جمعية الرحمة الخيرية بالمنوفية


 
الرئيسيةالبوابه الجديدهالتسجيلدخول

شاطر | 
 

 نحب نتعرف ؟؟؟؟؟؟؟؟؟؟؟

اذهب الى الأسفل 
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
salah



ذكر عدد الرسائل : 91
العمر : 38
تاريخ التسجيل : 21/10/2008

22102008
مُساهمةنحب نتعرف ؟؟؟؟؟؟؟؟؟؟؟

قال تعالى: (يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ) الحجرات 13.[/size]
[color:49ad=blue]انطلقا من هدي القران والتوجيه الالهي في الايه الكريمه
وبناءا علي الدعوه الكريمه اللي انا استلمتها من الباشمهندس امجد احب اعرفكم بنفسي لانكم كلكم متعرفونيش ماعدا [size=18]الدكتوره/ اسلام
اللي عرفتني بالمنتدي الجميل ده جزاه الله عني كل خير
بس انا عايز التعارف ميبقاش تقليدي ازي................؟
انا هعرفكم البيانات الاساسيه واللي عايز يعرف حاجه اكتر يسئل وانا هجوبه في نفس الموضوع
وانا بقترح اننا نعمل منتدي نسميه (متيجي نتعرف ) او (تحت المجهر ) يدخل كل يوم او كل اسبوع عضو يعرفنا بنفسه ويرد علي كل اسئلتنا اللي بالتاكيد هدور حوالين شخصيته وانا هبداء بنفسي
الاسم/ صلاح معوض
السن / 28سنه
الديانه / الحمد لله علي نعمه الاسلام وكفي بها نعمه
الجنسيه/ مصري منوفي زي معظمكم
الوظيفه/ طبيب اسنان وزميل الكتوره اسلام في العمل
عرفت المنتدي منبن ؟/ من الكتورة اسلام
ودالوقتي انا مستعد للي عايز يسئلني وانا هرد في نفس الصفحه ان شاء الله
الرجوع الى أعلى الصفحة اذهب الى الأسفل
مُشاطرة هذه المقالة على: diggdeliciousredditstumbleuponslashdotyahoogooglelive

نحب نتعرف ؟؟؟؟؟؟؟؟؟؟؟ :: تعاليق

avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 5:23 pm من طرف 7ob El-7iah
منور ياباشا

بس انا دماغي اتلخبطت خالص

بصراحة معنتش فاهم اي حاجة

لو حد هنا فهمني ياريت لو يوضح
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 5:58 pm من طرف salah
سلامه دماغك
عايز تفهم ايه واحنا نفهمهولك ان شاء الله
avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 6:09 pm من طرف shimaa
عادى ياباشمهندس
احنا ماشيين زى ما احنا
الحلقة النهاردة مع دكتور صلاح الساعة 10 ان شاء الله
ومش مع حد تانى
ولا ايه يادكتور حضرتك هاتكون فاضى ان شاء الله
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 6:57 pm من طرف salah
ان شاء الله في ميعادنا زي ما حنا
avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 9:48 pm من طرف rehan
حوار رائع

واجابات ممتازة ما شاء الله

منورة الشاشة كلها ياشيماء

بس ياترى هيكون فية مدخلات من المشاهدين
والا الاتصال هيكون صعب؟؟؟؟؟؟؟؟؟؟
avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 9:50 pm من طرف shimaa
ربنا يكرمك ياريهان

هو بس علشان مايبقاش فيه لخبطه ياريت تبعتولى الاسئلة على عنوان البرنامج انتو عارفينو

وانا ان شاء الله هاوجهها للدكتور



ها حضرتك جاهز يادكتور
هانطلع على الهواء دلوقتى ان شاء الله
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 9:58 pm من طرف salah
انا جاهز ياشيماء ان شاء الله
ومعلش النهارده الجمعه ف زي مانتم عرفين النت بيبقي بطيء شويه
نبداء علي اسم الله
avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 10:04 pm من طرف shimaa
ماشلى
اهلا بحضرتك معانا مرة تانية


ياترى ايه هى الصفة اللى بتحبها فى دكتور صلاح؟
وايه هى الصفة اللى بتكرهها وحابب تغيرها فى نفسك؟
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 10:09 pm من طرف salah
انا اسف ياشيماء لوسمحتي تكبري الخط شويه
الصفه اللي بحبها في الدكتور صلاح هي التسامح
اما الصفه اللي مبحبهاش فيه واحب يغيرها هي مش صفه واحده بس انا هكتفي بذكر واحده بس علشان ربنل يسترها علي وعليكم هي السلبيه
avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 10:12 pm من طرف shimaa
اااه بس السلبية دى انا شايفة انها حاجة ممكن تتغير يعنى الانسان الايجابى ماتولدش كده اكتسبها واحده واحده

يعنى بتيجى بالتدريج
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 10:14 pm من طرف salah
بالتاكيد وانا بحاول وادعولي ان ربنا يقدرني
avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 10:16 pm من طرف shimaa
ربنا يقدر حضرتك ان شاء الله


ياترى مين هو دكتور صلاح؟ ورايح على فين؟

ارجو التركيز فى الاجابة
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 10:21 pm من طرف salah
لما انا الاول اعرف هبقي اقولكم
ام رايح علي فين فيه وبالنسبه ليه ممكنتحددو اكتر اصل فيه اتجهات كتيره الانسان بيسعي اليها مع انها المفروض في النهايه هتصب في طريق واحد
avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 10:24 pm من طرف shimaa
ايه يادكتور الاجابات مش واضحة النهاردة ليه؟
فيها شوية غموض كده

ياريت حضرتك توضح اكتر
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 10:32 pm من طرف salah
مفيش مشكله خالص بالنسبه انا مين
انا قصدي ان احيانا الانسان ميباقش عارف نفسه كويس وان التجربه هي اللي بتعرفه وبتعرف تالناس اللي حواليه بيه مثالا يعني احيانا الانسان والناس اللي حواليه يظنو بيه خير بس المواقف ممطن تبين عكس ذالك والعكس صحيح
فعلشان تعرفوني لازم تتعمل معايا مش الدين المعامله صح ولا غلط
اما رايح علي فين فده شيء بايد الله واحده لايعلمه الا الله اما انا عيز ايه زي مقولتلكم امبار ح عايز ابقي معافي في بدني عندي قوت يومي امن في سربي يبقي كده ملكت الدنيا
avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 10:36 pm من طرف shimaa
اه طبعا الدين المعاملة
وده هايدخلنى لسؤال تانى

هل بتاخد انطباع عن الشخص لما تشوفه لاول مرة ولا بتأجل الانطباع ده لما تعرفه كويس وتعاشره
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 10:45 pm من طرف salah
والله الموضوع ده فيه كلام كتير احيانا باخد انطباع في اول مقابله عن شخص ويطلع صح واحيانا بيطلع غلط
بس المهم المعامله هي الاهم هي اللي تبين الانسان ده كويس ولا لا
ومننساش ان القلوب دي جند من جنود الله من متعارف منها ااتلف ومن تنافر منها اختلف
avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 10:54 pm من طرف shimaa
طيب مثلا لو حضرتك اخدت انطباع مش كويس عن الشخص فى الاول

بعد كده وبعد معاشرته سهل انك تغير الانطباع ده ولا لأ
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 11:03 pm من طرف salah
هقولك موقف عملي وانا في اعدادي اسنان او اول سنه في الكليه في اول اسبوع بيبداء الطالب بيتعرف علي زميله من بلاد تانيه واوساط تانيه انا تعرفت علي زميل ليه من بلدجنبنا وكانت بحبه جدا وارتحت ليه من اول لقاء وعرفني علي زميل لينا تاني من نفس بلده وخاصه اننا كنا بنركب الاتوبيس سو فاول ماشوفته قلب انقبض منه ومحبتهوش وسبحان الله تمر سنين الكليه والاول اللي كانت برتحله بقي بينا مصنع الحداد ومقدرش انكر اني كانت غلطان في حقه في بعض المواقف وهو كذالك ويصبح مابينا ميسمي السلام البارد
والشخص التاني نرتاح لبعض ونبقي اصحاب جدا وده مجاش طبعا اللي بالماعمله
avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 11:07 pm من طرف shimaa
فعلا المواقف دى بتحصل كتير معانا كلنا

يعنى ياترى حضرتك انسان اجتماعى يعنى بتتعامل مع الناس ببساطه وتتفاعل مع اى حد ولا بتحب الانطواء والجلوس مع نفسك؟
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 11:13 pm من طرف salah
هتصدقي لوقولتلك الاتنين وده مش تناقض فيه لاني بحب اتعامل مع الناس ببساطه وبتفاعل مع الناس مع الناس اللي انا عرفهم واللي معرفهمش وفي نفس الوقت الهدواء والسكينه بس مش الهدواء القاتل يعني انا مش ابو الهول مثلا ولا ارجوز في نفس الوقت
avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 11:16 pm من طرف shimaa
العفو يادكتور


بس هو ده المطلوب يبقى فيه وسطية فى التعامل

طيب
بمناسبة السلبيه
........

ياترى سلبيتك دى لحد فين ؟؟؟


يعنى فى كل أمور حياتك والا فى مواقف معينه بتظهر السلبية دى؟؟؟؟؟؟؟
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 11:21 pm من طرف salah
بالتاكيد مش في كل امور حياتي
فيه مواقف مينفعش فيها السلبيه
ومواقف تانيه بتظهر وعلشان كده انا مضايق من نفسي في الجزئيه دي
avatar
رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 11:25 pm من طرف shimaa
طيب حضرتك اشرب العصير ده
وان شاء الله مش هاتكون مضايق خالص

رد: نحب نتعرف ؟؟؟؟؟؟؟؟؟؟؟
مُساهمة في الجمعة أكتوبر 24, 2008 11:28 pm من طرف salah
شكرا جدا علي العصير الجميل ده انت ده قولتيلي العصير ده يبقي ايه ؟؟؟؟؟؟؟؟؟؟؟؟؟؟
 

نحب نتعرف ؟؟؟؟؟؟؟؟؟؟؟

الرجوع الى أعلى الصفحة 

صفحة 4 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
جمعية الرحمة الخيرية بالمنوفية :: المنتدى االعام :: منوعات-
انتقل الى: