ناقش اللى بعدك بسؤال

ياااااااااااااااااااااااااااااااه والله ياريهان وانا بكتب السؤال ده
نفس الاجابة كانت فى دماغى
فعلا جمعية الرحمة دى احلى حاجة حصلت لى فى حياتى
وربنا يكرمك بقى ياجميل بالاعلان اللى كنتى علقتيه فى الكلية وانا شوفته
يالا ياعم كله فى ميزان حسناتك ان شاء الله
بس بجد والله فضل كبير من ربنا انه دلنا على الطريق ده
وفعلا الواحد استفاد كتير اوى واتعرف على ناس بجد ونعم الصحبة ربنا يتقبل منا جميعا
ويقدرنا على مساعدة الناس
اللهم اهدنا واهدى بنا واجعلنا سببا لمن اهتدى

بس فين سؤالك ياجميل؟؟؟؟؟؟؟؟؟؟؟؟

خلاص هاسأل انا

ايه اكتر حاجة بتتضايق منها فى تعاملاتك مع الناس؟؟؟؟؟؟؟؟؟

السلام عليكم


الحمد لله رب العالمين انا ويمكن كتير بيحسدونى على كدة لانى الحمد لله بجد تقريبا راضى عن نفسى اكيد مش تماما بس واصل لدرجة من الرضا الى حد ما مديانى ثقة فنفسى الحمد لله وفتصرفاتى وحتى اهدافى لما بركز بجد على هدف نادرا ما بخطأه
الحمد لله بجد انا والله رزقى واسع قوى ان ربنا يهبنى الدرجة دى من القناعة
اللهم لك الحمد ارزقنا ياارب بحسن الخاتمة امين

اسأل بقى
طاااايب


لو انت او انتى مسافرة وهتختارى تاخدى معاكى حاجة واحدة بس يترى هتكون ايه ؟؟؟؟؟؟؟؟




انا متوقع الأجابة بس مستنى الرد

اكيد الموبايل

وطبعا بالنسبة لحضرتك اكيد هايكون بكاميرا ولا ايه؟؟؟؟؟؟؟؟؟؟؟؟


سؤالى
ايه اكتر حاجة بتنرفزك؟؟؟؟؟؟؟؟؟؟؟

ازيك الأول

مش دى الأجابة الى كنت منتظرها منك بجد

سؤالك صعب جدا لأن فى حاجات كتير بتنرفزنى خصوصا انى عصبى قوى
بس ممكن تكون اسرع حاجة ممكن تنرفزنى لما حد يخلف معايا ميعاد بس بقى عشان انا اتنرفزت من كتر التفكير



اسأل بقى

طاااايب




مين اقرب لحد لقلبك غير بابا وماما واخواتك؟؟؟

سؤال صعب اوى يااااااااااااااااااااه












بجد مش هاقدر اقول حد واحد لان فى ناس كتير
ماريحتكش صح؟




سؤالى بقى


ليه الواحد لما بيبقى زعلان من حد وهو غالى عليه ليه مش بيروح يقوله ويعاتبوا بعض علشان المشكلة تتحل؟

مع انك مجوبتيش وده يخالف شروطنا ولكن يستى هدعيهالك مننا وعلينا بقى نعمل ايه


هو ممكن يكون عشان بيحبه قوى فبيخاف يلاقى منه رد الفعل الغير مناسب وبالتالى المشكلة تكبر شوية وتتصعب اكتر
انتى عارفى الشيطان بقى وحركاته دى
او ممكن تكون زى مبنقول كدة بتصعب علية نفسة من كتر حبه ليه زى الواحد فينا لما بيزعل مع بابا او ماما يبقى هيموت ويكلمهم ومع ذلك مستنيهم لما يجولوا ويعاند ويعمل مش عايز وكدة

والله أعلم


اسأل انا بقى


طااااااايب



ليه مردتيش على السؤال الى فات ولو سمحتى جاوبى بصراحة يلا بسرعة


ها

والله بجد مفيش حد معين اقدر اقوله فى الوقت الحالى ربما مستقبلا ربنا يسهل

سؤالى بقى


هل بتاخد انطباع عن الشخص اللى اتعرفت عليه من فترة قريبة ولا بتستنى لغاية ماتتعرف عليه اكتر وتقرب منه؟

ماشى ماشى

هعمل نفسى مسمعتش

انا تقريبا برتب كل علاقتى بالشخص الى ادامى نتيجة للإنطباع الأولى الى باخدة منه


مع انا نفسى لو هتعامل بالأنطباع الأولى ده يبقى هروح فداهية

استنى اما اقولك انا كتبت حاجات فإبداع شباب الرحمة ابقى شوفيها وقوليلى رأيك


اسأل بقى


طااااايب


ايه رأيك فللى انا كتبتة فإبداع الشباب

مستنى الرد

انا كتبت الرد هناك روح شوفه بقى

سؤالى

ياترى ايه اللى بيتحكم فى اختياراتنا القلب ولا العقل؟؟؟؟؟؟؟؟؟؟؟؟؟؟

إزيكم ياجماعه اسف إنى بعدت عن المنتدى الفترة اللى فاتت بس الموضوعات جميله انا هحاول أجاوب على بعض الأسئله الدعاء اللى بحس بيه أوى وخصوصا لما أحس إنى لواحدى فى الدنيا هو ربى قد أتيتنى من الملك وعلمتنى من تأويل الأحاديث فاطر السموات والأرض أنت ولى فى الدنيا والأخرة توفنى مسلما وألحقنى بالصالحين

أما قدوتى ياجماعه أو اللى أنا بعتبره الأب الروحى لى هو الأستاذ عمرو خالد وأخى الغالى هو مصطفى حسنى وطبعا معز مسعود

شكرا عالرد طبعا ولو انى حاسس ان الكلام معجبكيش للدرجة يعنى بس يلا بقى مش مهم


انا عن نفسى والله يشيماء قلبى ده مودينى فداهية لأنه شبه مسيطر عليا فمناطق معينة


لكن بيتهيألى ان الأختيار بالعقل بيكون معقد شوية وحساباته كتير قوى لدرجة تخوف
لكن الأختيار بالقلب ده عارفة الأطفال كدة فبراءتها القلب ده اصلة ماشلا بحديث النبى اعقلها وتوكل مسلم امرة خالص وبيتهيألى احنا محتاجين الأتنين لو حكمنا العقل بس هنبقى زى الألة بتشتغل اه لكن من غير احساس
ولو حكمنا القلب فكل حاجة فالقلب ده من كتر طيبته سعات بتعدى علية حاجات مهمة ممكن تورط صاحبة بعد كدة فهو الأحسن ان الواحد يحاول يتعلم من حساباته والى يحسبة بقلبة ويطلع فى غلط المرة الجاية يوديه لعقلة والعكس بالعكس لأن الحياة تجارب واحنا بنتعلم منها


والله أعلم

أسال انا بقى


طااااااااايب


مين الشخص او الشخصة الوحيدة الى ممكن تجرحك قوى ومع ذلك تسمحيها مهما كان الجرح ده

ماعجبنيش ليه بس والله انا فرحت بيهم اوى القصيدتين دول حتى فى سطر كده مش واضح فى واحده فيهم وقلت لك عليه فى الرد

وسؤالى
ليه بقى مش مهم ياريت حضرتك تقول اللى عايزه


النهاردة الاختبار صعب اوى شكلى كده هاشيل الماده دى مع انى عمرى ماعملتها

الواحد بيعقد يفكر كتير فى الاجابة
بس












هو اخويا احمد مع انه اصغر منى بس بيبقى ساعات عليه حاجات بتخلينى مش طايقاه
بس بعد كده بيجى يصالحنى وخلاص خلص الموضوع
بس الحمد لله يعن ماتعرضتش لموقف جرحنى اوى

الصديقه الأنتيم لى منذ الطفوله وهى إيمان لان مهما عملت مهاى مش هيجى نقطه من حبى ليها وحبها لى وعلى فكرة ياجماعه فى مقوله أن بعتقد إنها صحيحه إلى درجه كبيرة وهى ( ما فيش حد يستاهل دموعك واللى يستحق دموعك مش هيخليك تبكيها) سؤالى


من أنت ورايح فين ؟ السؤال مش سطحى فكر فى معنى السؤال وبعدين جاوب لانه ممكن يغير مجرى حياتك

ليس من المهم أن تتقدم المهم أن تكون فى الطريق الصح

الله يامها
هو فعلا سؤال جامد اوى
انا انسانة بسيطة كل امنيتى ان ربنا يرضى عنى ويحبنى ويوفقنى لما يحبه ويرضاه
انا انسانة محتاجة ان ربنا يعنى ان اقدر اقدم حاجة للمسلمين واحاول ادخل السرور عليهم

اما رايحة فين انا حاسة الحمد لله ان ربنا هايهدينى لطريق خير عايزنى اعمل فيه حاجة
وربنا يارب يكرمنا جميعا


سؤالى

تعمل ايه لو انهارت قدوتك ومثلك الاعلى قدام عنييك؟

ازيك الاول وحشتينى والله

هو بصراحة مش طويل اوى
بس الواحد بيحاول على قد مايقدر وبالذات لو كان الحاجة دى ضرورية بالنسبة له
او بالنسبة لناس تانية والحاجة دى هتسعدهم فى الوقت ده لازم الواحد يصبر شوية ويكون نفسه طويل


عايزة اعرف عيب من عيوبى واضح مثلا فيا فى تصرفاتى كده يعنى
ومحدش يخاف مش هازعل والله
علشان بس احاول اصلحة
ولو فى كذا عيب انا موافقة

السلام عليكم
السطر التالت بيقول ان المرايا بتاعتنا مش شايفين فيها نفسنا وبس لا داحنا شيفين الفقراء واليتامى فيها وصلت؟

استنى ابقى اما ارد ع السؤال الأخير

عارفة يشيماء احيانا بيكون عيب الأنسان الوحيد انه مش ظاهر منه اى عيب
وبعدين على النطاق المحدود لمعاملتنا مع بعض مش اى حد فينا ممكن تظهر عيوبة
لأن فى عيوب كتير بتحتاج وقت لظهورها
وفى بتكون محتاجة يكون فى عشرة جامدة عشان تكتشف

اما لو لازم بقى اطلع فيكى عيب فهو كان راى اتقالى من احد الزملا ومش رأيى انا بس هقولهولك يمكن يكون صح ولو انى معتقدش بس هقوله

وهو ان ثقافتك مش كويسة قوى بالنسبة للأمور الدنيوية
بس



اسأل انا بقى

طااااايب

ايه هيا الحاجة او الحد الى تملى حاسه انه لازم جيلة وقت ويضيع مهما طالت عشرة او العلاقة بينكوا ومش عارفة ايه السبب للإحساس ده

هو اولا شكرا على الرد على سؤالى
بس يعن قصدك بتكلم ساعات من غير علم او بفتى مثلا ولا ايه؟

اما الاجابة بقى
الحاجة اللى حاسة انها ممكن تضيع منى بعد كده هو ارتباطى بصحابى
مع انى احب دايما انى اكون معاهم
زى مثلا اصحابى اللى اتجوزوا اكيد قلت مكالماتنا مع بعض وقلت زيارتنا لبعض
دى حاجة انا مش حابها ونفسى ان كل الناس تحافظ على علاقاتهم بصحابهم واهلهم مهما كانت الظروف

حضرتك نسيتى السؤال

يلا يلا جل من لا يسهو

لا مش كدة يبنتى مش بتفتى ولا حاجة يريتك بتفتى

الفكرة المقصدودة وطبعا دى مش وجهة نظرى انا والله
بس هو انك مش بتبقى قوية فالكلام غير فالدين
ولكن بالنسبة للأمور العادية بتاعتنا والمشاكل بتاعت حياتنا ممكن تكونى مش على نفس الدرجة فهمتى الفكرة

وللمرة الأخيرة دا مش رايى انا

اسأل انا بقى


فين سؤال حضرتك؟

هو انا سألت فعلا لما قلت قصدك ايه
والله عادى لو حتى دى وجهة نظرك
مش هازعل
بس والله انا هدفى مثلا من الكلام فى الدين ان احنا بس نشجع بعض وناخد بايد بعض
ونقرب من ربنا ونكون صحبة صالحة
علشان ان شاء الله ربنا يظلنا بظله يوم لا ظل الا ظله
وكمان يعنى انا مش فقيه ولا حاجة هلى الفكرة بس ان الرسول عليه الصلاة والسلام قال
بلغوا عنى ولو آيه
الواحد بيحاول على قد مايقدر يكسب ثواب
والدال على الخير كفاعله



ولو عايز سؤال تانى ماشى

ايه هى المواصفات اللى بتتمناها فى زوجة المستقبل ان شاء الله وللبنات زوجك ان شاء الله؟؟؟؟؟؟؟؟؟؟

اكتر سؤال بحتار فيه قوى وانا برد

طبعا الرسول ص قال اظفر بذات

اكيد لازم اوكى تكون على درجة من التدين وانا مش هطلب حاجة مش موجودة فيا يعنى تكون فى قرب فالخلق بينا يعنى مثلا مش هبقى مش حافظ غير شوية سور قصيرة واقول لازم تكون حافظة القرأن كله دا مينفعش

اما المواصفات التانية بقى فإن شاء الله لازم تكون جميلة
مثقفة جدا يعنى انا بالنسبالى دماغ البنت لو حلوة تبقى بنت ملهاش حل

ولازم تكون بتحب الهظار ودمها خفيف عشان متتخنقش منى ولا اتخنق منه
المشكلة انك صعب توفقى بين دول كلهم مع بعض لو حلوة قوى تلاقيها اليطة حبيتين ولو مثقفة قوى تلاقيها معقدة شويتين ولو دمها خفيف قوى تلاقيها عبيطة جدا

طبعا خير الأمور الوسط بس الأول نكون عارفين ايه هو الوسط ده ونكون مقتنعين بيه

معلش عشان السؤال صعب انا رغيت كتير قوى انا اسف

اسأل انا بقى

طاااااايب

لو ينفع نفس سؤالك يكون مية مية لكن لو مينفعش يبقى ايه الحاجة الى انتى شيفاها ناقصة فيكى وكنتى تتمنى تبقى موجودة ولو على حساب حاجة تانية

يعنى سؤالين فى بعض ماشى
السؤال الاول
اهم حاجة يكون انسان يتقى الله فيا وفى بيته لانه لو كان كده فعلا هاتبقى كل حاجه تمام

يكون رجل بمعنى الكلمة يعن مش محتاجة تفسير يعن يتحمل المسؤليه يحافظ عليا
يعنى بمعنى اصح اكون حاسة بالامان معاه

ايه تااااااااااااانى؟؟؟؟؟؟
طبعا يكون فى قبول بينا يعنى اكون مستريحه لشكله ومظهره

وطبعا اهم حاجة يكون بيحافظ على فروض ربنا

يعنى مش فى دماغى حاجة تانية

السؤال التانى مش عارفة اجاوبه ممكن تغير السؤال



سؤالى ايه اكتر موقف مر عليك بكيت فيه بجد بجد؟؟؟؟؟؟؟؟؟


وياريت ياباشمهندس تزود على الاسطوانه صور شنطة رمضان لو كنت فاكر يعنى
وان شاء الله عايزين تقرير بقى فى المنتدى عن اليوم بكره علشان مش هاقدر اجى ماشى