على فين ياشباب

عايشين نايمين قايمين وخلاص
فين الجهد والعمل والاخلاص

طب قولى هدفك ايه؟؟
طب قولى رسالتك ايه؟؟

هدفى!! رسالتى!! يعنى ايه؟؟

شفت ازاى انت عايش ليك وبس
شفت ازاى انت مش قادر تحس

طب دلنى أعمل ايه؟؟

قوم واتحرك ابذل جهدك
اخدم اهلك ناسك بلدك
قوم واتغير اسعد غيرك

اعمل حاجة مفيدة
اعمل حاجة جديدة

ساعتها بس هاتحس انك عايش بجد
انك قادر تسعد غيرك
مش عايش ليك وبس

خلاص من دلوقتى هاقوم واتغير
وابقى انسان ناجح قادر على انه يغير

(ان الله لا يغير ما بقوم حتى يغيروا ما بأنفسهم)

ما شاء الله ياشيماء

حلوة أوى ومعبرة جدا

لأ احنا منقدرش على ده كله

ربنا يكرمك يارب

ربنا يكرمك ياجميل
دايما كده رافعين من روحى المعدنية
يارب تكون حلوة بجد

لأ فعلا حلوة بجد

مش مجاملة والله

أنا متوقعة ان أنت بعد شوية ان شاء الله
مش هيكون حد قدك

ههههههههه
انا كده هاخد مقلب فى نفسى براحة عليا شوية

لا والله بجد ياريهان انتى عارفة انا مبسوطة اوى اكيد انتى عارفة احساسى دلوقتى صح؟

يجماعة خلاص شيماء عدت

انا ع فكرة مش هكتب تانى لأن كلامى أكيد محدش هيقراه بعد الكلام الجامد ده

انا زعلان جدا ياريتنى مقولتلك ع الطريق

ممكن بقى متكتبيش تانى

والله ولا عديت ولا حاجة
وبعدين ازاى مش هانقرأ كلام حضرتك
انا آجى ايه جنب خواطرك يعنى

خلاص مش هاكتب تانى هاكتم فى قلبى واسكت

لأ لأ ياشوشو لحسن تتعبى والا حاجة

خلاص هنيجى على نفسنا شوية ونتحملك

وأوعى تكتمى حاجة فى نفسك طلعيها وملكيش دعوة

معلش يابشمهندس لازم نتحملها اختنا بردو

عشان خاطرك انتى بس يريهان

هنيجى على نفسك ونستحمل احنا ونكتم غيريتنا فقلوبنا ونقرا خواطرك وابدعاتك الفنية

اااااااااااااااااااااااااااااااااااه
انتم اتجمعتو عليا
طيب

انا هاكتب اللى انا عايزاه بقى
بدام اختكم بقى استحملونى
محسسنى انكم هتقروه شفقة ماشى ماشى

انتظرونى قريبا فى ابداع جديد هايكسر الدنيا ان شاء الله
علشان بس الناس تغير بجد
وبعدين انتم متضايقين ليه ماعندكوش قلم وورقة تكتبوا
لالالالالالالالالالا اتشجعو كده وماتخافوش
يالا مستنية ابداعتكم قريبا

ماشى ياشوشو

هو بقى الموضوع كدة

يلا احنا اللى نستاهل...........

احنا اللى حبناه لنفسنا

ماشى ماشى

شكلها كده المنافسة هتكون قوية يابشمهندس

ربنا يستر علينا

طب دلنى أعمل ايه؟؟

قوم واتحرك ابذل جهدك
اخدم اهلك ناسك بلدك
قوم واتغير اسعد غيرك

حلو قوى السؤال دلنى اعمل ايه
عجبانى بجد كلمة دلنى لأن خدمة المعنى جامد جدا
كنتى ممكن قولتى طب قولى اعمل ايه وهتبقى بردو ماشية
لكن دلنى معناها مش بس هقولك لا دأنا كمان هكون دليلك للخير
ودا فيه دلالة على ان صاحب المقولة اساسا بيعمل الخير ده مش مجرد حد بيقول اعمل وخلاص

برافو بجد

عدد الرسائل : 371 الرتب : تاريخ التسجيل : 30/09/2008

شكرا ياباشمهندس على التعليق

ربنا يكرمك
دايما كده رافعين من روحى المعنوية

اية الجمال دة كلة بجد عجبتنى أوى انا اول مرة اقرئها وعجبنى اوى الاحساس اللى فيها ومنتظرين المزيد من الابدعات

عدد الرسائل : 53 الرتب : تاريخ التسجيل : 07/09/2008

عذرا على تأخرى عن قرأت الموضوع
بس بجد كلام معبر عن كل حرف فيه
بيوصل الاحساس صح
وولا يهمك يا شيماء أكتبى اللى انتى عايزاه طالما يستحق أنه يظهر للدنيا ويتسمع صح
مش مجرد كلام وبس
ودى أول خطوة ختطيها
كملى المشوار بقى

كده يا جماعة كتير ... كل يوم ابداع كتير ..و جديد . واضح ان الإلهام لأعضاء الجمعية ما شاء الله جامد . أنا أقترح ان كل الخواطر دى تتجمع فى موضوع واحد يكون تحت اسم ابداعات مثلا عشان اللى يحب يطلع عليه يلاقيها فى مكان واحد.

ربنا يعزك يا شيماء و الى الأمام .................

على فكرة يادكتورة

أصلا الابداعات دى كلها
متجمعة فى قسم جاص بيها اسمه ابداع شباب الرحمه

ادخلى حضرتك بقى وعيشى

وقولنا رأيك

موضوع جميل جدااا ورائع جدااا
واذا لم يتغير ما بداخل الانسان ولم يغيره هو بنفسه فلن يتغير ابداا ولن يكون انساناا صالحااا لأن يعيش في هذه الحياه لأننا مخلوقون لعبادة الله ولعمارة الارض

عدد الرسائل : 371 الرتب : تاريخ التسجيل : 30/09/2008

ربنا يكرمك جميعا
وربنا يقدرنا اننا نعمل حاجة ونكون هدف لنصرة الاسلام والمسلمين

اللهم استخدمنا ولا تستبدلنا

وعلى فكرة يادكتورة احنا فعلا عاملين القسم ده مخصوص لابداعات الاعضاء بس

ماشاء الله كله تمام اوي

والناس كلها بقت في العالي

اللهم اجعل خير اعمالنا خواتيمها

اللهم انا نسألك حبك وحب من احبك وحب عمل يقربنا إلى حبك

اللهم اعنا على ذكرك وشكرك وحسن عبادتك

عدد الرسائل : 53 الرتب : تاريخ التسجيل : 07/09/2008

أأأأأأأأأأأأأأأأأأأأأأأأأأأأأأمين قولوا ورايا