من الظلمات الى النور
جاهدت وتألمت كثيرا
كل ذلك من أجل من؟؟
من أجلنا!!!!!
من أجل أناس يبخلوا أن يصلوا عليك
من أجل أناس عاشوا لدنياهم

أخبرنى؟؟
ماذا فعلت لنصرة نبيك؟؟
هل عرفت اسمه ونسبه؟
هل عرفت سيرته؟
هل حفظت جزءا من سنته؟
هل فعلت ما أمرك به؟
هل انتهيت عما نهى؟
أم لم ننصره إلا بالهتاف والبكاء!!
وهل لهما من جدوى!؟

ألا يكفيك شرفا أنك من أمته؟
خير أمة أخرجت للناس

فاعمل بصدق لكى تنول هذا الشرف





اللهم صلى وسلم وبارك عليك ياحبيبى يارسول الله


shimaa




_________________

لئن سألتنى يا ربى يوم القيامة عن ذنبى
لأسألنك عن رحمتك ولئن سألتنى يا رب عن تقصيرى لأسألنك عن عفوك
ولئن قذفتنى فى النــــــار لأخبرن أهل النار أنى أحبـــك
وكفانى عزا أن تكون لى ربــا
وكفانى فخرا أن أكون لك عبدا




يالا تعالوا نحفظ القرآن..مستنين ايه؟
http://ra7ma.alafdal.net/montada-f24/topic-t192.htm#2046
الرجوع الى أعلى الصفحة اذهب الى الأسفل
shimaa

avatar

انثى عدد الرسائل : 371
الرتب :
تاريخ التسجيل : 30/09/2008

مُساهمةموضوع: رد: ابداعات شباب الرحمة ادخل واتعرف علينا!!!!!!!   الثلاثاء أكتوبر 14, 2008 10:04 pm

اهلونا فى غزة

أألام وجراح الأيتام فى أقصانا لا تنام
مقيدين مهددين فى جو ملبد بالغيام
يصرخون ويبكون ويشكون مرارة الأيام
لك الله ياقدسنا بعد أن خذلك الأعمام
إنهم مكتوفى الأيدى والرؤس كالأقدام
يشجبون وينددون بكل واقع ينتهى بالحطام
أأين شهامة العرب؟ أين مروءة الإسلام؟؟؟؟أ
ألم يعد فينا غائرا أم على الدنيا السلام؟؟؟
أهلونا فى غزة يشربون من كأس السام
ألم يأن أن تخضع لاخوانك بالتأيد التام؟؟
أم نكتفى بالهتاف والصراخ مع الكلام
عليك بالاخلاص والإجتهاد حتى تكون صورة الاسلام
ويخشاك الكفرة غلاظ القلب اللئام
أو بالدعاء وهذا الأضعف كما قال علية السلام


rehan




ياحبيبى يامحمد

ياحبيبى يامحمد..................

حبى لك فاق كل الحدود
ولم اجد سواك حبيب أو ولود

اشتقت اليك وبحثت عنك فى كل مولود
فلم أعثر على ند لك فى كل الوجود....

أنت يامن تنادت بشيمته كل خلود.......
وعبرت عنه فى كل جميل موجود.......

قمت مترفعا بدستور وقران معبود..........
سجد له كل حاقد وحسود...............

سبحانك ربى أرسلت الينا محمدا......
طب القلوب وحبه لفؤادنا معهود.........

اجمعنا به فى جنه الخلد..........
ودائما القرب والحب ممدود............


اللهم صلى على محمد وعلى اله وصحبه وسلم تسليما كثيرا

rehan



محتاجلك يارب

محتاجلك يـــــارب
قربنى منك يـــارب
رضينى عنك يــارب
ظلمت نفسى كتير
مين غيرك يغفر لى
مين غيرك يسامحنى
أنـــــــت أنــــــت يارب
أنت حاســـــــس بيــا
أنت عالــــــــــم بيــــا
هل راضى عنى يارب؟؟
أنــــت أنـــــت يــــــارب
ماليش غيرك أستعين بيه
ماليش غيرك أعتمد عليه
كل الناس حواليــــــــــــــــا
بس انت اللى فى قلبى يارب
نفسى أبكيـــــــلك كتير
نفسى أحكيـــــــلك كتير
نفسى أسجـــــد لك كتير
نفسى أدعيـــــــتلك كتير
قربنى منك يــــــــــــــارب
رضينى عنك يــــــــــــارب


