جمعية الرحمة الخيرية بالمنوفية


 
الرئيسيةالبوابه الجديدهالتسجيلدخول

شاطر | 
 

 الصحبة الحـــلوة

اذهب الى الأسفل 
كاتب الموضوعرسالة
M7MD

avatar

ذكر عدد الرسائل : 346
العمر : 32
الرتب :
تاريخ التسجيل : 15/08/2008

19092008
مُساهمةالصحبة الحـــلوة

السلام عليكم ورحمة الله وبركاته

احنا بدأنا يجماعة والحمد لله فى عمل فريق اسمه الصحبة الحلوة طبعا اسم جميل وفى تفاؤل كدة

شعارنا ان شاء الله هيبقى أكون او يجب ان اكون

طبعا الأسم مع الشعار بجد دا لازم يطبق على افعالنا مش بس كلام عالورق لالالالالالا


مين شاف حلقة عمرو خالد بتاع قصة سيدنا موسى الى اتكلم فيها عن ال17 حاجة بتوع تغير الحياة


ايوة اهو احنا بقى هنبنى الفريق على الأسس دى وان شاء الله هننجح


والبقية تأتى تباعا انتظروا الصحبة الحلوة



اللهم ارزقنا حسن الختام


اممممممين يارب العالميييين
الرجوع الى أعلى الصفحة اذهب الى الأسفل
مُشاطرة هذه المقالة على: diggdeliciousredditstumbleuponslashdotyahoogooglelive

الصحبة الحـــلوة :: تعاليق

avatar
رد: الصحبة الحـــلوة
مُساهمة في الجمعة سبتمبر 19, 2008 11:49 am من طرف Admin
ايه اللقب الجميل ده
ده كله حصل بعد مامشيت ماشى الحاجات اللى بتتعمل من ورايا دى
بس حلو اوى
ربنا يكرمنا يارب

اكون او يجب ان اكون
avatar
رد: الصحبة الحـــلوة
مُساهمة في السبت سبتمبر 20, 2008 12:34 am من طرف M7MD
يلا بقى اى خدمة

شدى حيلك بقى معانا ادخلى على عمرو خالد دوت نت هتلاقى ال17حاجة دول يريت تشوفيهم وتقررى 10منهم يبقى دول محل اهتمامك ومشاركتك معانا


يلا بسرعة
avatar
رد: الصحبة الحـــلوة
مُساهمة في السبت سبتمبر 20, 2008 1:13 am من طرف Admin
بس هما فين بالظبط على الموقع لانى مش لاقياهم
avatar
رد: الصحبة الحـــلوة
مُساهمة في السبت سبتمبر 20, 2008 9:47 pm من طرف rehan
أنا مش عارفة فين بالضبط ياشيماء

بس ممكن نخلى البشمهندس محمود يعرض الفكرة تانى ونحدد مواعيد عشان نبدأ

ربنا يكرمه ويجزيه كل خير هو اللى نقلها لينا

فعلا هى حاجة جميييييييييييييلة جدا وأكيد هضيف كتيييييييييييير لخبراتنا وشخصيتنا وثقافتنا
بس لو عملناها صح


على فكرة ياشيماء احنا منقدرش نعمل حاجة من غيرك نفسك بردو معانا



هننجح؟؟؟؟؟؟؟؟؟؟؟؟؟؟؟؟؟ ان شاء الله هننجح
avatar
رد: الصحبة الحـــلوة
مُساهمة في الأربعاء سبتمبر 24, 2008 5:31 pm من طرف Admin
دول ياجماعة ال17 حاجة اللى ان شاء الله ربنا يقدرنا ونحاول نمشى على 10 منهم كده

قراءة كتاب اسبوعيا

قراءة جريدة مفيدة

قراءة مجلة علمية

تعلم حرفة معينة

زيارة آثار ومعالم بلدك مع خبير

مرافقة انسان ناجح

مشاهدة قناة استكشاف الجزيرة الوثائقية

مشاهدة النشرة الاخبارية يوميا

معرفة تاريخ العائلة _الاسلام_العالم

محاولة كتابة قصة_شعر_مذكرات

المناقشة والسؤال

تعلم لعبة الشطرنج

زيارة المواقع العلمية والثقافية

زيارة مكتبة مفيده

اشتغل فى الصيف

كل 3 اشهر اتعلم مهارة معينة

السفر
avatar
رد: الصحبة الحـــلوة
مُساهمة في الأربعاء سبتمبر 24, 2008 11:25 pm من طرف M7MD
جزاكى الله خير
avatar
رد: الصحبة الحـــلوة
مُساهمة في الخميس سبتمبر 25, 2008 1:03 am من طرف Admin
جزانا واياك
وربنا يجزى باشمهندس محمود كل خير يارب
avatar
رد: الصحبة الحـــلوة
مُساهمة في الخميس سبتمبر 25, 2008 4:09 pm من طرف 7ob El-7iah
وجزاكم جميعا ان شاء الله تعالى

بس ياريت بجد كل واحد يجي يوم الإفطار الجماعي (بكرة يعني) وهو مختار على الأقل 5 حجات عشان نبدأ بقا

مش عاوزين يكون الكلام على ورق وخلاص

الشغل العملي اهم

والله ولي التوفيق
avatar
رد: الصحبة الحـــلوة
مُساهمة في الخميس سبتمبر 25, 2008 4:14 pm من طرف Admin
خلاص بأذن الله ياباشمهندس
علم وينفذ
فعلا احنا النهاردة كنا بنتكلم فى الوضوع ده واننا عايزين نبدأ بجد ان شاء الله
حتى فى ناس متحمسة اوى ومنهم ريهان طبعا
واحنا كلنا بإذن الله يارب فعلا نعمل حاجة
avatar
رد: الصحبة الحـــلوة
مُساهمة في الخميس سبتمبر 25, 2008 10:19 pm من طرف rehan
أيوة طبعا

كلنا متحمسيييييين جدا يابشمهندس
وبندعيلك أوى

ربنا يحفظك ويجزيك كل خير



أكون أو يجب أن أكون
نعم نستطيع أن نغير الكون
avatar
رد: الصحبة الحـــلوة
مُساهمة في السبت سبتمبر 27, 2008 11:10 pm من طرف نور
أتمنى أن تقبلونى معكم فى هذه الصحبه الحلوة من هنا نبدأ وفى الجنه نلتقى أكون أو يجب أن أكون TO BE OR MUST
avatar
رد: الصحبة الحـــلوة
مُساهمة في الأحد سبتمبر 28, 2008 11:33 pm من طرف Admin
طبعا يامها انتى بتتكلمى فى ايه
انتى على رأس القائمة
ربنا يكرمك يارب
واكيد ان شاء الله هانستفيد منك كتير
avatar
رد: الصحبة الحـــلوة
مُساهمة في الإثنين سبتمبر 29, 2008 9:03 pm من طرف M7MD
بعد العيد بقى هنبقى فاضيين شوية ولا شويتين

عيزين بقى نبنى بسرعة بسرعة مشروع الصحبة الحلوة انا بصراحة عايز اتباهى بالصحبة دى ادام نفسى وادام العالم كله

يلا بقى
avatar
رد: الصحبة الحـــلوة
مُساهمة في الإثنين سبتمبر 29, 2008 11:52 pm من طرف rehan
اية الحماس دى كلة يابشمهندس

عايزين نفضل بنفس الدرحة دى على طول


تقريبا احنا ممكن نتجمع أول يوم العيد فى الدار ان شاء الله نعيد على الأطفال

ونتكلم شوية ازاى هتكون البداية ياريت كلنا نحاول نكون موجودين
avatar
رد: الصحبة الحـــلوة
مُساهمة في الثلاثاء سبتمبر 30, 2008 3:54 am من طرف 7ob El-7iah
بسم الله الرحمن الرحيم

ماشاء الله على الحماس إمال الواحد مش بيشوف الحماس ده في قدامه لية

عموما كل سنة وانت جميعا بخير

هيكون فيه اجتماع أول يوم العيد بعد صلاة العصر ان شاء الله في مقر الجمعية في شبين

لمناقشة :-
1-الرحلة لذوي الإحتياجات الخاصة
2- كيف ستكون اول خطوة في الصحبة الحلوة

كل ده إن شاء الله طبعا

والله ولي التوفيق
avatar
رد: الصحبة الحـــلوة
مُساهمة في الأحد أكتوبر 12, 2008 6:23 pm من طرف مشمرة الى الجنة
فهمونى يا جماعة إيه علاقة الصحبة الحلوة بال 10 حاجات دول ؟؟؟
قصدكم هى تؤدى ليها و لا قصدكم اننا نتجمع فى عملها ... عموما فكرة الصحبة الحلوة طبعا جميلة بس عايزة أفهم أكتر .
avatar
رد: الصحبة الحـــلوة
مُساهمة في الأحد أكتوبر 12, 2008 6:36 pm من طرف shimaa
بصى يادكتورة هى اصلا فكرة الصحبة الحلوة قائمة على ال17 حاجة دول
واحنا كل واحد فينا احتار تفريبا 5 حاجات مناسبة ليه ويقدر يعملها وبعد كده أخدنا تصويت
وكان من اهم الحاجات هى قراءة كتاب اسبوعيا
فبدأنا نستعير كتب وكل واحد خد كتاب وبدأ يقرأ فيهوبعد كده هايلخصه ولما نجتمع يبدأ كل واحد فينا يقول ايه اللى قرأه

وكمان فى ناس مثلا قالت انها هاتسمع النشرة
وناس هاتقرأ الجرايد وهكذا كل واحد واللى يناسبه

ياريت تكون الفكرة وضحت يادكتورة
avatar
رد: الصحبة الحـــلوة
مُساهمة في الأحد أكتوبر 12, 2008 6:39 pm من طرف 7ob El-7iah
بسم الله الرحمن الرحيم

يكون ليا كل الشرف اني اكون الموضح للموضوع

طبعا باين ان حضرتك قرأتي الحجات اللي المفروض انها تتنفذ

ودي كان الأستاذ عمرو خالد قالها في حلقة سيدنا موسى والخضر (ج1)في برنامج قصص القرآن

ونا كنت كتبتها وعرضتها على الأعضاء ايام لما كنا شغالين في معرض البتانون في رمضان

ولله الفضل عرفنا نحط شعار (أكون او يجب ان اكون)...

وبرده حطينا اسم يجمنا دايما وكان (الصحبة الحلوة) ....

وكان الإتفاق ان الشغل هيبدأ بعد رمضان بإذن الله وتم التصويت على اهم الحاجات اللي ممكن نبدأ بيها

وكانت قرآئة كتاب كل اسبوع وإن شاء الله تعلم تجويد القرآن

وده هيكون على الأقل يوم واحد بس في الأسبوع (يوم السبت إن شاء الله في مقر الجمعية في شبين)

وللعلم عشان يكون كل الأعضاء عندهم برده خلفية من الموضوع

الهدف الأساسي طبعا بعد ان كل ده لله

هوا ان الناس الشغاله في الجمعية كل اللي بيعملوه هوا انهم بيفيدوا غيرهم بس انت نفسك مش بتطورها

يعني بمعنى آخر محدش فينا عنده حاجة يمسكها في إيده ويقول انا بعد ما عملت خير للناس كانت دي النتيجة

وطبعا كده الإقبال على عمل الخير هيكون اكتر عند أغلبية الناس لأنهم لقوا برده انهم هيستفيدوا زياده على الأجر والثواب

حجات مادية تخليه يحس انه اتغير فعلا للأحسن

وعلى فكرة كده نكون قدرنا فعلا نقوم ونغير من نفسنا كصحبة حلوة

وبرده حققنا حديث الرسول الكريم"لأن يهدي الله بك رجلا واحدا خير لك من الدنيا وما فيها"

كده أظنني كبت الكلام من جميع النواحي

يارب اكون قدرت اوصل اي حاجة مفيده

وبرده مش مستغنيين عن آرئك يا دكتور

ولو عندك أي فكرة زياده يكون احسن
avatar
رد: الصحبة الحـــلوة
مُساهمة في الأحد أكتوبر 12, 2008 6:59 pm من طرف مشمرة الى الجنة
جزاكم الله خيرا و ربنا يعزكم .

أن كده فهمت .. ناقص أعرف مين عليه الدور فى قراءة الكتاب هذا الأسبوع و مين هيشرحه؟ و التجويد هل قسمتوه أجزاء أسبوعيا و كل واحد لوحده و لا مجموعات ؟؟؟
avatar
رد: الصحبة الحـــلوة
مُساهمة في الأحد أكتوبر 12, 2008 7:11 pm من طرف rehan
هو المفروض ان كل واحد فينا واخد كتاب
وفيه ناس بالفعل خلصت قرايته والمفروض هتقوله لينا


أما التجويد المسئول عنه هو الباشمهندس محمود والباشمهندس محمد نابت

وهم هيشرحوا كل أسبوع درس ونبتدى نطبق عليه بالقرأة
avatar
رد: الصحبة الحـــلوة
مُساهمة في الأحد أكتوبر 12, 2008 7:32 pm من طرف مشمرة الى الجنة
الإجنماع يوم السبت هيكون الساعة كام بالضبط عشان احنا احتمال يكون عندنا اجنماع الجمعية الادارىالأسبوعى ؟؟؟
 

الصحبة الحـــلوة

الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جمعية الرحمة الخيرية بالمنوفية :: المنتدى االعام :: منوعات-
انتقل الى: