جمعية الرحمة الخيرية بالمنوفية


 
الرئيسيةالبوابه الجديدهالتسجيلدخول

شاطر | 
 

 آسفين يا شومبونجو عايزين القرد

اذهب الى الأسفل 
كاتب الموضوعرسالة
م احمد

avatar

ذكر عدد الرسائل : 118
العمر : 33
مزاجك ايه النهرده :
الرتب :
تاريخ التسجيل : 24/08/2008

17102008
مُساهمةآسفين يا شومبونجو عايزين القرد




الوقت الذي قامت فيه شركة موبينيل بحملتها الشهيرة خلال شهر رمضان عبر وسائل الإعلام ببيع القرد المصري إلي جمهورية شومبونجو مع الشبكة القديمة ظهرت مجموعات علي (facebook) من جموع الشعب المصري الزعلانة على ضياع القرد المتكلم بحملات مبتكرة لإعادته إالى أرض الوطن سالما معتبرين ذلك واجب وطني..

فيما وصل عددأعضاء أحد المجموعات الى 15 الف عضو في أقل من شهر على انشائه وأهاب منشئو الجروب بكل مصري فيسبوكي شريف على ضوروة الانضمام الى المجموعة بأقصى سرعة ممكنة

معلش يا شومبونجو

( الحملة المصرية لإعادة القرد اللي بيتكلم ) كان هذا هو اسم الجروب الذي تبنى الدفاع عن قردنا الحبيب واختارت الحمله التوجه الى رئيس جمهورية شومبونجو الشقيقة التي تقع في إحدى بقاع المحيط الهندي جاء في البيان الصادر عن المجموعة:"الشغل حاجة وعلاقتنا ببعض حاجة ثانية ومش عشان بعنا لكم الشبكة القديمة هنبيع القرد بتاعنا معاها لأنه استحمل كثير وأتربى على أيدينا واتسخط قدامنا وهو قاعد مع خطيبته لما قالها جملته المشهورة ده ( أنا أتسخط قرد لو الموضوع ما فيهوش إنأ ) وطلع باب السما مفتوح وفين خطيبته اللي المفروض تكون أول واحدة ترفع قضية وتخش معانا هنا الجروب ومعلش يا شومبونجو أفرجوا عن القرد وإحنا هنبعتله طيارة خاصة تجيبه من عندكم .. إمضاء .. جموع الشعب المصري" .

وجاءت تعليقات أعضاء الجروب أكثر سخونة من البيان الرسمي للمجموعة، فيقول ياسر علي:" يا جماعة الموضوع مش صغير انتو فاكرين إن القرد عبيط ولا اقل من عصام الحضري ، والموضوع كله مخطط ومرسوم مظبوط لأنها صفقة مرحلية موبينيل بتتقرطس فيها وبتدفع تمن تفضيلها لياسمين عبد العزيز على القرد وبعدين شومبونجو دول مين وجابوا فلوس منين وليه المزاد سرى مش علني اللي يحير فعلا هتعمل إيه شومبونجو بقرد موبينيل وبلدهم تلت أرباعها قرود .. وأنا أري ضرورة ترك مساحة للدبلوماسية خاصة أنها كانت صفقة وإحنا بعناه مش هم اللي خطفوه" .

راجع مع فودافون

فيما يصف البعض هذا المخطط بلأحمر مؤكدين أنه من تدبير شركة فودافون ومعتبرين ما حدث مسرحية مكشوفة قوى لأن فودافون هي الى مولت الموضوع وهى إلى شارية الشبكة والقرد باسم شومبونجو وبعد كده ترجع تشترى القرد من شومبونجو وترجعه مصر كابتن لفريق فودافون مش تقعده على الخط زى ما موبينيل عملت وساعتها ياسمين عبد العزيز مش هتقدر تأكل تفاح تانى لأن ميريام فارس هتعمل الإعلان معاه وتقعد تحت رجله وتناوله التفاحة بنفسها..

وأضاف عضو آخر:"سمعت يا جماعة كمان إن موضوع الحوار اللي عمله عمرو أديب مع نجيب ساويرس ده مش اكتر من تمويه على عملية رجوع القرد لمصر أنا أبشر كل فوادافونى إن القرد هيرجع مصر ويقول أنا فودافون ".

لا للتهدئة .. لا للحوار

ويحذر مؤمن عزب من الناس التي تدعو للحوار والتهدئة مع العدو الشومبونجي.. لأنهم لا يفهمون إلا القوه وهو ما وضح في الإعلان لما الواد رشق الرمح في السمكة ولذلك فإن كل من يدعو لذلك سوف يكون تحت نيران المجاهدين في تنظيم القاعدة في شومبونجو".

ويطالب أحمد السيد بضرورة معرفة لغة الشعب الشومبونجي علشان لما نقعد على طاولة المفاوضات مع الشعب الشومبونجي نفهم هما بيقولوا إيه عشان نضمن منين إن المترجم ده مش عميل لشومبونجو ويبيعنا ليهم حسب اقتراح مروة سلطان الباحثة في الشئون الشومبونجية التي ترجمت تهاني العيد شونجى تونجى هونجى بونجى الى ( عيد سعيد بالشومبونجى ) .

وبالرغم من بيان الشعب الشومبونجي للشعب المصري الذي يقول أن صحة القرد جيدة يختلف حسام المسلمي مع هذا البيان قائلا ..قردنا معذب علي أرضكم بدليل ندائه المتكرر "عشيني تلاقيني" و بدليل أنه مش لاقي قرد يقدره و يكلمه و لذلك لن تهدأ حملتنا و سوف نظل نطالب و علي أعلي المستويات الدبلوماسية باسترداد القرد المسلوب وعلي رأي المثل اللي مالوش خير في قرده مالوش خير في حد و عشان كده هنرجع القرد .

شومبونجو وغزة

ويؤكد أحمد سيد أنه من فترة اصطاد ثلاثة من شومبونجو داخل الجروب وكانوا ينادون بضرورة إلغاء الحملة وقفل الجروب ونبطل تفاهة ونسيبنا من القرد ومنفكرش فيه تانى ونشترك في جروب عن حصار غزة ..

ويكمل:"طيب هو الناس دي مش عارفه إننا عاملين الجروب عشان نضحك شوية ولذلك أنا أطالب مجلس الأمن بوقف هذه المهزلة وعقد جلسة طارئه لبحث الاعتداء السافر من حكومة شومبونجو على واحد من أهم رموز البلد فنحن إذا سكتنا ستكون هي المهانة، لأن اللي بيحصل ده ميرضيش ربنا وأكيد هيترد لدوله شومبونجو وعلي رأي المثل اللي بيقول "اصبر على البلد السوء يتولع يا تيجي أمريكا تولعها " .

وفي نفس السياق يطالب كريم عاشور الحكومة المصرية بسحب السفير المصري إذا لم يعد القرد لأنه مواطن مصري له حقوق كل حقوق المواطنة ولا يمكن ان يسمح ببيعه مع الشبكة القديمة بهذه الطريقة المهينة .

ويبدو أن تجربة استعادة القرد المتكلم هي تجربة جديرة بالاحترام قد تساعدنا في استعادة كل الاشياء التي سلبت منا خلال العقود الماضية وفي انتظار النتائج يا رجالة.
الرجوع الى أعلى الصفحة اذهب الى الأسفل
مُشاطرة هذه المقالة على: diggdeliciousredditstumbleuponslashdotyahoogooglelive

آسفين يا شومبونجو عايزين القرد :: تعاليق

avatar
رد: آسفين يا شومبونجو عايزين القرد
مُساهمة في الجمعة أكتوبر 17, 2008 1:12 pm من طرف malak el- donia
اه انتوا يا بيتوع موبينيل عاوزين القرد بس احنا بتوع فودافون اللي خادناه منكوا وسلملي علي الشبكه الجديده هههههههههههههه
 

آسفين يا شومبونجو عايزين القرد

الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جمعية الرحمة الخيرية بالمنوفية :: المنتدى االعام :: منوعات-
انتقل الى: