حوارات الحروف الهجائية

هو الموضوع عبارة عن ايه؟؟؟؟؟؟؟؟؟

انا باقول اول حروف الهجاء واجيب< كلمه- أو- صفه يبدا فيها الحرف > واللي بعدي يعلق عالكلمه ويعطي اللي بعده الحرف التالي <<بحسب ترتيب الحروف الابجدي>>000 وهكذا

وضحت الفكرة

انا بأبدأ :

حرف الالف
اخلاص

فكرة جميلة

مواضيعك كلها فيها حاجة لذيذة قوى

الإخلاص دا مهم جدا وربنا سبحانه وتعالى اهم شرط اشطرته فالعبادات ليس الكم ولكن الكيفية وهى مدى الأخلاص فالعبادة

وطبعا باقى نواحى الحياة لازم يتوافر فيها الإخلاص سواء عمل او صداقة او معاملة لأى حد على أى مستوى

فدا مهم جدا جدا

الباء

بخل

يعنى هى الفكرة عجبتنى فقلت اعملها عندنا

ياااااااااااااااه البخل ده صفة فظيعة

والبخل مش فلوس بس

فى بخل فى المعاملات

فى المشاعر

فى التصرفات

وفى حاجات كتير اوى

انا شايفة ان الانسان اللى بيكون بخيل فى حاجة منهم بيكون عنده استعداد للباقى

ربنا يعافينا يارب

حرف التاء

تأنيب الضمير؟

تأنيب الضمير

حاجة مضيقانى جدا فنفسى

وهيا انى ممكن اكون اكتر حد ضميرة بيأنبه لما احس انى عملت حاجة غلط

هتقوليلى طب ومدايق ليه

لنى بوصل لدرجة من تانيب الضمير لدرجة انى بتخنق من نفسى وممكن ابقى كاره نفسى فترة طويلة قوى مع ان ممكن يكون الموضوع مش مستاهل قوى

عشان كدة انا صحابى الى يبقى عايز يوجعنى قوى يوصلنى لمرحلة تأنيب الضمير تخيلى بقى لأنهم عارفين تأثيرها عامل ازاى فيا

الثاء

ثمن

اعتقد الزمن اللى احنا فيه دلوقتى بقى فى حاجات كتير لها ثمن ولازم علشان تحصل عليها تدفع الثمن ده
وممكن يكون الثمن ده غالى اوى

الجيم

جماعة

حرف الراء
رحمة

دى اسم الجمعية

الرحمة دى صفة جميلة اوى

وما أجمل الشخص ذو القلب الرحيم

الذى يتعامل مع الناس بالرحمة واللين

ومن أسماء الله عز وجل : الرحمن الرحيم

ويقول الرسول صلى الله علية وسلم:

انما يرحم الله من عباده الرحماء

والله عزوجل أنزل جزء من الرحمة وأبقى عنده تسع وتسعون

وبالجزء ده بنرى كل مظاهر الرحمة فى التعامل سواء على مستوى البشر أو الحيوانات

سبحان الله فما بالكم برحمة الله الواسعة

فاللهم ارزقنا قلبا رحيما
وارحمنا فوق الأرض وتحت الأرض ويوم العرض

اللهم ارحمنا فانك بنا راحم ولا تعذبنا فأنت علينا قادر

حرف الزاى

زيارة

زيارة

حاجة مهمة جدا من الحاجات الى بتعمل ترابط بين الناس وبعضهم على اى مستوى سواء صداقة او قرايب

وطبعا اروع الزيارات فالدنيا هى زيارة بيت الله ويارب تتكتب لنا

حرف الذال

ذنب

بعد الزين حرف السين ياباشمهندس ولا ايه؟
على العموم هجاوب وخلاص

ذنب ده شئ صعب اوى لما الواحد يحس بيه بيقعد بقى يأنب ضميره ويقول ازاى انا عملت كده

بس لازم نعرف ان ربنا تواب رحيم يغفر الذنوب جميعا

يامن يجيب العبد قبل سؤاله ويجود للعاصين بالغفران
واذا أتاه الطالبون لعفوه ستر القبيح وجاد بالاحسان

اللهم اغفر لنا وللمسلمين والمسلمات والمؤمنين والمؤمنات الاحياء منهم والاموات

حرف السين
سرور

كلنا بنسعى عشان نوصل الى الاحساس بالسعادة والسرور

سواء فى الدنيا والاخرة...

وكل واحد فينا لية حاجة لما بيعملها او بتحصل وقتها بيحس بالسعادة
حتى لو كانت الحاجة دى وقتية
لكن ممكن نحس فعلا بالسعادة أكتر لما نشوف اللى حولينا كلهم مبسوطين
وسعتها احنا حتى لو مش مبسوطين ممكن نستمد سعادتنا من سعادتهم

وأهم حاجة سرور تدخله على مسلم يااااااااااه احساس حلو أوى انك تكون سبب فى اسعاد الأخرين
كرم كبييييييييييير أوى من ربنا

اللهم استخدمنا ولا تستبدلنا واجعلنا سببا فى اسعاد الناس

حرف الشين

شكر

هو يتضمن فى البداية شكر ربنا سبحانه وتعالى على نعمه الكتير اوى اللى انعمها علينا
وربنا بيحب دايما العبد اللى يشكره ويحمده على نعمه ويرضى عنه
ان الله ليرضى عن العبد يأكل الاكله فيحمده عليها تخيل ربنا بيرضى عننا لما نحمده ونشكره
بس احنا للاسف ساعات كتير بننسى نشكر ربنا
وربنا قال (وقليل من عبادى الشكور)
يارب اجعلنا منهم يارب

القسم التانى هو شكر الناس
من لم يشكر الناس لم يشكر الله
عايزين فعلا نشكر الناس علشان ده طريق لشكر ربنا ورضاه علينا

حرف الصاد
صداقة

يااااااااه

الصداقة دى حاجة مهمة جدا

ولو الواحد ملوش اصدقاء معقدتش انه ممكن يحس بطعم اى حاجة

والمهم قوى كمان ان الواحد يعرف ازاى يكون صداقة مع نفسة قبل الناس

الضاد

ضعف

ساعات الواحد كتير بيحس بيه بس لازم مايستسلمش للاحساس ده ويحاول يتغلب على ضعفه بأى طريقة

الطاء

طولة البال

طولة البال
ممممم
الحمد لله نعمة كبيرة جدا جدا ومهمة قوى بالذات للشخص الى عايز ينجح

الظاء

ظلمة

ظلمة حاجة صعبة اوى لو الواحد حس بيها سواء ماديا او معنويا
يعنى لو الدنيا كانت ظلام مثلا الواحد بيجيلو احساس غريب كده جواه

وفى ظلمة القلب نعوذ بالله منها
اللهم اجعل فى قلوبنا نورا

وفى ظلمة القبر
اللهم نور لنا فى قبورنا ووسع لنا فيها واجعلها روضة من رياض الجنة

يعنى هى كلمة صعبة فى كل الاحوال

العين

عمل

أهم شىء فى الدنيا
ان يكون للانسان عمل يشتغل به
ويشغل تفكيرة

عشان النفس دى أمارة بالسوء وكمان النفس ان لم تشغلها بالطاعة شغلتك هى بالمعصية

يعنى تخيل لو انت فاضى مفيش أى حاجة تعملها

يااااااااااااه حاجة وحشه أوى يعنى أأقعد كده النهارده زى بكرة زى امبارح
وسعتها هحس بالملل والمشاكل تبتدى ومقولكوش بقى على الباقى ربنا يحفظنا

وكمان بيقولو فى المثل........... الفاضى يعمل قاضى

يارب ارزقنا عملا نافعا متقبلا نشتغل به

حرف الغين........

غربة

مبحبهااااااااااااااااااااااااااااااااااااااااااااااااااااااااااااااش

دى حتى فالنطق تخوف

وأصعب حاجة بقى ان الواحد يحس انه غريب عن نفسة ودى بجد بشوفها بتحصل لناس كتير قوى

بس ان شاء الله ربنا ميكتبش لنا الغربة سواء عن نفسنا او عن اهالينا او عن اى حاجة غالية علينا يارب

الفاء

فردوس

ياااااااااااااااااااااااااه
اكيد أملنا كلنا طبعا
يارب اكتب لينا جميعا ولامة محمد صلى الله عليه وسلم

اللهم انا نسألك الفردوس الاعلى وما يقربنا اليها من قول او عمل

القاف

قلب

عضو مهم جدا فى الانسان
وله دور كبير فى التأثير على قرارتنا

بس لازم القلب ده يكون صافى ونقى يملأه الحب

ان الله لا ينظر الى صوركم ولكن ينظر الى قلوبكم وأعمالكم

فالقلب يكون أطيب جزء اذا ما ملاة الطهر ويكون أيضا أخبث جزء اذا ما تلوث بالمعاصى والذنوب والصفات المذمومة
فنجد كل أعمالنا ينعكس تأثيرها على قلوبنا

يعنى اذا ما فعل العبد الذنب فينكت فى القلب نقطة سوداء ونشعر بقسوة فى القلب
وكمان لو عملنا حاجة كويسة بنلاقى قلوبنا مطمئنة راضية

يعنى القلب دة زى البستان شوف بقى أنت عايز تزرع فية أيه وتروية بأية؟؟؟
وبناء على ذلك انتظر الحصاد اما بياض أو سواد

فاللهم طهر قلوبنا وارزقنا قلبا خاشعا رقيقا
اللهم لا تجعل فى قلوبنا غل للذين أمنوا
اللهم نور قلوبنا بنور الايمان وازرع فيها الحب والخير لكل الناس
اللهم اكفنا شر أمرض القلوب

حرف الكاف....

كرم

طبعا هى صفة رائعة لما تكون فى الانسان المسلم
قال صلى الله عليه وسلم من كان يؤمن بالله واليوم الاخر فليكرم ضيفه
يااااااااه اد ايه الكرم ده مهم وحث عليه النبى عليه الصلاة والسلام
ولما يكون الانسان كريم بيبقى فى كل حاجة
ربنا يجعلنا من الكرماء يارب
وطبعا ياريهان انتم اهل الكرم كله
بجد ربنا يكرمكم ويجعله فى ميزان حسناتكم يارب

حرف اللام
لسان
اللسان يعنى

((لسانك حصانك إن صنته صانك))
السان ده اصغر عضله موجوده في جسم الأنسان واهم عضله ممكن لأن هي دي الي بتتعامل فيها مع الناس
وهوا الي بتعبر عن مشاعرك بيها وكل ميكون لسانك حلو مع الناس كل مالناس تقرب منك
وربنا يحمينا جمعيا ان ننكب في النار بسبب حصاد السنتنا
حرف الميم
مسئوليه

حاجة مهمة جدا ان الواحد يكون متحمل المسؤلية فى كل حاجة
يعنى اى موقف يتعرض ليه لازم يكون قد المسؤلية فعلا

وبتبقى حاجة صعبة اوى لما تكون المسؤلية على شخص معين فى مكان معين وبعدين يتخلى عنها بسهولة

حرف النون

نهاية

النهاية هى الانتهاء من عمل شى ولكن حتى تكون النهاية صحيحة يحب ان تكون البداية صحيحةاو عاى الاقل لها مقومات النجاح
اذن قبل ان تبدأ فى عمل شىلابد ان تكون النهاية امام عينك حتى تصح النهاية يجب ان تصح البداية والعكس صحيحوحتى تصح
البداية يجب قبل ان تبدا ان تصح نية العمل وان تستعين باللةوتفكر بعقل وروية

خ
خلود

عدد الرسائل : 73 الرتب : تاريخ التسجيل : 27/08/2008

قال نعالى ( إدخلواها بسلام ذلك يوم الخلود ) الخلود فى الجنه إنشاء الله ولكل يقول أحد الحكماء الكفاح نوعان كفاح من أجل البقاء وكفاح من أجل الخلود فالكل يعمل ولكن واحد بينظر تحت رجليه والأخر يبدأ وعبنه على النهايه فبدأ وعينك على النهايه تكسب البدايه والنهايه اللهم أرزقنا عمل صالحا يرضيك عنا الحرف هو الهاء هويه