جمعية الرحمة الخيرية بالمنوفية


 
الرئيسيةالبوابه الجديدهالتسجيلدخول

شاطر | 
 

 انا جالى عررررررررررررررررررريس

اذهب الى الأسفل 
كاتب الموضوعرسالة
Admin
Admin
avatar

ذكر عدد الرسائل : 286
العمر : 33
مزاجك ايه النهرده :
الرتب :
تاريخ التسجيل : 13/08/2008

14092008
مُساهمةانا جالى عررررررررررررررررررريس

[center]أولا مش انا ماتفرحوش اوى كده
بسم الله الرحمن الرحيم

السلام عليكم ورحمة الله وبركاته

انا جالى عريس

[center]


****************

الكلمة ده متعرفوش اثارها على البنات جالى عريس يااااااااه عريس هتجوز خلاص هستقر
هبعد عن التحكم وعدم الاستقرار وهكون انا ست البيت !!!!

يا الله خلاص هبقى مسئولة نفسى هبقى براحتى لا مامتى هتقولى قومى اشتغلى ولا بابايا هيقولى انت رايحة فين وجية منين

بيتى هيكون مملكتى وزوجى هيكون سندى وراحتى !!

ياالله مش ممكن خلاص معتش مشاكل ولا خلافات هعيش حياة تانية وردية من غير تعب ولا خناق مع اخواتى ولا تحكم بابايا ولا اوامر مامتى !!

طيب وجالك منين يا اختى
ده احنا اتعرفنا عن طريق الشات بالصدفة سبحان الله
ولا ده صاحبى فى الجامعة

ولا بعتلى رسالة وبعتله واخدنا وادينا مع بعض وارتحنا لبعض الحمد لله

انتى واثقة فيه طبعا طبعا ده بيموت فيه وهيتقدملى بس شويه كده على لما يكون نفسه

طيب وهتعملى ايه هتسبيه طبعا على لما يكون نفسه

اسيبه !!! ازاى اسيبه ده انا ماصدقت لقيته
عررررررريس

فى زمن العرسان قلت فيه يعنى اللى تلاقى عليها تمسك فيه بايديها وسنانها اوعى تسيبه اوعى !!

طيب والحل اايه

عادى يابنتى وفيها ايه هنطمن على بعض بس عن طريق التليفون

يعنى مفيش مقابلات لالا
مقابلات ايه بس هو انا بتاع الكلام ده

ولا مسجات لا ممكن رنات ومسدات وشويه مسجات مش مشكله ده يعنى من بعيد لبعيد يعنى

بس ده حرام
حرام ايه بس ايه التخلف العقلى ده
ايه حرمه ماحنا هنتجوز يابنتى هو احنا بنلعب

بس النبى قال مااجتمع رجل امراه الا كان الشيطان ثالثهما

ااايه ده اجتمعوا فين يابنتى بقلك مش هقابله

طيب مانتِ هتكلميه فالتليفون والتليفون ده اجتماع هههههههه ده انتِ غريبه صحيح

طيب والحل ايه
يبقى الحال كما هو عليه

هذا الحوار يتكرر الاف المرات اخوانى واخواتى انا كاتباه من كتر ماسمعت قصص من صحباتى اللى على ماسنجرى وغيرهم وكلها قصص واقعية

عاوزة اسالك يا اختى
بالله عليك انتِ فى الاول لما عرفتيه قلبك كان بيرجف صح !! وانتِ بتكلميه فالتليفون الكلام بيطلع بالعافية

عارفه السبب !! لان الحياء كان لسه عندك فطرتك يعنى
اللى هتروح كمان شويه

ده كان اول اتصال والتانى كذلك بس هه قل شويه الكسوف وطبعا لانه بيقلك انت بتتكسفى منى ياحبيبتى !!

لازم طبعا تثبتى العكس
!!!!!!!!!

وانتِ بتسالى نفسك انا مالى بس مانا على الشات بكلمه كويس جدا والكلام بيجيب بعضه مالى فالتليفون

اقولك مالك !! لان كلمات الكيبورد اسهل واعمق واجرأ بكتير من التليفون ده فى الاول بس !!

بعد كده العمليه بدات تمشى معاكِ ايوة كده اول ما يتصل هقله ازيك وحشتنى !!

وكان بيها فانتِ تخلصتى من الشحنة الثانية للحياء
هنيئاً لكِ !!

وبعد كده لما الكلام جاب بعضه بقى ها ياحبيبتى انا مش هشوفك

لالا مينفعش اهلى ابويا امى اخواتى قرايبى حد يشوفنى !!

طيب لو قلتلك هنروح مكان محدش هيشفنا فيه !!

قوليله بالفم المليااااان
والله العظيم كداب

عارفه ليه لان احنا فوق كل ارض وتحت كل سماء والله واسع عليم

يعلم خائنة الاعين وما تُخفى الصدور

شات + رساله + مكالمة + قلة حياء +موعد + مقابلة + نظرة + ابتسامة + لقاء + لمسة =
بنت قليلة الحياء خااائنه لله ولرسوله ولاهلها ولنفسها وغير محبة لدينها

اختى ارجع واقلك تانى انت جوهرة مصونى فى لؤلؤة مكنونة حافظِ على نفسك حتى يحافظ عليك الله
وعمرة ماهيتجوزك تعرف ليه لانه خلاص على لما ييجى يخطبك هيكون ذهق منك خلاص
عاوز يغير وده طبع الشباب الفافى الروش بتاع اليومين دووول

بعكس كل ما قلت
انا عارفه ان نسبة العنوسة كترت والله ولكن اصلا السن الطبيعى للجوزا دلوقت بقى 30 سنه وساعات اكتر كمان
فى ظل الظروف الصعبة ده الشباب لا عارف يتجوز ولا يجهز شقه فى طلبات الاهل اللى فى بعض الاوقات بتكون مرهقة

رساله الى اختى اللى مصاحبة ولد وبتقول عادى
لا صداقه فى الاسلام
ولا متخذات اخدان
واتق الله حيثما كنتٍِ ومتقلبيش على نفسك انك تكونى سلعة رخيصة مش هيشتروكِ والله هيتفرجوا عليكِ بس ويهنوكِ
ومن ترك شيئا لله عوضه الله خيرا منه

رساله الى اختى التى لم تتزوج بعد
اصبرى ووالله عريسك مكتوبلك وانتِ فى بطن امك ده رزق واليكى هذه الدرر الثمينة
وقُلْتُ استغفروا ربَكُمْ انه كان غفارا يُرسِل السماءَ عليكم مدررا ويُمددكم بأموال وبنينَ ويجعل لكم جنات ويجعل لكم انهارا
سورة نوح

ومتخليش الجواز شغلك الشاغل هتتعبى هتصحى تقولى عريس وتنامى على عريس
ربنا بايديه يجوزك حالا
الدعاء ** قيام الليل ** الاستغفار
ده من الطاعات اللى بتقربنا من ربنا وليس وصفة للى متجوزوش لا ابدا

لان البعض اخترعوا ادعيه للزواج وليست صحيحة للاسف

رسالة الى اختى التى تقدم لها عريس ولم يحدث النصيب
يا اختى ياحبيبتى الخيرة فيما اختارها الله متزعليش نفسك ومتعرفيش ايه اللى هيحصل احنا بنشوف المشكلة من بره انما لو شفناها من جوة وحكمة الله هتلاقيها خير والله خير

مش يمكن بعد مايتقدملك يموت والله حصلت لواحده صحبتى وهى مكنتش وفقت من بره طبعا حاجة مش كويسه انما من جوة خير

مش يمكن يطلع انسان مش كويس وبيتصنع ادامك وبعد كده تكتشفى وتعيشى فى جحيم

مش ممكن يكون مش بيخلف وانتِ بتحبى الاطفال وتعرفى بعد كده

مش ممكن يكون اهله مش كويسين ويضايقوك وتعيشى فى مشاكل وتندمى فى وقت لا ينفع الندم

واخيرا
الصبر مفتاح الفرج

/منقول/
[/center][/center]

_________________
كلمتان خفيفتان على اللسان ثقيلتان فى الميزان حبيبتان الى الرحمن(سبحان الله وبحمده سبحان الله العظيم)

اجعل لسانك رطبا بذكر الله

لا تبخل وقل سبحان الله والحمد لله ولا اله الا الله ولا حول ولا قوة الا بالله العلى العظيم
الرجوع الى أعلى الصفحة اذهب الى الأسفل
http://ra7ma.alafdal.net
مُشاطرة هذه المقالة على: diggdeliciousredditstumbleuponslashdotyahoogooglelive

انا جالى عررررررررررررررررررريس :: تعاليق

avatar
رد: انا جالى عررررررررررررررررررريس
مُساهمة في الإثنين سبتمبر 15, 2008 12:21 am من طرف rehan
الموضوع جميل أوى ياشيماء

بجد رااااااااااااااااااااااائع وبيعكس فعلا حال البنات اليوم

الفكرة فعلا ان كل بنت بتنام تقوم على العريس زى ما أنت بتقولى لما خلاص هيتجننو
وبرج من دماغهم هيطير

يعنى أنا مش فاهمة طب ياترى لما تقعدى كده ويكون الموضوع ده شغلك الشاغل ومحور اهتمامك هتعملى ايه ؟؟؟ اكيد البنت هتضايق وممكن تقلب باكتئاب وأمراض نفسية تانيه كتير ربنا يحفظنا

الزواج ده زى الرزق يعنى ربنا مقدرة ومحدده بميعاد وليه تتعبى نفسك حتى بعناء التفكيييييير ولك رب اسمه الوكيل بيدبرلك شؤنك

كمان النفس ان لم تشغلها بالطاعة شغلتك بالمعصية يعنى سيبى الموضوع ده على الله ونحاول نفكر فى حاجة ايجابية
أصل ساعات بحس ان الموضوع ده مدخل كويس للشيطان
يعنى تبدأ البنت تعيش فى قصص بيصورها ليها عقلها بس من كتر تفكيرها فى الموضوع ده
وتفاجأ أن دى أوهام وبعدين تتعب وقلبها يوجعها بقى وهكذا لحد مفاجأة تلاقى مشاعرها دى اتجمدت وفيه
رسالة بتقول عفوا لقد نفذ رصيدكم من كتر التعب اللى عيشت نفسها فيه

وكمان لو فكرنا شوية.......

ياترى مثلا ليه متجوزتش أو متخطبتش زى صحابى
فدى بيكون عشان ربنا عيزلى حاجة كويسة أوى
أو عشان فيه حاجات تانية لسه نقصانى ودروس بتعلمها فى الفترة دى
ومش هعرفها لو ارتبط يعنى ربنا بيعدنى لتحمل المسئولية دى

وكمان بحس ان فية بنات ربنا كتبلهم كده فى الوقت ده عشان ربنا عالم بحالهم
وعارف ان هى أخرها كده يعنى ربنا قدر ليها دلوقت عشان يحافظ عليها ويحميها فما يدرك

مش ممكن كانت البنت دى من كتر فراغها ابتدت تفكر فى حاجة تغضب ربنا
أو ابتدت تصاحب ولاد وهى حاسة ان ده مش مشكله

يعنى ربنا لا يقدر شىء الا لحكمة

يااااااااااااااه رغيت كتير بس الموضوع فعلا كبير
avatar
رد: انا جالى عررررررررررررررررررريس
مُساهمة في الإثنين سبتمبر 15, 2008 12:35 am من طرف Admin
ايوة كده عايزة تفاعل

والله أضفتى كتير للموضوع ياريهان ربنا يكرمك

عايزين دايما نحط الايات دى فى دماغنا
وفى السماء رزقكم وما توعدون

إنا كل شئ خلقناه بقدر

يعنى ليه نتعب نفسنا بقى بالتفكير

قال الله تعالى
رب المشرق والمغرب لا اله الا هو فاتخذه وكيلا
هل احنا احتياجاتنا خارج والمشرق والمغرب
طبعا لا
خلاص اتخذ ربنا وكيل لك
وكله فى كل امور حياتك
وهو اكيد مش هايضيعك ابدا
استعين بالله وتوكل عليه مع الاخذ بالاسباب طبعا ربنا يكرمك باذن الله
avatar
رد: انا جالى عررررررررررررررررررريس
مُساهمة في الإثنين سبتمبر 15, 2008 12:50 am من طرف M7MD
بالشفا ان شاء الله

هههههههههههههههههههههههههههههههههههههههه
avatar
رد: انا جالى عررررررررررررررررررريس
مُساهمة في الإثنين سبتمبر 15, 2008 12:59 am من طرف rehan
ربنا يكرمك ياشيماء

فعلا انا كل شىء خلقناه بقدر
وكمان البنت دى ربنا خلقها عفيفة طاهرة يزينها الحياء

طب ليه منحفظش على حيائها ده وأنا شايفة ان دى أهم زينه وصفى فى البنت

فاللهم زينا بالحياء

كمان لو أنت طالبه واحد كويس يحافظ عليك أكيد لازم انتى كمان تكونى محافظه على نفسك وعلى قدر
احترامك لنفسك ومراقبة الله على قدر ما ربنا يعطكى

بل الحديث بيقول .......

كن لله كما يريد يكن لك فوق ما تريد
avatar
رد: انا جالى عررررررررررررررررررريس
مُساهمة في الإثنين سبتمبر 15, 2008 1:08 am من طرف rehan
ما شاء الله يابشمهندس

رد جامد جدا
بجد استفدنا منه كتير
avatar
رد: انا جالى عررررررررررررررررررريس
مُساهمة في الإثنين سبتمبر 15, 2008 1:14 am من طرف M7MD
اصلى مقرتش غير كلام بسيط فلقيت دا أنسب رد

ولا انتى ايه رأيك
avatar
رد: انا جالى عررررررررررررررررررريس
مُساهمة في الإثنين سبتمبر 15, 2008 1:26 am من طرف rehan
لأ طبعا يابشمهندس

غير مناسب بالمرة
avatar
رد: انا جالى عررررررررررررررررررريس
مُساهمة في الإثنين سبتمبر 15, 2008 1:29 am من طرف M7MD
بجد الكلام كتير قوى وانا عنيا بتتعبنى جدا من الشاشة والله

لو ممكن اعرف الملخص هقدر ارد رد يكون مناسب شوية

وبعدين عايز اعرف العريس لشيماء ولا ريهان





اللهم ارزقنا حسن الختام يارب العالمين امين
avatar
رد: انا جالى عررررررررررررررررررريس
مُساهمة في الإثنين سبتمبر 15, 2008 1:53 am من طرف Admin
عادى مش فارقة الاتنين واحد المهم ان فى عريس وخلاص

رد: انا جالى عررررررررررررررررررريس
مُساهمة في الثلاثاء سبتمبر 23, 2008 12:40 pm من طرف farouk
اللة بفتح عليكم لكن لازم نفكر اكيد الاسلام والشرع حل كل المشاكل دى اية الحل يااولاد لو اتقدملك عريس عايزة تعرفية من كل الجوانب ودة موضوع كبيييير لان الزمن دة كتير فية الغش السلوك المعوج
avatar
رد: انا جالى عررررررررررررررررررريس
مُساهمة في الثلاثاء سبتمبر 23, 2008 4:06 pm من طرف Admin
فعلا يااستاذ احمد الاختيار فى زماننا ده بقى صعب اوى
مجرد فكرة الاختيار نفسها تخض
سواء للشاب او للبنت
كل واحد فينا عايز الانسان المثالى اللى يعيش معاه

اما بالنبة لما يتقدم عريس اكيد بقعد معاه مرة واتنين وثلاثة علشان على الاقل اعرف طبعه شخصيته مع ان ده كله كلام مفيش طبع بيتعرف الا بعد الجواز سواء طالت فترة الخطوبه حتى
واحنا فى الاول والاخر لينا الظاهر ربنا بقى يسترها معانا
وانا شايفة اننا بدام متوكلين على ربنا حق توكله عمرنا ماهانضيع ابدا وربنا هايرزقنا بالزوج الصالح اللى فيه الخير لينا
رد: انا جالى عررررررررررررررررررريس
مُساهمة في السبت أكتوبر 11, 2008 7:50 pm من طرف farouk
كلامك صح لكن هل مرتين او ثلاثة تكفى

المقصود ابحثى عن شروط الخلوة فى الدين وبعدين طبقيها لكن لازم تعرفى الرجل دة كويس قوىلازمتربطى الدين بالواقع
avatar
رد: انا جالى عررررررررررررررررررريس
مُساهمة في السبت أكتوبر 11, 2008 8:54 pm من طرف م احمد
هههههههههههههههههه
بسم الله ماشاء الله بجد موضوع يستحق تقدير انا هعمل لوحه شرف مخصوص علشان الموضوع الهائل ده بجد يا انسه شيماء ان ده هوا الي بيحصل والله برافو عليكي لخصتي وأفدتي
فعلا برافو عليكي
انا رأيي في الموضوع بصراحه ومن غير ما خبي عليكم
الحب ليس عيب ولا حرام ولا حاجه ننكسف منها مادجام نيه الواحد خير (( خير مش حاجه تانيه علشان محدش يفهمني غلط))
بس انا بتكلم عن الحب الطاهر الحب الجميل البرئ ومحدش يقولي مفيش حب طاهر علشان مذعلش الحب الطاهر بعيد عن حب التلفونات وحب الشات الحب الي يكون ادااااااااام الناس كلهم وامام الله
انا عن نفسي لو حبيت بجد ولقيت الحب ده لو انا قادر اروح لبوها وكلمه هروح في الحال اذا عرفت انه لسه شويه هدعي عليها وقول يارب ميجلها عريس وتفضل معنسه لغايه منا اكون جاهز واروح اتقدملها ومش هقلها ولا هكلمها هستى ةهصبر واستعين بالصلاه والصوم والدعاء ليا والدعاء عليها ((هههههههه))
ومرسي يا انسه شيماء على الموضوع الرائع ده وانتظرو عبال مجهز لوحة الشرف والأوسمه بس يارب ما النت يقطع
avatar
رد: انا جالى عررررررررررررررررررريس
مُساهمة في السبت أكتوبر 11, 2008 10:04 pm من طرف shimaa
farouk كتب:
كلامك صح لكن هل مرتين او ثلاثة تكفى

المقصود ابحثى عن شروط الخلوة فى الدين وبعدين طبقيها لكن لازم تعرفى الرجل دة كويس قوىلازمتربطى الدين بالواقع



ماشى يااستاذ احمد بس هو فعلا من حقى ان انا اقعد معاه مرة واتنين وتلاته بس طبعا مش لوحدنا لازم يكون فى البيت ويكون على الاقل الناس فى البيت شايفانا

وانا اصلا هاعرفه كويس قوى ازاى الا من القعدات دى ولو لقيت نفسى بقى مرتاحة وعندى استعداد بيبقى خلاص بقى


وبالنسبة لربط الدين بالواقع انا مش فاهمة قصد حضرتك ايه؟
ياريت شوية توضيح
avatar
رد: انا جالى عررررررررررررررررررريس
مُساهمة في السبت أكتوبر 11, 2008 10:11 pm من طرف shimaa
ايه ده كله ياباشمهندس

ده كتير عليا اوى
ربنا يعزك يارب

هدعي عليها وقول يارب ميجلها عريس وتفضل معنسه لغايه منا اكون جاهز واروح اتقدملها ومش هقلها ولا هكلمها هستى ةهصبر واستعين بالصلاه والصوم والدعاء ليا والدعاء عليها ((هههههههه))

ليه بس كده مش حرام علينا لما ندعى على حد وبعدين مش بندعى بأى حاجة دى حاجة جامدة اوى
انها تفضل معنسة صعب اوى

ممكن بقى لو فعلا ده حصل لحضرتك تدعى بجد بأن ربنا يعملك الخير وان كان فيها خير يقربها منك وان كان شر يبعدها عنك

لان احنا ممكن نكون عايزين حاجة وبندعى بيها
وحاسين انها خير لينا بس فى الحقيقة تكون شر وربنا عايز يبعده عننا


وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وأنتم لا تعلمون



avatar
رد: انا جالى عررررررررررررررررررريس
مُساهمة في السبت أكتوبر 11, 2008 10:25 pm من طرف م احمد
ماشي يعني تعنس هي ونجوش في الأخر ولا اعنش انا ومنتجوش خالش على فكره دي مش غلطات املائيه دي شناني لما وقعت علشان يدوبك اكون جهشت نفشي يلا باي باي على فكره تقدر تعدل مزاجك من قائمه البينات الشخصيه فوق اضغط على كلمه بياناتي وغير مزاجك زي ما انت عايز
avatar
رد: انا جالى عررررررررررررررررررريس
مُساهمة في الإثنين أكتوبر 20, 2008 11:13 am من طرف هبة رحمة
لو أيه ياشيماء مهما قعدنا مع بعض لو أنا فكرتى عن الزواج غلط
اولو ببص على المظاهر والشكل العا او بجب الكلام الحلو وبس هرضى بيه أكيد وممكن الموضوع ينتهى فى الاخر من غير جواز
أنت عارفة الحل ايه
أنتى عارفة الحللا أيه
أنى أى واحد تكون نقية من جواها وعارفة هى عايزة أيه وعلاقتها مع ربنا كويسه
الحاجات دى لو إتجمعت ربنا هيحفظها من اى شر
والاحسن كمان أن ربنا مش هيديها لحد يتعبها ولا يزهقها
صح ولا لأ
avatar
رد: انا جالى عررررررررررررررررررريس
مُساهمة في الإثنين أكتوبر 20, 2008 11:16 am من طرف هبة رحمة
المشكلة عندى ياشيماء أنى قدامى عريسسسسسسسسسسسسسسس
ومش عايزة اتسرع فى الحكم عليه
وربنا يسترعليا لان مش متأكدة أن الحل اللى قولت عليه عندى
avatar
رد: انا جالى عررررررررررررررررررريس
مُساهمة في الإثنين أكتوبر 20, 2008 2:03 pm من طرف shimaa
هبة رحمة كتب:
لو أيه ياشيماء مهما قعدنا مع بعض لو أنا فكرتى عن الزواج غلط
اولو ببص على المظاهر والشكل العا او بجب الكلام الحلو وبس هرضى بيه أكيد وممكن الموضوع ينتهى فى الاخر من غير جواز
أنت عارفة الحل ايه
أنتى عارفة الحللا أيه
أنى أى واحد تكون نقية من جواها وعارفة هى عايزة أيه وعلاقتها مع ربنا كويسه
الحاجات دى لو إتجمعت ربنا هيحفظها من اى شر
والاحسن كمان أن ربنا مش هيديها لحد يتعبها ولا يزهقها
صح ولا لأ


طبعا ياهبه معاكى انتى فعلا لو متوكله على ربنا اكيد ربنا مش هايضيعك ابدا
لازم يبقى عندك حسن ظن بالله ان ربنا عنده الخير سواء جه فى اى وقت المهم انه الخير


وهو احنا ماقدمناش غير كده يعنى مهما قعدنا مع بعض الشخص مش بيبان على حقيقته الا بعد الجواز بس زى ماقولتلك توكلى على ربنا وجددى نيتك من فكرة الجواز اصلا

اه ياترى احنا بنتجوز ليه ؟؟
سؤال محتاج لاجابة

هل لمجرد اننا نجيب عيال ويكبروا ويجيبوا عيال وهلما جرا

اكيد لأ طبعا لو فعلا ده الهدف من الجواز يبقى مالوش لازمة بقى


يالا ياجماعة عايزة اعرف الاجابة
دعوة للنقاش
avatar
رد: انا جالى عررررررررررررررررررريس
مُساهمة في الإثنين أكتوبر 20, 2008 4:07 pm من طرف م احمد
رووووووووووووووووووووووووووووووووووووووووووووووووووووووولي
الف مبروك ياهبه توكلي على الله وأستخيريه بس ابقي اعزمنا على الفرح مش تعملي زي غاده
avatar
رد: انا جالى عررررررررررررررررررريس
مُساهمة في الإثنين أكتوبر 20, 2008 4:35 pm من طرف rehan

ربنا يكرم ياشيماء

الجواز ده سنه كونية ربنا خلقها لكل البشر
بس احنا كبنى ادم لازم أكيد نكون مختلفين
مش بس عشان نكمل حاجة ناقصانا
لأ دى احنا بنتجوز عشان
أطيع ربنا فى زوجى ويكون بابى للجنة
لأن الرسول بيقول.....
لو امرت المرأة ان تسجد لغير الله لأمرتها ان تسجد لزوجها

كمان ربنا يرزقنا بزوج صالح أو زوجه صالحة خير متاع الدنيا
يعنى حد كويس يعينك على الطاعة ومعاه توصل لربنا سبحانه وتعالى

احنا ممكن نتجوز فعلا عشان نجيب عيال ويكبروا لكن مش بس كده
لأ دى علشان يكونوا ان شاء الله ذرية صالحة ويعبدوا ربنا ويعمروا الأرض

بالضبط فى سورة مريم...........
كما قالت أمها........ ربى انى نذرت لك ما فى بطنى محررا
ياترى فكرنا قبل كده فى حاجة زى دى .........
انى أجيب أولاد وأوهبهم لله عسى أن يخرج منهم من يخدم الاسلام والمسلمين؟؟؟؟؟؟؟؟؟
avatar
رد: انا جالى عررررررررررررررررررريس
مُساهمة في الثلاثاء أكتوبر 21, 2008 12:24 am من طرف 7ob El-7iah
يااااااااااااااااااااااااااه تصورو النقاش معاكم فتح في دماغي ابواب مكنتش واضحة اوي

يبقى كده في النهاية التوكل على الله بيكون ليه نتايج مبهره

يبقى الواحد لو توكل على ربنا صح عمرة ما هيضيعه سواء كانت بنت او ولد

يرزقها بالزوج الصالح

ويرزقه بالبنت الصالحة اللي تعينه على طاعة ربنا ويدخلوا مع بعضهم الجنة

ويكونوا اولاده سبب في دخولهم الجنة ان شاء الله

اللهم اجعلنا سببا في دخول آبائنا جنة الفردوس الأعلى
avatar
رد: انا جالى عررررررررررررررررررريس
مُساهمة في الثلاثاء أكتوبر 21, 2008 10:07 pm من طرف malak el- donia
عموماا البنت في الاسلام حصلت علي حريه لم تحصل عليها في اي دين اخر واللي بيتكلموا دلوقتي انهم عاوزين يجيبوا حقوق المراه دول بيهجسوا
بالنسبه بقي للعريس اللي بيجي للبنت فانا باعتقد ان البنت لازم يكون ليها راي في اختياره او لأ وده اللي كان بيحصل في ايام الرسول فعلا والجواز مش اجبار لأنه لو كان اجبار هتبقي عواقبه وحشه اوي
اما بقي بالنسبه للتوكل علي الله في الجواز فالمفروض انك بتتوكل علي الله في اي حاجه جواز بقي ولا مش جواز هو انتي او انت بتصلي صلاة استخاره وتتوكل علي الله وربنا مش هايريدلك الا الخير
ويارب الناس كلها تكون جوازتها موفقه ان شاء الله والجواز طبعااا مش حاجه هينه زي ما الناس متوقعة ده نص الدين ونص الدين اكيد اكيد اكيد مش سهل فيارب نكون موفقين وربنا يهدينا ويهدي ازواجنا ويهدي اولادنا واولاد اولادنا يارب العالمين
 

انا جالى عررررررررررررررررررريس

الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جمعية الرحمة الخيرية بالمنوفية :: المنتدى االعام :: منوعات-
انتقل الى: