ناقش اللى بعدك بسؤال

هى الفكرة عجبتنى وقولت اطرحها معاكم هنا
احنا هانحط سؤال للنقاش والعضو اللى يدخل يجاوب على السؤال ويعمل سؤال تانى للعضو اللى بعده وهكذا
والسؤال ممكن يكون فى اى حاجة تخطر على بالك تمام

وانا هابدأ

ياترى امك بتمثل ايه فى حياتك؟

امى ملهاش علاقة بالتمثيل خالص بلاش الكلام اللى يزعل دة

امى بالنسبة لى هى الأمان هى الطريق الى دخول الجنة
مفيش داعى للكلام دة علشان الدمعة هتفر من عينى

ماشى يا استاذ احمد بس فين سؤال حضرتك احنا قلنا هانجاوب ونحط سؤال للى بعدنا

الظاهر / mr farouk نسى الموضوع والا اية??

بس ياريت حضرتك تحط سؤال سهل شوية
بلاش الألغاز والاسئلة المحيرة بتاع حضرتك دى اللى محدش عارفلها اجابة خالص

بعد الحب دا ايه
الى تعمل كل دا تستاهل ايه
بعد الحب دا ايه
الى تدى حنان كتير بالشكل ده نبوس التراب الى ماشية عليه

بعد الى عملتية
اوصف ايه يوم فللى وصلتينى ليه
بعد الى عملتية
من حنانك من سامحتك الجنة تحتك دا الى ربنا قال علية امى

ما شاء الله اجابة رائعة ياباشمهندس عشرة على عشرة

بس فين السؤال بتاع حضرتك
هو كل اللى يدخل يجاوب وينسى السؤال ولا ايه

اسأل بقى

حاضر

ممممم0000000000

ايه احلى دعاء بتحب تدعية وبتحس ان دا اقرب دعاء لقلبك

طبعا كل الأدعية حلوة ومن قلبنا وفيها خشوع وكل الكلام الجميل ده بس اكيد عند كل واحد دعاء قريب جدا لنفسة وهو بيدعية بيحس ان دا دعائه هو لوحدة ياريت تكون وصلت

ااااااااااااااااااااااااااااااه

هو اولا الدعاء اللى بحبه اوى
اللهم اغفر لى وللمؤمنين والمؤمنات والمسلمين والمسلمات علشان بحس بثوابه الكبير

اما بالنسبه للدعاء الخاص بيا
وبيكون من قلبى ان ربنا يرزقنى وبنات المسلمين بالازواج الصالحين
وكمان والله بدعى للشباب ان ربنا يرزقهم بالزوجات الصالحات

سؤالى بقى
مين اول شخص بتفكروا انكم تروحوا له لما تكونوا زعلانين؟؟؟؟؟؟؟؟؟؟؟

سؤال جميل قوى

انا بقى مبعرفش اتكلم مع حد وانا زعلان بعمل حاجة من اتنين

1- بدخل اودتى واقفل على نفسى وتبتدى الحكاية اللعينى بينى وبين نفسى ومش عايز اقولكوا بعمل ايه بقى فالوقت ده
2- بقوم اتوضى واصلى واطول قوى فالسجود ومش بقوم غير لما احس انى خلاص بقيت كويس

والحمد لله مستريح مع الحلين دول لأن بصراحة انا صحابى مع انهم كتير بس انا بالنسبالهم مشفر شوية

مش هاينفع بقى كل ماحد يجاوب اقول فين السؤال بتاعه

فينك ياريهان الموضوع شكله سخن اوى ومحتاجينك

أنا زعلانة منكو كل ده من ورايا
الظاهر ان أنا نمت....

بس أنا هجوب على كل الأسئلة

أمى دى أحلى حاجة فى دنيتى وأعظم وأجمل وأكبر هدية من ربنا لية

أد اية بحس بكرم ربنا وفضلة علية كل مبشوف أمى ربنا يحفظها لينا يارب

أما بالنسبة للدعاء بتاعى

اللهم اجعلنا هدفا لنصرة الإسلام وطبعا دعاء شيماء دى مهم جدا

أما لما بكون زعلانه

مبحكيش لحد عندى كدى كشكول بكتب فية خواطرى سعتها وأول حاجة بكتبها وقتها
انما أشكو بثى وحزنى الى الله

يعنى بفضفض مع ربنا على الورق

أما سؤالى بقى

مين أكتر شخص فى حياتك أتأثرت بيه ؟؟ واية اكتر حاجة استفتها منه أو اتمنيت انك تكون زيه فيها؟؟؟؟

معلش نسيت والله

اسأل

طااايب

مين مثلك الأعلى طبعا احنا قدوتنا وقدوة الأمة كلها هو سيدنا محمد (ص) بس يترى هل فى حد فزمنا ده ممكن نبصلة بنظرة يريت لو اكون زيك او فمكانك خصوصا ان تلات تربع الناس بقو مثلهم عمرو وتامر وشعبولا

سبحان الله بجد

فنفس اللحظة انا وريهان كتبنا نفس السؤال

ايه ده بجد ينهار ابيض

خلاص هاجاوب انا بقى

هو فى حدود العائلة
أمى اولا هى مثلى الاعلى فى حنيتها وصبرها وحبها لينا وخوفها عليا وعلى اخواتى بالذات علشان هما شباب بقى وطبعا كانوا مطلعين عنيها
اما انا غلبانه

ثانيا ابن خالتى
ماشاء الله مثال للاجتهاد والادب والطموح
ومع انه ماحققش حلمه انه يدخل هندسة لكن لما دخل كلية تجارة أثبت ذاته وحقق حلمه وهدفه

اما على النطاق العام
الشيخ مصطفى حسنى
ما شاء الله ربنا يكرمه بحس فعلا انه قريب من ربنا اوى وبيحب ربنا اوى واتمنى انى اوصل للدرجة دى
ربنا يثبته يارب ويجعله فى ميزان حسناته

ياترى هاخد كام ؟
بس لازم التصحيح يبقى مظبوط

انا المرة دى اللى نسيت السؤال

كده هاخد مخالفة

سؤالى
ياترى وجودنا فى الجمعية غير ايه فى شخصيتنا؟؟؟؟؟

ماشاء الله عليكى

اختيارات ولا أروع

بس فين سؤال حضرتك يأستاذة

لحقتى نفسك يبنت الأيه

معلش سورى ع اسلوب ولاد الحارة بتاعى ده

وجودى انا فالجمعية عملى كتير قوى قوى هو مغيرش فشخصيتى ولكن غير فأسلوب تفكيرى وفبعض تصرفاتى وخلانى ابص لناس واساعد طبقة من الناس كنت بالكتير لما اقول انا ساعدتهم كانو بيصعبوا عليا بينى وبين نفسى لكن دلوقتى الحمد لله الواحد بقى فمكان تانى والله انا مبتسم وانا بكتب الكلام ده عشان بقيت مبسوط من الى انا بعملة بجد

سؤالك بجد تحفة ربنا يكرمك ياااااااااارب

اسال بقى

طاااايب

ايه هو اكبر حلم عندك بس حلم واحد بس الى هو بنقول عليه يارب لو اتحقق انا كدة مش عايز مالدنيا حاجة

حلمى فى الدنيا والله بجد وبكل صراحة انى ابنى اسرة مسلمة على حق زى ما ربنا يحب

ويكون بيتى طائع لله فى كل شئ
واحفظ ولادى القرآن ويكونوا احسن ناس
ياااااااااااااااااااااااااه ساعتها والله هابقى اسعد انسانة فى الدنيا كلها
ده حلمى
وممكن حلم كمان؟

ان ربنا يوفق اخواتى ويرزقهم ويرضى عنهم

سؤالى بقى؟

ياترى احنا راضين بجد عن ربنا ؟يعنى راضين عن اختيار ربنا لينا فى كل حاجة فى حياتنا؟
وياترى بنشكر ربنا على نعمه ولا من كتر النعم نسينا المنعم؟

تصبحوا على خير بقى علشان نقوم نصلى قيام الليل قبل السحور

اية الكلام الجميل دة ياشيماء

ربنا يارب يحققلك كل اللى بتتمنيه

الحمد لله فعلا أنا راضية عن ربنا أوى

بل بالعكس دى أنا حاسة ان ربنا مدينى أكتر بكتيييييييييييييييييييييير من اللى أنا استحقة

يعنى كل ميحصل حاجة أقول يااااة يارب ياترى هو أنا أستحق ده أدايه انت كريم أوى وعظيم أوى
ومتأكدة ان ربنا بيعملى اللى فية الخير ليه حتى لو مش على مزاجى دلوقت

كل حاجة دلوقت شايفة فيها ربنا يعنى عايشة مع الله ولله

وكل همى دلوقتى هو ربنا راضى والا لأ

وديما أقول وبفكر نفسى بيها علطول

فليرضى عنى الناس أو فليسخطو أنا لم أعد أسعى لغير رضاك

والسؤال
اية أكبر وأعظم نعمة حاسس ان ربنا ادهالك ؟؟؟؟

انا حاسة ان اكبر نعمة ربنا انعمها علينا هى نعمة الاسلام

هى اعظم واكبر نعمة انه خلقنا مسلمين وبقينا من امة النبى عليه الصلاة والسلام
ياااااااه فضل كبير من ربنا والله
ياربى لك الحمد كما ينبغى لجلال وجهك ولعظيم سلطانك
الحمد لله على نعمة الاسلام وكفى بها نعمة

سؤالى

هل احنا راضيين عن نفسنا فى اول اسبوع عدى من رمضان؟

للأسف ياشيماء

أنا مش راضية عن نفسى خالص

مش هى دى الحالة اللى المفروض أكون عليها

حاسة ان مقصرة أوى

وكمان رمضان شهر فى السنة وفايت يجرى

يعنى المفروض نستغل كل دقيقة وكل لحظة فية كما ينبغى أن يكون

بجد أدعولى ياجماعة

ويبقى السؤال..........

اية أكتر حاجة ممكن تسعدك؟؟؟ يعنى لما تحصل أوتعملها تحس ان يومك لية معنى؟؟؟؟

اكتر حاجة بتسعدنى لما احس ان اللى حوالى مبسوطين
وبحس انى عملت حاجى فى يومى لما اساعد الناس فى حاجة او احاول ادخل السرور على قلوبهم

سؤالى؟
ايه هى احلى حاجة حصلت فى حياتك؟؟؟؟؟؟؟؟؟؟؟