| ناقش اللى بعدك بسؤال | |
|
+9shimaa rasha م احمد 7ob El-7iah نور M7MD rehan farouk Admin 13 مشترك |
|
كاتب الموضوع | رسالة |
---|
rehan
عدد الرسائل : 412 العمر : 36 مزاجك ايه النهرده : الرتب : تاريخ التسجيل : 26/08/2008
| موضوع: رد: ناقش اللى بعدك بسؤال الأحد أكتوبر 12, 2008 10:42 pm | |
| أنا كتير بحس بالخوف
وأكتلر حاجة بتخوفنى اللى جاى يعنى أنا مش عارفة بعد كده هكون فين ولا مع مين؟؟؟
وخايفة أوى خصوصاعلى الجمعية يعنى حاسة ان ربنا مدينى نعمة كبييييييييرة أوى وانه خلانى فى مكان زى كده أتريد أن تعرف مقامك فانظر أين أقامك
يعنى ربنا أدانى مكان كويس وعرفت ناس كويسة جدا جداكل هدفهم رضى ربنا وأنهم يخدموا الاسلام والمسلمين بخاف لأبعد عنهم أو أقل عن المستوى ده
بالله عليكم مش لازم كلنا نخاف وندعى ربنا أوى ان نفضل ديما متجمعين على الخير والطاعة دى فى الوقت ده لاااااااااااااااازم أخاف
طب ياترى لو أنت مشتت بين امرين وكلاهما خير وكويس تعمل ايه؟؟؟؟؟؟؟؟؟؟
| |
|
| |
shimaa
عدد الرسائل : 371 الرتب : تاريخ التسجيل : 30/09/2008
| موضوع: رد: ناقش اللى بعدك بسؤال الأحد أكتوبر 12, 2008 10:59 pm | |
| هاصلى صلاة استخارة واكيد ربنا هايعنى ويدلنى على الخير دى بالنسبة للاستخارة بجانب كده لازم الاستشارة انى انا استشير حد يقدر يفدنى فى الموضوع ده وهاسيب السؤال للى بعدى | |
|
| |
M7MD
عدد الرسائل : 346 العمر : 37 الرتب : تاريخ التسجيل : 15/08/2008
| موضوع: رد: ناقش اللى بعدك بسؤال الإثنين أكتوبر 13, 2008 2:38 am | |
| ايه بقى اكتر حلوة اتقدمت لنا فالمعارض بتاعتنا كلها؟ | |
|
| |
shimaa
عدد الرسائل : 371 الرتب : تاريخ التسجيل : 30/09/2008
| موضوع: رد: ناقش اللى بعدك بسؤال الإثنين أكتوبر 13, 2008 4:10 am | |
| لو قصد حضرتك حلوى يبقى البسكوت اكيد احنا شبعنا بسكوت فى كل المعارض | |
|
| |
هبة رحمة
عدد الرسائل : 53 الرتب : تاريخ التسجيل : 07/09/2008
| موضوع: رد: ناقش اللى بعدك بسؤال الإثنين أكتوبر 13, 2008 9:44 am | |
| بجد أنا لما قرأت كلامكم جريتوا ريقى وبلاش أنا أعمل كدة فى أسئلة كتير نفسى ارد عليها زى الاكلة اللى بحبها ومحدش بيسنغرب لسان العصفور خفيف على المعدة ومغذى جدا وعليه شوية ليمون وتوابل ما اروعة أما بالنسبة للسؤال اللى سألتيه يا ريهان عن الاختيار بين عملين والاتنين فى الخير بجد أنا فى الوضع دة دلوقتى وخايفة قوى من الاحساس دة ومش عارفة اعمل ايه سؤالك فين يا بشمهندس دايما بتنسى كدة ودايما بتسيب المسؤلية عليا سؤالى هو بعد ما قرأت ردى على الموضوع ايه أول حاجة جت على بالك قولللللللللل بسرعة قر وأعترف هاااااااااا | |
|
| |
مشمرة الى الجنة
عدد الرسائل : 131 العمر : 47 مزاجك ايه النهرده : الرتب : تاريخ التسجيل : 07/09/2008
| موضوع: رد: ناقش اللى بعدك بسؤال الإثنين أكتوبر 13, 2008 6:36 pm | |
| لو أنت مشتت بين امرين وكلاهما خير وكويس تعمل ايه؟؟؟؟؟؟؟؟؟؟
صلاة الإستخارة هى الحل ... ثم اذا تساوت الأمور و لم يتضح شىء يميل كفة أحد الأمرين .. اذا استفت قلبك و استشير صديق. | |
|
| |
مشمرة الى الجنة
عدد الرسائل : 131 العمر : 47 مزاجك ايه النهرده : الرتب : تاريخ التسجيل : 07/09/2008
| موضوع: رد: ناقش اللى بعدك بسؤال الإثنين أكتوبر 13, 2008 6:43 pm | |
| هل تشعر بالخوف أحيانا ؟؟ و متى ؟؟؟
أنا الحقيقة دايما خايفة و ده شىء مش كويس خالص ... صحيح سايبينها على الله بس برده بنخاف. باخاف على كل حاجة باعملها ربنا ما يقبلهاش منى .. باخاف من لحظة فراق الصحبة الحلوة خاصة فى عمل الخير.... باخاف و باترعب من الفشل فى أى حاجة .... باخاف من العتاب خاصة من الناس القريبين منى .... باخاف من لحظة إختلاف أو تحدى مع ناس بحبهم ... و أخيرا باخاف و بانهار من قسوة الناس القريبين منى ......
سؤال ....... ما أكثر شىء يبكيك ؟؟؟؟؟؟؟؟؟؟؟؟؟؟؟؟؟؟ | |
|
| |
نور
عدد الرسائل : 73 الرتب : تاريخ التسجيل : 27/08/2008
| موضوع: رد: ناقش اللى بعدك بسؤال الإثنين أكتوبر 13, 2008 8:11 pm | |
| لما بحس أنى بعيدة عن ربنا أوى أوى لما بحب ناس أوى ويجرحونى أوى أوى لما أشوف الناس اللى بحبهم مجروحين أو تعبانين فى حياتهم وأنا مش قدرة أعمل ليهم حاجه سؤالى إزى تقفل دفاتير قديمه علشان تقدر تفتح الجديد ؟ | |
|
| |
shimaa
عدد الرسائل : 371 الرتب : تاريخ التسجيل : 30/09/2008
| موضوع: رد: ناقش اللى بعدك بسؤال الإثنين أكتوبر 13, 2008 9:18 pm | |
| انا للاسف يامها بحاول اقفلها بس برده يعنى مابتتقفلش اوى بيبقى الباب موارب كده ياريت تجاوبى انتى وتقولى لى ازاى مستنيا ردك | |
|
| |
مشمرة الى الجنة
عدد الرسائل : 131 العمر : 47 مزاجك ايه النهرده : الرتب : تاريخ التسجيل : 07/09/2008
| موضوع: رد: ناقش اللى بعدك بسؤال الإثنين أكتوبر 13, 2008 9:25 pm | |
| إزاى تقفل دفاتر قديمه علشان تقدر تفتح الجديد ؟
الحلول كتير و الكلام عليها سهل أوى لكن المشكلة ان تحقيقها بيبقى صعب شوية و عايز قوة إرادة و المشكلة الأكبر لما الدفاتر القديمة تسيب فيك جروح و تعلم فيك أوى ..
لكن الحل مش مستحيل ... أأقف أدام المراية ... بص فى عينيك أوى .. حس بقيمة نفسك ..
اصرخ بصوت عالى : أنا قوى .. أنا جامد . كرر ورايا ...
" اذا أنت صبرت نفذت المقادير و لك الأجر .. و إذا أنت جزعت نفذت المقادير و عليك الوزر " | |
|
| |
shimaa
عدد الرسائل : 371 الرتب : تاريخ التسجيل : 30/09/2008
| موضوع: رد: ناقش اللى بعدك بسؤال الإثنين أكتوبر 13, 2008 9:33 pm | |
| فعلا يادكتورة هو ده الحل الوحيد انا قوى ..أنا جامد انا قوى..انا جامد | |
|
| |
7ob El-7iah Admin
عدد الرسائل : 159 العمر : 34 مزاجك ايه النهرده : الرتب : تاريخ التسجيل : 15/09/2008
| موضوع: رد: ناقش اللى بعدك بسؤال الإثنين أكتوبر 13, 2008 10:41 pm | |
| طيب انا برده ممكن أجاوب على نفس السؤال شكرا جدا يا دكتورة انتي فعلا جبتي جزء كبير اوي من الكلام ولخصتيه في جملتين والحاجة التانية بقا انت ممكن تغير نظام يومك لو كنت بدأت تحس انه روتيني وعلى فكرة الموضوع يستحيل انه يجي في يوم وليله أنا مثلا ولله كل الحمد قبل رمضان اللي فات ده كانت حياتي كلها أغاني في اغاني الصبح وبليل والظهر وكل وقت قبل رمضان قررت ازيل كل ده يعني قررت اني اغر كل نظام يومي طب ياترى هملاه ازاي تاني بس على فكرة هيا جت من عند ربنا لوحدها شوية شوية وكنت حاسس اني هرجع تاني بعد رمضان لكن سبحان الله شاء القدر اني اتعرف عليكم بالظبط في نص رمضان وبعد التعرف الجامد على كل شخصية جميلة قابلتها منأول الدكتورة اسلام والأستاذ أحمد وبقية اعضاء الإدارة إلى آخر عضو ومتطوع كل الحسابات اتغيرت ولوحدها من غير ما افكر فيها اصلا يعني بإختصار عشان مطولش في الكلام حاول تشوف حاجة جديده وتعملها او على الأقل بدل نظام اليوم بتاعك بمعنى تاني (لخبطه خالص) وان شاء الله يكون كله تمام أرجوا اني اكون عرفت اوصل الفكرة | |
|
| |
7ob El-7iah Admin
عدد الرسائل : 159 العمر : 34 مزاجك ايه النهرده : الرتب : تاريخ التسجيل : 15/09/2008
| موضوع: رد: ناقش اللى بعدك بسؤال الإثنين أكتوبر 13, 2008 10:52 pm | |
| سؤالي بقا........................... لو كان في حياتك واحد صاحبك او نقول واحد زي اخوووووووك اوي وانت بتحبه بس المشكله انه بعيد شوية عن ربنا والبعد ده حاجة جديده عليه ويمكن تكون شايف نفسك بتعمل حاجة كويسة(الجمعية مثلا) ياترى ازاي ممكن تقنعة بفكرة زي دي؟؟؟ ولو حد يقولي برده ازاي ممكن اجرة لكده | |
|
| |
shimaa
عدد الرسائل : 371 الرتب : تاريخ التسجيل : 30/09/2008
| موضوع: رد: ناقش اللى بعدك بسؤال الإثنين أكتوبر 13, 2008 11:06 pm | |
| المشكله انه بعيد شوية عن ربنا
والبعد ده حاجة جديده عليه يعنى من وجهة نظرى انه فعلا جواه الخيروبيحب ربنا بس ساعات الواحد بيبعد شوية عن ربنا وفى الوقت ده بيبقى محتاج بجد لصحبة صالحة علشان تشده وترجعه تانى انا من رأيى المتواضع انك تحاول توصف له احساسك وانت بتعمل الخير واد ايه بجد حياتك اتغيرت وحسيت باحساس رائع عمره ما عدى عليك قبل كده يعنى قصدى تكلمه من قلبك بجد وتقوله على احساسك ومن خلال كده هو بدام جواه خير اصلا لما يسمع الكلام ده اكيد هايتأثر ده بالاضافة انه مثلا لو فى الجمعية وجه حضر معانا اجتماع او حتى زيارة للاطفال وشافهم اكيد نظرته هاتتغير ده من رأيى وهاسيب السؤال للى بعدى اكيد هما اعلم منى وهايفيدوا حضرتك اكتر بكتير | |
|
| |
7ob El-7iah Admin
عدد الرسائل : 159 العمر : 34 مزاجك ايه النهرده : الرتب : تاريخ التسجيل : 15/09/2008
| موضوع: رد: ناقش اللى بعدك بسؤال الإثنين أكتوبر 13, 2008 11:13 pm | |
| أشكرك جدا على الإفاده هوا فعلا انا بقدر المستطاع بحاول اعمل كده معاه وربنا يقدرني على فكرة هوا عايش معايا كل لحظة من تانية ابتدائي بس الكلية بعدتنا عن بعض شوية انا هندسة وهوا صيدلة وكويس انك حولتي السؤال للي بعدك وطلب من الجميع انا عاوز الناس كلها ترد على السؤال ده مخصوص | |
|
| |
مشمرة الى الجنة
عدد الرسائل : 131 العمر : 47 مزاجك ايه النهرده : الرتب : تاريخ التسجيل : 07/09/2008
| موضوع: رد: ناقش اللى بعدك بسؤال الثلاثاء أكتوبر 14, 2008 1:11 am | |
| لو كان في حياتك واحد صاحبك او نقول واحد زي اخوووووووك اوي وانت بتحبه بس المشكله انه بعيد شوية عن ربنا.......والبعد ده حاجة جديده عليه ويمكن تكون شايف نفسك بتعمل حاجة كويسة(الجمعية مثلا) ياترى ازاي ممكن تقنعة بفكرة زي دي؟؟؟؟؟؟؟؟؟؟؟؟؟
هو حقيقى من أصعب الحاجات انك تغير فى نفسك او فى الناس حواليك و ساعات كمان التغيير بيكون اصعب مع الناس القريبة و بيقاوموا محاولة تغييرك ليهم اوى اكتر بكتير من مقاومة الأغراب و ايا كان تفسير ده مش مهم دلوقتى , المهم ازاى تتعامل معاهم؟؟
- لا بد ان تكون محاولاتك غير مباشرة بدون اظهار اى نية او رغبة فى تغييره .. خلى الكلام كأنه صدفة يعنى مثلا تحكى فى وسط الكلام عن الجمعية بصورة عابرة و ما تركزش عليها أوى. و ما تطولش فى الكلام عنها خليه هو يسألك عنها و ما تخليهوش يطلب انك تبطل كلام عنها.
- استخدم سياسة النفس الطويل ... يعنى خطة طويلة المدى و اصبر و ما تستعجلش النتيجة.
- خليه يحس ان الجمعية بقت جزء مهم من حياتك و ليه قدسية معينة .. يعنى مثلا تبين فى وسط الكلام انك ليك مواعيد معينة بتحافظ على تواجدك فيها فى الجمعية و ما ينفعش تخلفها ذى ما تحافظ على مواعيده تمام .
- اتعمد تعمل جزء من تليفوناتك الخاصة مثلا بالاتفاق على موعد حاجة فى الجمعية ادامه .
- ادعيله طبعا و دى اهم حاجة.
- حاول تفكر كويس من خلال معرفتك الجيدة بيه ايه اكتر حاجة هو بيحبها و حاول تشده لينا بيها .. يعنى مثلا بيحب الشعر .. القراءة .. لو بيجيد الكمبيوتر مثلا اطلب منه خدمة يعملها لنا مثلا اعلان او اى حاجة .. بيحب الرحلات .. فكر كده ؟؟
- لما تكلمه عن نفسك دايما تقوله انك حاسس بانك اتغيرت للأفضل و انك مبسوط من ده و حاسس بان الجمعية ليها دور فيه .
دى شوية اقتراحات و ربنا يعينك غشان الموضوع صعب , و معلش طولت استحملنى ...
استنى حاجة مهمة اوى .... قبل ما ييجى عندنا لازم تمسح الصفحة من على المنتدى !!!!!!!!!! | |
|
| |
7ob El-7iah Admin
عدد الرسائل : 159 العمر : 34 مزاجك ايه النهرده : الرتب : تاريخ التسجيل : 15/09/2008
| موضوع: رد: ناقش اللى بعدك بسؤال الثلاثاء أكتوبر 14, 2008 1:26 am | |
| شكرا جدا جدا جد جدا يا دكتورة والله مش عارف ارد بعدك واقول ايه بالظبط شكرا جدا على الإقتراحات الجميلة دي وربنا يعين هوا الحمد لله قدرت آخد منه كلمة انه فاضي يوم السبت والجمعة على العصر كده ان شاء الله بس احنا عندنا رحلة السبت عشان كده يارييييييت يا أحلى أعضاء لو نروح زيارة يوم الجمعة كده ان شاء الله ولو حتى لدارالإيواء أهو من ناحية نسعد شوية الأطفال دول كمان قبل ما نطلع رحلتنا ولو قدرت اجيبه معايا يوم الجمعة فيجي ويشوف الزيارة ويشوفنا واحنا مع بعض ازاي ومع الأطفال برده ازاي اللهم اني اسئلك الهداية لنا جميعا انك على كل شئ قدير وشكرا جزيلا يا دكتورة وجزاكي الله عنا كل خير | |
|
| |
هبة رحمة
عدد الرسائل : 53 الرتب : تاريخ التسجيل : 07/09/2008
| موضوع: رد: ناقش اللى بعدك بسؤال الثلاثاء أكتوبر 14, 2008 11:59 am | |
| مفيش بعد كلام د/ إسلام كلام تانى ممكن يتقال فين سؤالك يا بشمهندس عموما سؤالى هو مارأيك فى هذه العبارة " كثرة الضحك تميت القلب " ها ممكن تفسرها | |
|
| |
malak el- donia
عدد الرسائل : 114 مزاجك ايه النهرده : الرتب : تاريخ التسجيل : 28/09/2008
| موضوع: رد: ناقش اللى بعدك بسؤال الثلاثاء أكتوبر 14, 2008 8:28 pm | |
| اولافي انواع كتير اوي من الضحك في ناس بتضحك من موقف مصلا بيضحك وده الضحك العادي اما بقي في ناس بتضحك من حزنها وهو ده الضحك المميت في نظري لأنك بتبقي مقهور اوي من جواااااك والنوع ده من الضحك بيبقي ممزوج بشئ من البكاء او بيتبعه بكاء للشخص في نوع تاني من الضحك المميت وهو لما الانسان تحصله حاجه ما كنشي متوقع انها تحدث بالمره خالص ومن كتر فرحته يموت ياريت اكون قدرت ارد علي سؤالك وسؤالي هو : ازاي تقدر تتخلص من ذكرياتك القديمه بالرغم من انها موجوه قدامك علطول وكل ما تشوفها بتفتكر الذكريا ت المؤلمه | |
|
| |
farouk
عدد الرسائل : 85 العمر : 52 مزاجك ايه النهرده : الرتب : تاريخ التسجيل : 26/08/2008
| موضوع: رد: ناقش اللى بعدك بسؤال الثلاثاء أكتوبر 14, 2008 9:09 pm | |
| علشان تنسى اى شى لازم تعرف انت هاتنسى لية لو عرفت السبب وشرحتة لنفسك هتقدر تنسى لكن لومفيش سبب مقنع مش هتعرف تنسى عموما حروف كلمة اانسان هى نفس حروف كلمة نسيان س :لو معاك طقية الأخفاء كنت تعمل اية رد بسرعة ؟
عدل سابقا من قبل farouk في الخميس أكتوبر 16, 2008 8:34 pm عدل 1 مرات | |
|
| |
M7MD
عدد الرسائل : 346 العمر : 37 الرتب : تاريخ التسجيل : 15/08/2008
| موضوع: رد: ناقش اللى بعدك بسؤال الأربعاء أكتوبر 15, 2008 2:40 am | |
| | |
|
| |
malak el- donia
عدد الرسائل : 114 مزاجك ايه النهرده : الرتب : تاريخ التسجيل : 28/09/2008
| موضوع: رد: ناقش اللى بعدك بسؤال الأربعاء أكتوبر 15, 2008 6:39 am | |
| المشكلة مش في اسم الشخص المشكله في ان روح الشخص هي اللي بتطاردني بس عمومااا انا بشكرك علي ردك الجميل اوي واللي عجبني جدااا طب ايه رايكم في عبارة ان الحياء يورث الفقر | |
|
| |
هبة رحمة
عدد الرسائل : 53 الرتب : تاريخ التسجيل : 07/09/2008
| موضوع: رد: ناقش اللى بعدك بسؤال الأربعاء أكتوبر 15, 2008 10:06 am | |
| بصراحة مش فهماها العبارة دى ياريت حد تانى يفسرها | |
|
| |
مشمرة الى الجنة
عدد الرسائل : 131 العمر : 47 مزاجك ايه النهرده : الرتب : تاريخ التسجيل : 07/09/2008
| موضوع: رد: ناقش اللى بعدك بسؤال الأربعاء أكتوبر 15, 2008 7:08 pm | |
| سؤال : ازاي تقدر تتخلص من ذكرياتك القديمه بالرغم من انها موجوه قدامك علطول وكل ما تشوفها بتفتكر الذكريا ت المؤلمه
انا رأيى انك مش هتنسى .. و ما ينفعش تتخلص من ذكرياتك القديمة لأنها محفورة جواك خاصة المؤلم منها .... و حتى لو عرفت أسباب مقنعة للنسيان .. أنت هتتعايش معاها هتفضل موجودة فى ركن بعيد فى عقللك وتهل عليك من وقت للتانى و تسببلك بعض الحزن ... لكن الوقت هو العامل الكبير فى النسيان .. يعنى متهيألى صعب أوى تقول هانسى النهاردة و تصبح ناسى بكرة الا اذا كنت قوى جدا جدا جدا اذا كنت بقى سوبرمان مش انسان.. مع الوقت هيقل التفكير فى الذكريات دى واحدة واحدة لكن مش هتتمحى ابدا من حياتك | |
|
| |
malak el- donia
عدد الرسائل : 114 مزاجك ايه النهرده : الرتب : تاريخ التسجيل : 28/09/2008
| موضوع: رد: ناقش اللى بعدك بسؤال الأربعاء أكتوبر 15, 2008 7:30 pm | |
| اولا شكراااا كتييييييييير يا دكتوره علي ردك اللي فعلا اثبتلي اني عدم مقدرتي علي التخلص من الذكريات المؤلمه مش هايكون بين يوم وليله بس لازم تكون فتره الزمن طويله واللي اكتر من كده وصعب تحقيقه هو ان الشخص التاني ده لازم تبعد عنه وده اللي انا مش هاقدلر احققه خالص في الوقت الحالي لأنه مرتبط معايا بالكليه بس الحمد لله وشكرااا لتاني مره يا دكتوره اما بقي بالنسبه لعبارة الحياء يورث الفقر هي مش غامضه اوي ولا ايه | |
|
| |
| ناقش اللى بعدك بسؤال | |
|