ناقش اللى بعدك بسؤال

ازيك ياشوشو
أنت كمان وحشتينى أوى

أما بالنسبة للاجابة

أنا دموعى قريبة جدا وكل المواقف اللى ببكى فيها بكون ببكى بجد

أما أكتر حاجة لما بكون لوحدى وبالذات بالليل لما بكون مش مظبتة ايمانيا
ساعتها بحس ان الدنيا كلها ملخبطة معايا وباخد كل حاجة على أعصابى وساعتها أبكى عشان نفسى أرجع
نفسى أقرب
وكمان لما اكون واقفة بين أيد ربنا فى لحظة اخلاص تبكى ومتعرفش الدموع دى جيت منين بتعيش لحظة وقتها تساوى الدنيا وما فيها

ودى اللى أقدر أقوله بس الباقى مش هينفع

والسؤال

ياترى أنت جاهز للقاء الله ؟؟؟ يعنى حجتك جاهزة

يااااااااااااااااااااااااااااه
سؤال صعب اوى ياريهان

اكيد الواحد مقصر فى حاجات كتير
بس والله حسن الظن بالله احسن حاجة
يعنى الواحد بيعمل ويحاول يقرب من ربنا على قد مايقدر بس برضه بيحس انه دايما مقصر
وياترى ربنا تقبل منه ولا لا
يعنى لازم دايما نبقى بين جناحى الخوف والرجاء
مايبقاش عندنا حسن ظن بالله وبالتالى نتواكل ومانشتغلش
ولا نخاف اوى

اهم حاجة الواحد بيدعى بيها ان ربنا يرزقنا حسن الخاتمة
اللهم توفنا وانت راض عنا

سؤالى

ايه اكتر موقف مر بيك وحسيت انك قريب اوى من ربنا وبتتكلم معاه كانك تراه؟؟؟؟؟؟؟؟؟

رجاء تغييير السؤال

لية يابشمهندس طالب تغير السؤال؟؟؟

ياترى مفيش اجابة....

اخاف ارد احس انى ببالغ لدرجة تحسسنى انى بقول كلام المفروض ميتقلش

حضرتك ممكن ترد بحاجة بسيطة مش لازم تذكر كل شىء

ولو أن حاسة ان ربنا على طول كرمنا ومعانا
يعنى مهما قلنا أكيد مش هنكون بنبالغ

لأن فضله كبييييييييييييير اوى علينا

خلاص بلاش خناق نغير السؤال
امتى آخر مرة قبلت ايد امك فيها؟؟؟؟؟؟؟؟

ولو ماعملتهاش قبل كده
ليييييييييييييييييييييييييه ماعملتهاش؟؟؟؟؟؟؟؟

معلش سؤال تانى
انا admin
بقى من حقى يعنى
السؤال بتاع حضرتك ياباشمهندس على الحاجة الوحيدة اللى ممكن نأخدها فى السفر ياريت تجاوبنا عليها
ولو طلع اللى فى دماغى هازعل من نفسى اوى

أخر مرة كانت تقريبا يوم خمسة رمضان

بعد ما انتهينا من صلاة الترويح قبلت اديها

لكن كانت والدتى مكسوفه وكمان هى قبلتى وقتها

بس الحكاية دى صعبه علية يعنى مبعملهاش بسهوله

مع ان نفسى جدا أتعلمها لكن بتكسف وكمان والدتى

الفكرة ان احنا متربناش على كده يعنى لما تقرر تبوس أيد أمك مثلا تلاقى نفسك بتتراجع وممكن تكتفى بكلمة حلوة
أو انك تبتسم فى وجهها وتقبلها على رأسها

لكن الفكرة فى انحنائى على أيد أمى احتراما وتقديرا لها

بجد نفسى أداوم عليها على طول يارب وفقنا

السؤال....

ياترى أنت حاسس أنك بار بأمك وأهلك وبتصل رحمك .. والا حاسس انك مقصر فى حقهم ومش راضى عن نفسك؟؟؟؟؟؟؟؟

والله الحمد لله ياريهان انا حاسة انى راضية عن نفسى فى الحتة دى
وان انا بحاول بقدر الامكان اكون بارة بأمى ووال
دى لانى ببساطة عارفة قد ايه الموضوع ده مهم وكبير قوى عند ربنا
والواحد بيحاول دايما ان امى تبقى راضية عنى
لو ساعات زعلت منى ياااااااااااااه بحس باحساس وحش اوى ومش باقعد الا لما تبقى راضية عنى

والله بر الوالدين ده نعمة كبيرة من عند ربنا
وفى حديث فيما معناه:خاب وخسر من أدرك والديه ولم يغفر له
يعنى مش فاكره نص الحديث اوى بس نتخيل المعنى كده يعنى رضا امى من رضا ربى حاجة كبيرة اوى

اما بالنسبة لصلة الرحم برده الحمد لله محافظة عليها
لاننا الحمد لله عيلة مترابطة اوى ببعضها
ويكفى حديث الرسول عليه الصلاة والسلام
ليس الواصل بالمكافئ ولكن الواصل الذى اذا قطعت رحمه وصلها
صدق رسول الله

معلش طولت شوية

سؤالى
ايه احساسكم بكمية الشغل اللى جاية فى الجمعية دى؟مستعدين ولالالالالالالالالالالالا؟

ربنا يحفظك ياشوشو ويزيدك من فضله

فعلا صله الرحم دى مهمه أوى مع ان كتييييييييير مننا بيغفل عنها وسط مشاغل الدنيا ويقول يعنى هروح أعملهم اية والا هم هيعملولى اية ياعم كبر دماغك أو يقول ماش ربنا يسهل

مع ان الرسول بيقول" لا يدخل الجنه قاطع رحم"

والله عز وجل يقول للرحم " أما يكفيك أن أصل من وصلك وأقطع من قطعك"

فاللهم اجعلنا من الأبناء البررة بوالديها واجعلنا ممن يصلون أرحامهم معلش دى كان بس تعليق

أما الاجابة:

أنا سعيدة جدا بالشغل ده

وكل مبيكون فية حاجات كتيييييير والواحد يحس أنه مشغول بحس ان ده فضل من ربنا علينا

انه خلى لينا حاجة تشغلنا ومش فاضين

نفس ننجز كل حاجة وأشارك معاكم فى كل حاجة

بس اللى أنا خايفة منه ان الناس تتصدم لما تشوف البرنامج
فعلا تقيل ربنا يستر

أنا مش عارفة رد فعلهم هيكون ايه؟؟؟

السؤال؟؟؟

هل أنت محدد هدفك وعارف ازاى توصله ؟؟؟ والا مقضيها وخلاص

هو بصراحة قبل كده يعن من سنتين تلاتة تقريبا كنت عايشة كده عادى زى كل الناس
بس بعد كده الحمد لله ربنا أكرمنى وعلمنى ودلنى على الطريق
وبفضل الله بدأت احدد هدفى

وعلى فكرة فرق كبير اوى بين اللى محدد هدفه واللى زى ماقلتى اللى مقضيها كده وخلاص
ربنا يكرمنا جميعا ويرزقنا الاخلاص فى القول والعمل

اللهم اهدنا واهدى بنا واجعلنا سببا لمن اهتدى

ياااااااااااااه نسيت السؤال

نقطة تحول فى حياتك غيرت مجرى حياتك تماما؟؟؟؟

السلام عليكم

بالنسبة للحاجة يشيماء

فانا بقولك ازعلى بقى من نفسك
شوفتى بقى ؟؟؟؟؟؟؟

انا نقطة التحول فحياتى هيا يوم معرفت انى داخل هندسة خلاص حسيت انى بقيت قريب قوى من الصورة الى رسمها لنفسى

معلش انا هرجع بظهرى وارد على سؤال سابق بتاع الأهداف
انا الحمد لله تقريبا ماشى فطريق احلامى بالطريقة الى حاسس انها هتوصلنى وفنفس الوقت لو موصلتش عارف ازاى بردو أأقلم نفسى ع الوضع الى انا موجود فيه حاليا ولله الحمد

أسأل انا بقى

طاااااااايب

خايفة من ايه؟؟؟؟؟؟؟؟؟؟؟

ماشى ازعل يعنى خلاص عرفت

خايفة من نفسى
مش عارفة هاتودينى لغاية فين
لانى ساعات بحس انى بعدت عن الطريق اللى ماشية فيه شوية
وبلوم نفسى كتير عن حاجات
وبقول ازاى انا عملت كده

ربنا يستر بقى

سؤالى

ذكرى ماينفعش تتنسى؟؟؟؟؟؟؟؟؟؟؟

برافو

اول بنت عرفتها
سيبقى معايا ذكرى مستحيل هنساها بجد

أسأل انا بقى

طااااااايب

نفسك فإيه فاللحظة دى ؟؟؟؟

نفسى انا شوية قبل السحور ومش عارفة

سؤالى

هل بتتأثر باصحابك يعنى مؤمن او مؤمنة ان الصاحب ساحب

مش اى صاحب

لو شخصيتة قوية

او لو انا ضعيف

وفالحالتين دول بتبقى الفايدة مش كبيرة والضرر كبير

اما بقى لو الأتنين على درجة قريبة من بعض فدول ممكن يأثروا فبعض جامد جدا سواء بالإيجاب او بالسلب

وعلى فكرة دا موضوع مهم قوى يريت نخلية موضوع لوحدة برة

اسأل انا بقى

طاااايب

فطرت او فطرتى ايه النهاردة؟

مكرونة بالباشميل
وكفته
وجوافة وموز
وعملت عصير موز باللبن كمان
النهاردة افتريت شوية

سؤالى

ايه السؤال اللى ماتحبش حد يسأله لك؟او بتتضايق لما تسمع السؤال ده؟؟؟؟؟؟؟؟؟؟

هتيلى بكرة اى حاجة من أكل الفرح الى كنتو عملينه ده

والله نفسى راحتلو جدا

مبحبش حد يسألنى ويقولى انت عامل كدة ليه ؟

صيغة السؤال دى بتديقنى جدا

اسأل انا بقى

طااااايب

ايه الحاجة الى ضاعت منك وندمتى ساعتها عليها لكن دلوقتى بتقولى الحمد لله انها ضاعت ورب ضارة نافعة؟

وانا داخلة اولى ثانوى كان فى مدرستين فى شبين للبنات
الثانوية القديمة وهى معروفه طبعا
والجديدة اللى هى كانت المعلمات زمان
طبعا كل اصحابى راحوا المدرسة الثانوية القديمة وانا رحت التانية
ندمت ساعتها وزعلت اوى
بس الحمد لله المدرسة دى كانت فتحة خير عليا فى حاجات كتير قوى

الحق نفسى
هل بنحاسب نفسنا كل يوم قبل النوم؟؟؟؟؟؟؟؟؟

نفس السؤال كان فى دماغى

يلا توارد افكار

الحمد لله بعملها كتير بس مش شرط تكون قبل النوم

يعنى نقدر نقول ان نفسى لوامه

وبحس ان ده كرم كبييييييير أوى من ربنا ان يخلينى أفكر فى تصرفاتى

كنت ممكن أكون غافل ومش حاسس بأى حاجة أو ممكن نكون من النفس الأمارة بالسوء لكن الحمد لله

وكان فضل الله عليك عظيما

اللهم لك الحمد على انك أنت ربنا

السؤال....

ياترى أنت فين من سنة الرسول صلى الله عليه وسلم ؟؟؟ وحبك ليه؟؟؟؟؟

اتمنى الواحد يكون بيطبق ولو جزء بسيط من سنة النبى عليه الصلاة والسلام

واكيد كلنا بنحاول على قد مانقدر نعمل حاجة ونأخد فيها نية احياء سنة النبى عليه الصلاة والسلام

يارب حبنا يارب
وارزقنا حبه عليه الصلاة والسلام

سؤالى

حد قدامك طالب مساعدة وللاسف مش بأديكى تساعديه ياترى بيبقى احساسك ايه ساعتها؟؟؟؟؟؟؟؟؟؟؟

أنا أسعد حاجة عندى
ان ربنا يجعلنى سبب فى مساعدة الناس وقضاء حوائجهم

متتخيلوش سعاتى بتكون أد ايه....أصل مش بالساهل ان ربنا يستخدمك

زى ما كان الحسن البصرى بيقول.... لأن أسير فى قضاء حوائج الناس أحب الى من أن اصلى ألف ركعة

وأكيد لما بقدرش أعمل الحاجة دى بكون فى أشد الحزن بس والله أنا بحاول فيها مرة واتنين وعشرة

فعلا ممكن لو حاجة ليه مش بعملها بنفس الدرجة يعنى جت جت مجتش خلاص مش مشكله

اللهم استعملنا ولا تستبدلنا وامكر لنا ولا تمكر بنا

السؤال.....

ياترى لو أنت مسئول فى منصب كبيييييييير ... ايه اللى ممكن تعمله ساعتها؟؟؟؟
أو اية اللى نفسك تغيره؟؟؟؟؟؟؟