ناقش اللى بعدك بسؤال

[size=18] ....
الحياء يورث الفقر ....
هى جملة غريبة شوية .. بس هل أنت متأكد أنها ليها أصل أو صحيحة ....؟؟؟؟؟؟؟؟؟ لأن فيه حديث بيقول ان "الحياء كله خير .. او يمكن تكون المقاصد مختلفة فى الجملتين ..

عموما يمكن يكون معناها ان اللى عنده حياء , ممكن حياؤه احيانا يمنعه من المطالبة بحقوقه و تتاخد منه ادام عينيه سواء مادية يعنى فلوس او ادبية ذى منصب مثلا او نفسية حتى ذى عدم تبرير مواقف و تحمل اللوم برغم انك تكون مظلوم ... و الله أعلم و متهيألى محتاجين نستعين بصديق عشان نعرف الاجابة الصحيحة ....

الجملة بتقول الحياء يورث الفقر مش بتقول الحياء يسبب الفقر ودا فرق كبير قوى

بس ليه منفكرش بقى ان الجملة معناه توريث الفقر من كل ماهو دنىء وحقير
لأن فعلا التعود على الحياء بييظبط كتير قوى فالبنى ادم وبالتالى بيسبب ليه الفقر من كل الصفات القبيحة الى كانت موجود قبل الحياء

ودا بيأكده حديث النبى الحياء كله خير

الخير ممكن يكون معناه بردو زيادة فالصفات القيمة وقلة فالصفات المذمومة


والله اعلم

هوا بصراحة معنى السؤال مش واصلي اوي لدرجة كبيرة

بس لو هتكلم على نفسي من غير اي نوع من الكبر بس هيا حاجة فيا كده

لما بقابل حد جرئ وبيحب يطنطط على اللي قدامه واكيد انتم عارفين النوعيات دي

بحب اثبتله قدام نفسه انه ولا حاجة في الدنيا دي

وبالتالي بيهدى بقا هوا شوية

طيب با اني شايف ان الأسئلة تكاد تخلو من الفلسفة عموما

خدوا بقا السؤال ده في فلسفة الكلام وبوضح تاني الكلام هه

يعني ركزوا اوي في كل كلمة بتتقال

ودي عبارة انا كنت سمعتها زمان وفسرتها تفسيرين كل واحد بينقض التاني وكلاهما مقنع

العبارة بقا عشان مطولش:-

"عندما بدأت اتلاشى ادركت انني لم اكن موجود"

يلا بقا عاوزين نشوف المستوى الفلسفي واصل لحد فين

بسم الله الر حمن الرحيم

اولا انا مبسوط جداا من ردودكم علي الجعبار ه اللي انما طرحتها اللي بعنوان الحياء يورث الفقر

وبشكر محمد بس هو الجمله مش معناها ان الحياء في النسان بيورث الصفات الدنيئه او الحسنه وهاقولك معناه دلوقتي

وبشكر برضه الانسه ريهان بس هي يمكن مفهمتشي الجمله صح لأن الجمله ملهاش علاقه بحياء البنات

وبشكر حب الحياه علي رده وهاقولك معني الجمله دلوقتي

اما بقي بالنسبه للدكتوره اسلام فهي فعلا وصلت لمعني الجمله بنسبة 90 في الميه

وهو ان حياء النسان يمنعه من المطالبه بحقوقه امام ناس يجحفونه بكلامهم وما بيسبلهوش له فرصة للرد وهذا الرجل بيكون فاشل في حياته الاسريه لأن الناس بابلدي بيستهبلوه وبياخده حقه من وراه وهو برضه ساكت وخجلان من الرد عليهم وده بيورث الي ابنائه ويعيده نفس الموضوع اللي حصل لوالدهم من اخد حقوقه والخجل من الكلام

بس بشكركم بجد علي ردودكم الجميله جداا دي

ياااااااااااااااااه اول مرة اعرف ان أسئلتي صعبة كده

شكلي مش هسأل تاني

ولا ايه النظام بالظبط

[b[color=red]] عندما بدأت اتلاشى ادركت انني لم اكن موجود[/b][/c


سؤالك عايز تفكير ؟؟؟ سيبنا لبكرة الله يخليك ..... و ما تستعجلش فى شرحه ............

وماله يا دكتورة

بس ياريت نفكر كلنا شوية

وعلى فكرة المواضيع دي بتفتح ابوب في المخ ممكن تكون كانت مقفوله من زمان

وغير كده بتوسع مدارك الإنسان

يوم يعض الظالم على يديه ويقول ياليتنى كنت ترابا

بيتهيألى المعنى قريب قوى يعنى لما النهاية خلاص بتيجى البنى ادم من وهنه وضعفة لحظة النهاية بيدرك فعلا انه مكنش موجود

هي ممكن الجمله تكون معناها ان الانسان العاصي لله عزوجل عندما تاتيه سكرات الموت يدرك ان طيلة الحياة التي كان يحياها لم يكن يعيش اصلا وانه كان كالحيوان في هذه الدنيا بل في مكانه اقل منه لأن الحيوان علي الاقل ممكن يفيد الانسان اما هذا الانسان لم يكن له فائده في هذه الدنيا

ما شاء الله لا دا الواحد كده يحسدكم

ردك يا محمد قريب جدا للصواب

ورد امجد وصل الفكرة تمام وممكن بقا اني اضيف تعليق اللي كنت فسرته

ان الواحد لما بيموت كده بتبدأ عملية التلاشي وتبدأ عملية الحساب

إما إلى جنة او الى نار والعياذ بالله

عندما يغمس في النار يسأله الله هل ذقت نعيما قط فيقول لا يارب وهنا بقا انكر انه كان موجود اصلا

وكذلك في الجنه عندما يغمسه الله فيها يقول له هل ذقت عذابا قط فيقول لا يارب وبرده هنا انكر وجوده سابقا

دا كان تفسيري للجمله اول لما سمعتها

وماشاء الله عليكم وعلى ردودكم

حد غيري بقا يدخل ويكتب السؤال التالي

الله عليكي يا أنسه هبه على الحكمه الجميله اوي دي
فعلا المفروض الأنسان مننا لو شاف عاصفه من الهجوم عليه والظروف جايه عليه .
فلابد ان لايقف في أمامها عليه محاولة التنحي والبعد عن العاصفه كما تعمل العيدان الخضراء
تسلم ايدك .
سؤالي...
كيف نستطيع أن نغير الكون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

العواصف الشديدة تحطم الأشجار الضخمة ..
ولكنها لا تؤثر في العيدان الخضراء التي تنحني لها
مين عايز يفسر ؟؟؟

الحكمة دى يتوافق حكمة تانية بتقول ( لا تكن صلبا فتكسر و لا لينا فتعصر ) يعنى الوسطية فى ردود الفعل. بس خلى بالك ... العيدان ليست تتنحى يعنى مش بتبعد عن العواصف, لأ دى بتتحرك معاها لكن مش بتتكسر , يعنى الأفضل نقول (لا تؤثر فى العيدان الخضراء التي تنحني معهاو ليس لها)
.

بمعنى آخر مش معنى الجملة انك تطاطى لحد مع الريح تعدى .... لكن تنحنى معها و ليس لها .. يعنى نواجه ما دمنا على حق .. بس بذكاء يعنى فيه وقت نواجه بطرق مباشرة فيها قوة شديدة و فيه وقت نواجه فيه بهدوء أو من وراء الجدران .. و فيه وقت أهادن .. بس من غير ما أغير موقفى.

هو احنا ممكن نبدأ فعلا بتغير نفسنا للاحسن نحاول نتغلب على مشاكلنا
نحاول نصلح عيوبنا على قد مانقدر
نحاول نتقبل النقد من الاخرين يعنى حاجات كتير ممكن نغير بيها من نفسنا
بعد كده يبقى فى نطاق اسرتنا الصغيرة وبعدين العيلة ونحاول ناخد بايدين اخواتنا واهلنا علشان نطور نفسنا للاحسن والافضل
وهكذا لو كل واحد فينا صلح من نفسه ومن اسرته وعيلته يبقى خلاص الكون كله اتصلح

واحيانا مش بنعرف نصلح او نغير من اقرب الناس لينا بس بنعرف نغير من اصحابنا او ناس بنشوفهم ونتعرف عليهم وبنتأثر ببعض وبالتالى كل واحد يبدأ يشوف ايه اللى ناقصه ممكن يكمله من اصحابه

يعنى انا شايفة ان العملية تكامليه
زى ماقولنا يعنى ايه وطن
يعنى ناس وحب الناس والتعامل معاهم مش ارض وسماء وخضرة
نفس الكلام للكون لو قدرنا نتعايش مع نفسنا ومع الناس صح اكيد هانقدر نغير الكون بإذن الله

و انا بصراحة مش هاقدر اقول اي كلام بعد كلام الدكتوره اسلام وشيماء بس هاضيف حاجه لازم ان يكون عندك اصرار علي التغير ممتزج بالامل في انالتغير ده هايحصل في وقت من الاوقات الله اعلم امتي بس ان شاء الله هايحصل
سؤالي بقي ؟

اعقل الناس من لايدري انه عاقل

اعقل الناس من لايدري انه عاقل

انا اوافق على هذه المقولة بنسبة كبيرة ..
اعتقادك ان خلاص بقيت كويس ده معناه انك لسة فاضلك كتير اوى عشان تبقى كويس ... لأنك هتبطل تبذل جهد فى انك تكون كويس ... عشان كده لازم طول الوقت تفضل حاسس انك لسة ما
وصلتش للى انت عايزه عشان تستمر المسيرة نحو حياة افضل .
عشان كده احيانا بيكون مطلوب انك تشك فى نفسك دايما و فى افعالك عشان تفضل صاحى لأخطائك و ما تفتكرش إن كله تمام...

ياسلام على الكلام

المهزوم اذا انتصر افقد المنتصر لذة الفوز

وده يدل على الذكاء الكامن داخل العقل الباطن للفرد صحيح هوا مقدرش يطلعة في وسط المعركة عشان كده هوا اتهزم بس عرف يفكر

بسرعة اوي ازاي ممكن يحول الهزيمة دي لنصر لنفسه وده بالإبتسامة

وبكده حسس المنتصر انه سواء كسب او لأ فده بيكون هبة منه ليه مش اكتر

...................................................................

الصمت؟؟؟؟؟؟؟؟؟؟؟؟؟؟؟

الصمت هيبة
احيانا كتير بيكون الصمت اولى وافضل من الكلام

بس طبعا ماينفعش نلتزم الصمت فى المواقف المفروض عليك انك تتكلم فيها والا ده كده هايكون هروب
يعنى الصمت له وقته والكلام له وقته

وكمان لو مش هاتتكلم فى حاجة مفيدة ومش هاتفيد الناس يبقى تسكت احسن لان كلامك ساعتها هايكون مالوش لازمة ومضيعة لوقتك ووقت اللى قدامك

قال رسول الله صلى الله عليه وسلم
من كان يؤمن بالله واليوم الآخر فليقل خيرا أو ليصمت