shimaa




دخلت بيت

دخلت بيـــــت

دخلت بيت من بيوت الله

حسيت براحة خلتنى اقول الله


لقيتنى واقف بين ايدين ملك الملوك

ضعيف وقلبى بيبكى قبلى من الذنوب

رفعت ايدى لله وقولت إنت الرحيم

غافر ذنوبنا وان بعدنا إنت الكريم

ياتواب طمعتنا فعفوك وغفرانك

قولتلنا لا مابيتقفل بابك

وأنا كلى عاصى وذنبى دايما كان ورايا

ومرايتى سودة تملى من كتر الخطايا

إقبلنى طمنى على نفسى يارحمـــــــن

شيل منى أخطائى واملانى بالإيمان

انا كنت تايه فين وبعيد عن ربنا

وسايب نفسى ليه لشيطانى يلعبى

ضيعت نفسى ولولا رحمة ربنــــا

هموت ومش هاخد معايا غير ذنبى

eng m7md





براءة طفل يتيم
دة طفل برئ واية ذنبة
دة طفل بيحلم على ادة
تشوف الطيبة فى عنية
يحسها قلبك قبل عنيك
دة طفل صغير محتاجك
دة طفل محتاج لحنانك
يمكن انت محتاجة
أكتر ماهو محتاجك
محتاج تلمس ادية
محتاج تحس بية
ها تحس براحة معاة
وتنسى همومك وياة
ده طفل برئ واية ذنبة
دة طفل بيحلم على ادة

rasha




اليتيم

اليتيم
اليتيم دا هو واحد مننا
كان ممكن يبقى انت أو انتى أو أنا
ليه نخليه يبقى وحيد
ليه شايفينه من بعيد
وهو أولى الناس بالحب بالإحساس
بأمر من ربنا
جربت تروح فيوم علشان تزور يتيم
عيش لحظة مكانه وشوف هتكون محتاج لمين
هتحتاج للمسة ولنظرة حنينة
هتبقى نفسك نشوفك واحد مننا
الطفل دا محتاج كتير
محتاج رعاية من الكبير
محتاج لما يضحك نضحك وياه
ولما يبكى فثانية يلاقى ايد حضناه
مش عايزين الطفل يقول فين ماما وبابا
مش عايزينه يحس انه عايش وسط غابة
احساس بجد جميل وانت رايح تشوفهم
متخيل يعنى ايه تتعلق بحد منهم

يعنى بقالك حد هناك
وانت رايحلة بيستناك
مستنى يشوفك ويقابلك
ومن عالباب يجى فحضنك

وتفضل تلعب وياه
وتلم كل اخواته معاه
تحكيلهم على حدوتة
عشان توصل معلومة
ان انتوا بقيتوا بالنسبالنا
حبيبنا وكمان اخواتنا
بقيتوا جزء فحياتنا
ومش هنكمل من غيره

ووإنت ماشى يقولك
خد اقولك كلمة فودنك
متنسنيش ياعمو
ودموعوا بتنزل منه
تخدو فحضنك فثوانى
وتقولوا رجعلك من تانى

يااااااارب الخير ده يارب متحرمناش منه

والله مافى فالدنيا
ولا حاجة تساوى الثانية
إلى تعيشها وفيها
تفرح طفل يتيم



eng m7md

_________________

لئن سألتنى يا ربى يوم القيامة عن ذنبى
لأسألنك عن رحمتك ولئن سألتنى يا رب عن تقصيرى لأسألنك عن عفوك
ولئن قذفتنى فى النــــــار لأخبرن أهل النار أنى أحبـــك
وكفانى عزا أن تكون لى ربــا
وكفانى فخرا أن أكون لك عبدا




يالا تعالوا نحفظ القرآن..مستنين ايه؟
http://ra7ma.alafdal.net/montada-f24/topic-t192.htm#2046
الرجوع الى أعلى الصفحة اذهب الى الأسفل
shimaa

avatar

انثى عدد الرسائل : 371
الرتب :
تاريخ التسجيل : 30/09/2008

مُساهمةموضوع: رد: ابداعات شباب الرحمة ادخل واتعرف علينا!!!!!!!   الثلاثاء أكتوبر 14, 2008 10:13 pm

ما أحلى أيامك

]رمضان

رمضان ما أحلى أيامك

رمضان ما أجمل لياليك

شهر عبادة وصوم وتهجد
لمة عيلة فى ود وحب
لمة ناس بتحب الخير
شهر كرم ورزق وفير
شهر جود وعطاؤه كتير

فرحة صايم لما بيفطر
فرحة دعوة مستجابة
فرحة ليلة إجابة
ليلة عتق وعفو ورحمة


بس بسرعة عدى وفات

يوم العيد

يوم الفرحة يوم الجايزة

فرحة عبد قام الليل
فرحة عبد صلى كتير
فرحة عبد قرأ قرآن

فرحة طفل بلبس جديد
فرحة أب فى وسط ولاده
فرحة طفل يتيم بيضحك
فرحة كل الناس

ما أجملها من فرحة
وما أسعدها من لحظة



shimaa





مالى سوااااااااااااااااااااااااااااك

ربى مالى سواك أدعوك وأرجو رضاك
بحبك وبحن اليك وبرجع أعيش فى حماك

تباعدنى ذنوبى وتأخذنى غفلتى عن هداك
وامرح عبثا فى لهو الشيطان واذهب الى من يعصاك
تجذبنى الحياة طويلا وأنت ربى بنا رحيما
تقول أحببتنا فأحببناك وعصيتنا فأمهلناك
ثم تقول....... ان عدت الينا قبلناك
سبحانك ربى ما أعظمك !رحماك دائما بنا رحمااااك
[/i]


rehan






عمرو _مصطفى_معز

شباب تصنع أمة وجيل يعلو بهمه.............

أرىصحوة فى القمة أم أخدع بمظاهر سامة

وكيف ذلك!! وها مصطفى يدعو بكل جهد وذمة

وفيهم عمرو شامخا يرسم الطريق ويرفع للقمة

انهم حفدة النبى محمد وأبناء طلحة والزبير وعروة

فاللهم سدد الخطى وأيد بنصرك من يعمل بقوة

وها معز الإسلام يقول بكل فخر وسلام........

يتلو الحق من الكلام أن الدين هو الإسلام.....

فاللهم ثبتهم جميعا واجمعنا بهم فى دار السلام


rehan



أمى ما أجملك

أمى ما أجملك

أمى ما أحلمك

اتحملتى كتير علشانا
نمنا وانتى سهرتى
ارتحنا وانتى تعبتى
بنزعلك وترضى علينا
بنضايقك وتسامحينا
أد ايه انتى عظيمة ياأمى

انت ليه مش قادر تحس
ان حبها من حب ربنا
وان رضاها من رضا ربنا
بعد ده كله وبتزعلها

انت معاك جوهرة مكنونة
لازم تصونها وتضمها
أكيد هاتكون سبب فى دخولك الجنة
لازم تحاول تريحها
وتعوضها كتير من اللى فاتها

يالا بسرعة قوم بوس ايديها
واوعى تعلى صوتك عليها

قبل ماتندم وتقول

ياريـــــــــــــــتـــــنــــــــى


الزم قدميها فثم الجنة
[/b]


shimaa


_________________

لئن سألتنى يا ربى يوم القيامة عن ذنبى
لأسألنك عن رحمتك ولئن سألتنى يا رب عن تقصيرى لأسألنك عن عفوك
ولئن قذفتنى فى النــــــار لأخبرن أهل النار أنى أحبـــك
وكفانى عزا أن تكون لى ربــا
وكفانى فخرا أن أكون لك عبدا




يالا تعالوا نحفظ القرآن..مستنين ايه؟
http://ra7ma.alafdal.net/montada-f24/topic-t192.htm#2046
الرجوع الى أعلى الصفحة اذهب الى الأسفل
shimaa

avatar

انثى عدد الرسائل : 371
الرتب :
تاريخ التسجيل : 30/09/2008

مُساهمةموضوع: رد: ابداعات شباب الرحمة ادخل واتعرف علينا!!!!!!!   الثلاثاء أكتوبر 14, 2008 10:24 pm

ليييييييه

ليه كل فرحة جواها دمعة
ليه الأهات ليه الجروح
مفيش يوم أمشى مبتألمشى
وبات مخدوع يبات مجروح
ليــــه
العمر يجرى
وأنا لسة ببكى
يمكن دا بختى
أعيش مظلوم

لو دا نصيبى
هرضى بنصيبى
وأنا إيه بإيدى
غير المقسوم

عنوانى هو الحزن دايما
ومكانى بين دموع العين
اسمى البكا مولود كدا
والحزن مكتوب ع الجبين
لــــيــــه


eng ahmed eid





الايام بتجرى

الأيــام بتجرى
الأيام بتجرى واحنا مش عارفين
ان العمر قصير ليه هتعيشه حزين؟


إضحك وافرح عيش ايامك
داوى جروحك وانسى ألامك
واوعى فمرة تبات مغلوب
وارسم بكرة افراح وورود
وإياك تتعب من احلامك


إياك ترجع من مشوارك
إقدر وادفع كل ببانك
اوعى تسلم يوم للخوف
حاول دايما تعلى لفوق
كمل كل مناك فخيالك


إرضى بكل المقسوم ليك
حس بكل الناس حواليك
هتكون دايما أسعد واحد
طول مافقلبك حب الواحد
عمر الدنيا ما تيجى عليك


فك قيود الوهم وكسر
أى حصار خلاك تتكسر
دى اللحظة الى تعدى عليك
مالأخر محسوبة عليك
فالحق عمرك ولا تتأخر




دعوة لتجديد النوايا وتجديد الدماء لكل أفراد اسرة جمعيتنا الحبيبة

eng m7md






يالا بسرعة نزور الدار
يلا بسرعة نزور الدار
دول اطفالنا هناك فى الدار
دول مستنينا هناك على نار
اوعى تكسل اوعى تقول
اوعى تقول الوقت اهو طار
يلا بسرعة انت وهى
هاتو معاكم انشا اللة هدية
اجرى بسرعة وروح على الدار
دول اطفالنا هناك فى الدار

rasha



صحبتنا الحلوة
اتجمعنا كلنا علشان نتفق

على حاجة تقربنا من ربنا
قولنا لازم نعمل حاجة
نشجع بيها بعضنا
قعدنا نفكر كتير
ياترى اسم فريقنا ايه؟؟؟
وياترى ايه شعارنا
اللى هانمشى عليه
لقينا مفيش احلى
من الصحبة الحلوة
اسم لينا
وشعارنا كمان
لازم نكون او يجب ان نكون
يلا عايزين نشد حيلنا اوى
ونعلى كمان الهمة اوى
عايزين نعمل حاجة مفيدة
نفرح بيها رسولنا
ونقول احنا دايما
على خطاك ياحبيبنا
يارب تقبل منا
واجعله فى ميزان حسناتنا
shimaa
بحبكككككككككككككك يامصر
مبقتش بحس غير بيكى
ولا عايش عمرى غير ليكى
مالعالم كله خدتينى
وفحضن عنيكى شيلتينى
بحبك؟ لأ بموت فيـــكى يامصر
eng ahmed eid
على فين ياشباب


عايشين نايمين قايمين وخلاص
فين الجهد والعمل والاخلاص

طب قولى هدفك ايه؟؟
طب قولى رسالتك ايه؟؟

هدفى!! رسالتى!! يعنى ايه؟؟

شفت ازاى انت عايش ليك وبس
شفت ازاى انت مش قادر تحس

طب دلنى أعمل ايه؟؟

قوم واتحرك ابذل جهدك
اخدم اهلك ناسك بلدك
قوم واتغير اسعد غيرك

اعمل حاجة مفيدة
اعمل حاجة جديدة

ساعتها بس هاتحس انك عايش بجد
انك قادر تسعد غيرك
مش عايش ليك وبس

خلاص من دلوقتى هاقوم واتغير
وابقى انسان ناجح قادر على انه يغير


(ان الله لا يغير ما بقوم حتى يغيروا ما بأنفسهم)


shimaa





_________________

لئن سألتنى يا ربى يوم القيامة عن ذنبى
لأسألنك عن رحمتك ولئن سألتنى يا رب عن تقصيرى لأسألنك عن عفوك
ولئن قذفتنى فى النــــــار لأخبرن أهل النار أنى أحبـــك
وكفانى عزا أن تكون لى ربــا
وكفانى فخرا أن أكون لك عبدا




يالا تعالوا نحفظ القرآن..مستنين ايه؟
http://ra7ma.alafdal.net/montada-f24/topic-t192.htm#2046
الرجوع الى أعلى الصفحة اذهب الى الأسفل
shimaa

avatar

انثى عدد الرسائل : 371
الرتب :
تاريخ التسجيل : 30/09/2008

مُساهمةموضوع: رد: ابداعات شباب الرحمة ادخل واتعرف علينا!!!!!!!   الخميس أكتوبر 16, 2008 4:01 am

توبة وندم
شوق وندم وحاجات كتير بثنايا العبد الضعيف الأسير

فمن سواك يرحمنى وينجنى من عذاب السعير؟؟؟؟؟

جواية خوف وحسرة على ما فرطت فى جنب العلى القدير

أخشى من ذنبى اذ تدمع عينى وأشعر بعذاب الضمير........

ولكن جعلت رجائى لعفوك سُلماً وجئت فى طريق التوبة اسير

وكلى أمل أن تقبلنى فأنت ربى دائما بعبادك رحيم كبير..........

تعالت أسمائك وتقدست صفاتك فسامحنى فأنا الأسير.......

rehan




____________________________________________________________________________


انتصار بعد انكسار
ا




نكسر ....ايوه انكسر جواي يأسى
انتصر .....ايوه انتصر قدامه بأسى
لملمي شملي و جورحي
وابدائي تاني يا نفسي
*************************

ا
ابدائي انا لسه عمري منتهاش
جايه بكره شمسه لسه مشفتهاش
شمس احلي من اللي فاتت..........
ضيئها في توبها الجديد منطئفاش
****************************
ابدائي تاني ونغزل من ضيئها
حلم يسبق الايام معها
يجيء يوم بأيدينا يتحول حقيقه
احلي من اللي اتمنته
في كل الحياه
************************************
انكسر ....ايوه انكسر جواي يأسى
انتصر .....ايوه انتصر قدامه بأسى
لملمي شملي و جورحي
وابدائي تاني يا نفسي



Dr/salah

_________________

لئن سألتنى يا ربى يوم القيامة عن ذنبى
لأسألنك عن رحمتك ولئن سألتنى يا رب عن تقصيرى لأسألنك عن عفوك
ولئن قذفتنى فى النــــــار لأخبرن أهل النار أنى أحبـــك
وكفانى عزا أن تكون لى ربــا
وكفانى فخرا أن أكون لك عبدا




يالا تعالوا نحفظ القرآن..مستنين ايه؟
http://ra7ma.alafdal.net/montada-f24/topic-t192.htm#2046
الرجوع الى أعلى الصفحة اذهب الى الأسفل
malak el- donia

avatar

ذكر عدد الرسائل : 114
مزاجك ايه النهرده :
الرتب :
تاريخ التسجيل : 28/09/2008

مُساهمةموضوع: رد: ابداعات شباب الرحمة ادخل واتعرف علينا!!!!!!!   الجمعة أكتوبر 24, 2008 4:40 am

علي فكره هي فعلا ابداعات والله ويار بتستمري في كتابة القصايد الروعه دي لأنها بجد حلوه اوي
الرجوع الى أعلى الصفحة اذهب الى الأسفل
 
ابداعات شباب الرحمة ادخل واتعرف علينا!!!!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جمعية الرحمة الخيرية بالمنوفية :: اجتماعيات :: ابداع شباب الرحمة-
انتقل الى: