حبيتك بالصيف حبيتك بالشتاء

حبيتك بالصيف حبيتك بالشتاء

اخيرا عرفت اللة يطول عمرها كانت بتغنى لمين

اكيد كانت بتغى للفول هو دة 100*100

كفاح مواطن :

عندم تعرف انة لااختيار اخرالا الفول تبدأ فى تجميل الواقع وطمس ملامحةحتى لا تبدا نفسك فى التمرد والعصان فول بالزيت الحار فول بالبيض فول باطماطم ....

ان خلص الفول انا مش مسؤول ياعم روح يخلص يروح فين

المصرى المكافح قدر يتكيف مع كل الظروف وعلى راى الى بيقول شد الحزام

الحزام الى بقى كلة اخرام حتى التوكة طيب يروح فين !

الحزام مش نافع المنطلون هيقع يادى الفضيحة اكيد فية حل

ايون (اكيد هيقول الحل يلا قول يافرعون؟ نلبس حملات تعللى يامة الرجل دة شلنى انا مش قادر انا مت

ودة كانت النهاية

كت((cut انزل بتتر(موسيقى ) النهاية. نهاية واحد بياكل فول

استاذ أحمد فاروق الكلام الي فوق ده على مسئوليتك الشخصيه
لو سمحت بلاش كلام في السياسه
ال

اقتباس :

رجل دة شلنى

قصدك على مين بالظبط

شوف بقا الناس اللي بتخبط في الحلل

طبعا قصده على الراجل بتاع الفول اللي على أول الشارع

ولا اييييييييييييييييييه يا استاذ احمد!!!!!! lol!

اولا يا احمد شعبان ليه بلاش كلام في السياسه
اوكيه

تاني حاجه استاذ احمد كلامه صح 100*100
مش هو ده الشعب المطحون مش هو ده الشعب اللي مبيلاقيش رغيف العيش مش هو ده الشعب اللي ولا مؤاخذه الحكومه بتديله علي افاه ولاايه
ولا ايه يا احمد كفايانا بقي هو احنا هنفضل ساكتين لامتي ده خللنا خلاص من كتر السكوت
حتي حق ابداء الراي علي المنتدي بقي لأ

كفايه بقي عاوزين نقول لأ ولو لمره وحده
يار ب استر علينا

على فكرة انا معرفش العضو اللي فوقي ده

يا جماعة اللي يعرفه يبقى يعرفه امتى يسكت شوية

وخليك ساكت لحد ميبقى لكلامك صوت يتسمع

طب ما انت لو بدات لوحدك فواحد تاني هيبدا زتالت ورابع ويكتر الناس اللي بيتكلموا واكيد في الناس دي اللي صوته هيبقي عالي ونقدر منه نوصول صوتنا
ولا ايه

عدد الرسائل : 73 الرتب : تاريخ التسجيل : 27/08/2008

برافو يا بشمهندس الكلام اللى أنت بتقوله صح جدا كفايه سكوت وصمت كفايه نشجب ونستنكر وندين وحتى دى ما بأتش من حقنا يمكن واحد فينا صوته يعله و يحقق كل اللى بنتمناه

بحلم بشمس ونور
بحلم بحياة وزهور
بحلم بأمان وزمان
فيه الإنسان إنسان

ويبقى مجرد حلم

......................................................

مش هو ده الشعب المطحون مش هو ده الشعب اللي مبيلاقيش رغيف العيش مش هو ده الشعب اللي ولا مؤاخذه الحكومه بتديله علي افاه ولاايه
ولا ايه يا احمد كفايانا بقي هو احنا هنفضل ساكتين لامتي ده خللنا خلاص من كتر السكوت
حتي حق ابداء الراي علي المنتدي بقي لأ

كفايه بقي عاوزين نقول لأ ولو لمره وحده .................... برافو Migo

برافو يا بشمهندس الكلام اللى أنت بتقوله صح جدا كفايه سكوت وصمت كفايه نشجب ونستنكر وندين وحتى دى ما بأتش من حقنا يمكن واحد فينا صوته يعله و يحقق كل اللى بنتمناه..... [size=18][color=green].................برافو نور

[[color=green]size=18]بس ربنا يستر................................[/color[/size]]

الكلام دة ناقص حاجة مهمة علشان يبقى صح 100*100

الكلام ده كله حلو وممتاز
بس خلاص احنا اتكلمنا وقولنا لأ
باقى بقى الفعل اللى هنبنى علية ومنه هنكمل
عشان منبقاش زى بتاع الفول اللى عمال يغنى فى وسط جماعة طرش
لازم نترجم الكلام ده فى صورة شغل وانتاج
وسعتها الفعل هيكون صوتوا أعلى بكتييييييير من صوت أى حد تانى
وهيوصل ساعتها مش بس لواحد لواحده لأ دى للناس كلها

يعنى ياجماعةة لازم الاتنين يكونوا مقترنين ببعض
فكلاهما يكمل الأخر

لا الله الا الله
ايه يا جماعه كلكم بتقولو كفايه
وبعدين الأسمايلز ليها ودان
كل ده علشان شويه فول
ومش لقينهم
ايه يعني مش لاقي شغل ياراجل منتا بتشتغل نفسك يعني فيه شغل
ايه يعني جعان ياجدع الناس بتدور على الرجيم وبعدين لو كلت على ضرسك هيسوس وممكن تروح عند دكتوره اسلام او دكتور صلاح يا يحشي يا يخلعه وبكده هتدفع فلوس فبلاش احسن
أكل
وعلى رأي المثل محدش بينام من غير عشا
ايه يعني فيه عنوسه وتأخر سن الزواج
ياراجل هما الي اتجوزو خدوا ايه
على رأي المثل بردو
ألي خدته القرعه تأخده ام .......... الشعور شاطرين اوي
ايه يعني التعليم صفر ...
والصحه صفر
متبصش على الجانب السلبي فيه حجات تانيه عشره على عشره
عندك الفساد عشره على عشره
الغش عشره على عشره
التزوير عشره على عشره
يبقى انتو زعلنين ليه
يا جماعه هما اعلنوها من اول ما اختارو شعار الوزاره
النظافه والحمد لله بقت على راي المثل
أنضف من الصيني بعد غسيلو
وبعدين هي مش الحكومه دي هي الي بتأكلنا العيش الي مليان خشب ونشاره وحصو ورده اكتر من الدقيق
يبقى انتو عايزين ايه تاني
متخلونيش ققلكم متبقوش زي القطط تاكلو وتنكرو
ومحدش يفهمني غلط
والمعنى في بطن الشاعر

[color=red]كفايانا بقي هو احنا هنفضل ساكتين لامتي ده خللنا خلاص من كتر السكوت... Migo

يمكن واحد فينا صوته يعله و يحقق كل اللى بنتمناه... نور

وخليك ساكت لحد ميبقى لكلامك صوت يتسمع.... vob hiah

الكلام دة ناقص حاجة مهمة علشان يبقى صح 100*100 farouk

باقى بقى الفعل اللى هنبنى علية ومنه هنكمل[ /color] rehan

كل الكلام ده صح .. و كلنا متفقين .. عمالين نكمل مع بعض الصورة ...

احنا هنتكلم ومش هنسكت .... و ساعات هنسكت شوية لحد ما صوتنا يعلى أكتر ... و مع كده

هنشتغل و نغير اللى احنا ما رضناش نسكت عليه .... و أول ما هانغير .. هانغير نفسنا و بعدين

واحدة واحدة هنغير من حوالينا ... و مش يائسين و لا زهقانين و لا هنقول الطريق طويل .. و نفسنا

هيكون أطول من الطريق ان شاء الله

[quote="م احمد"]
لا الله الا الله

ايه يا جماعه كلكم بتقولو كفايه

وبعدين الأسمايلز ليها ودان

كل ده علشان شويه فول

ومش لقينهم

ايه يعني مش لاقي شغل ياراجل منتا بتشتغل نفسك يعني فيه شغل

ايه يعني جعان ياجدع الناس بتدور على الرجيم وبعدين لو كلت على ضرسك هيسوس وممكن تروح عند دكتوره اسلام او دكتور صلاح يا يحشي يا يخلعه وبكده هتدفع فلوس فبلاش احسن

أكل

وعلى رأي المثل محدش بينام من غير عشا

ايه يعني فيه عنوسه وتأخر سن الزواج

ياراجل هما الي اتجوزو خدوا ايه

على رأي المثل بردو

ألي خدته القرعه تأخده ام .......... الشعور شاطرين اوي

ايه يعني التعليم صفر ...

والصحه صفر

متبصش على الجانب السلبي فيه حجات تانيه عشره على عشره

عندك الفساد عشره على عشره

الغش عشره على عشره

التزوير عشره على عشره

يبقى انتو زعلنين ليه

يا جماعه هما اعلنوها من اول ما اختارو شعار الوزاره

النظافه والحمد لله بقت على راي المثل

أنضف من الصيني بعد غسيلو

وبعدين هي مش الحكومه دي هي الي بتأكلنا العيش الي مليان خشب ونشاره وحصو ورده اكتر من الدقيق

يبقى انتو عايزين ايه تاني

متخلونيش ققلكم متبقوش زي القطط تاكلو وتنكرو

ومحدش يفهمني غلط

والمعنى في بطن الشاعر
[/quote]

ايه يا م/ أحمد ده انت خليتها خل خالص .. بس بصراحة تعليقك راااااااااااااااااااائع بس ربنا يستر برده ..ز

ربنا يستر علينا

بس ياريت ياجماعة يكون كلامنا مصدر لفعلنا احنا على الاقل يعنى كل واحد يكون مثل وقدوة فى مجاله

ميكنش مجرد كلااااااااام وخلاص

احنا هنتكلم ومش هنسكت .... و ساعات هنسكت شوية لحد ما صوتنا يعلى أكتر ... و مع كده

هنشتغل و نغير اللى احنا ما رضناش نسكت عليه .... و أول ما هانغير .. هانغير نفسنا و بعدين

واحدة واحدة هنغير من حوالينا ... و مش يائسين و لا زهقانين و لا هنقول الطريق طويل .. و نفسنا

هيكون أطول من الطريق ان شاء اللهيعنى ياجماعة احنا بنحلم بالتغير يبقى لازم أنا الأول أكون قد التغير وأكون متميز

عشان أأثر فى حد لازم يكون شايفنى متميز فى شىء وناجح فيه
يعنى مسبش أساسياتى وشغلى وأقول أنا هغير

ساعتها عمرك مهتعمل حاجة

حلو اوي الكلام

ومش احباط مني ولا بعمل على ادخال اليأس ليكم

بس الكلام سهل موووووووووت والعمل ياسلام عليه زيروووو

وبعدين انا موافق جدا على مبدأ ابدأ بنفسك بس المشكله الكبيرة هيقابلك كتييييييير يقولوا (إحنا اللي هنغير الدنيا) ياترى هيكون الرد ايه؟؟

طبعا الرد موجود وجاهز وأكبر دليل اننا اكيد سمعنا الكلام ده في بديه عمل الجمعيه وأدينا ولله الحمد ولا اتأثرنا

طب برده هيجي ناس وتقول (وانا أغير ليه اصلا ما الحياة ماشية زي الفل والدنيا تمام)وتلاقي صاحبة اللي جمبه يرد عليه في ساعتها ويقوله (الدنيا خرباااااااااانه ياعم خرباااااااااااااانه)ويقلبوا الجد هزار

هتكون بقا انت عامل ازاي في الموقف ده؟؟؟؟؟

من الأفضل تغير محور بحثك على طول وتشوف مين يستحق تتكلم معاه

طب قبل ما اختم أحب أسأل سؤال..........

هل فعلا هيجي اليوم ده؟؟؟؟؟؟؟