جمعية الرحمة الخيرية بالمنوفية


 
الرئيسيةالبوابه الجديدهالتسجيلدخول

شاطر | 
 

 علي اسم مصر .......صلاح جاهين

اذهب الى الأسفل 
كاتب الموضوعرسالة
salah



ذكر عدد الرسائل : 91
العمر : 38
تاريخ التسجيل : 21/10/2008

24102008
مُساهمةعلي اسم مصر .......صلاح جاهين

من اجمل ماقراءت في حب مصر لفيلسوف العاميه المصريه
اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

أنا اللي اسمي حتحـور .. أنا بنت رع

مثـال الأمـومـة ورمـز الحـنـان

تفـيض حـلمـاتي وتمـلا الـتـرع

وتسـقـي البـشـر كلهـم والغـيـطان

نهايته يا مصر اللي كانت أصبحت وخلاص

تمثال بديع وانفه في الطين غاص

وناس من البدو شدوا عليه حبال الخيش

والقرص رع العظيم بقى صاج خبيز للعيش

وساق محارب قديم مبتورة ف أبو قرقاص

ما تعرف اللي بترها سيف والا رصاص

والا الخراب اللي صاب عقل البلد بالطيش

قال ابن خلدون أمم متفسخة تعيش ليش

وحصان صهل صحى جميع الجيش

على اسم مصر


النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد


على اسم مصر

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

أسمعها مهموسة والا أسمعها مشخوطة

شبكة رادار قلبي جوه ضلوعي مضبوطة

على اسم مصر

وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أو حيحصل جد

أو ربما الأمر حالة وجد واخداني

انا اللي ياما الهوى جابني ووداني

وكلام على لساني جاني لابد أقوله لحد

القمح ليه اسمه قمح اليوم وأمس وغد

ومصر يحرم عليها .. والجدال يشتد

على اسم مصر


لللشاعر الكبير عم الشعراء صلاح جاهين
الرجوع الى أعلى الصفحة اذهب الى الأسفل
مُشاطرة هذه المقالة على: diggdeliciousredditstumbleuponslashdotyahoogooglelive

علي اسم مصر .......صلاح جاهين :: تعاليق

avatar
رد: علي اسم مصر .......صلاح جاهين
مُساهمة في الجمعة أكتوبر 24, 2008 10:50 pm من طرف rehan
رااااااااااااااااااااااااااااائعة
رائعة جدا


أنا بحب القصيدة دى قوى
بحس انه بيتفنن كده فى حب بلده

جزاك الله خيرا

اللهم ارزقنا شهادة فى سبلك وحقق نهضة بلادنا على أيدينا
avatar
رد: علي اسم مصر .......صلاح جاهين
مُساهمة في السبت أكتوبر 25, 2008 3:49 am من طرف malak el- donia
رائعة اوي القصيده يا دكتور وبجد فيها حماس وندلء لينا اننا نساعد علي تقدم البلد ودفعها للامام
avatar
رد: علي اسم مصر .......صلاح جاهين
مُساهمة في السبت أكتوبر 25, 2008 8:39 am من طرف م احمد
أجمل ماكتب صلاح جاهين
وأحسن بيت انا بموت فيه وأعشقه فعلا البيت الي بيقول
بحبها وهي مالكة الأرض شرق وغرب

اقتباس :
وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب
بحس ان البيت ده بيمثل الشعب المصري فعلا
احنا اكتر ناس ممكن نتكلم عن مصر لاكن ونبقى عايزين نسيبها بس خلي
الطياره تقلع من المطار على طول الدموع تنهمر
وتشتاق ليه جدا
 

علي اسم مصر .......صلاح جاهين

الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جمعية الرحمة الخيرية بالمنوفية :: المنتدى االعام :: منوعات-
انتقل الى: